Minin nimi 14:19 - LAWA A BOO SONBORE

¹⁹ Dɛnaa Lawa, a kũ zaman lɛ a soo a bɔ Ezipti gána-n kɛ ganaa, n nə́ ǹ sii baraan toa ǹ nɛ yǎa kànaa. Wusoo doo n nə ǹ sã toa-n miɛ̃, n din a bǐɛ̃ gole lɛ taman yii.

LAWA A BOO SONBORE 2011

¹⁹ Dɛnaa Lawa, a kũ zaman lɛ a soo a bɔ Ezipti gána-n kɛ ganaa, n nə́ ǹ sii baraan toa ǹ nɛ yǎa kànaa. Wusoo doo n nə ǹ sã toa-n miɛ̃, n din a bǐɛ̃ gole lɛ taman yii.

Minin nimi 14:19 ပူးပေါင်းရင်းမြစ်များ

Kiin1 8:34

n toa lon n nə ǹ lɛ si, n nə n zaman Izirayeli tɔrɔn lɛn sii baraan toa ǹ nɛ. N goã ń tán mɛn kɔ wɔ digolon la, n wusoo n da ǹ nɛ walan.

Loen 106:45

Á n yiri koa a din a lɛ kɔ kɔn la kɛ lɛ nɛ, á doa kɔn-a ǹ nɛ. A kɔn-narɛɛ gole gole kɛ taman yii, á wusoo a busii lɛ kio.

Loen 78:38

Sɛnɛ, Lawa n makara doɛ̃ wole lɛa, a ǹ dɛ wa, a na á goã ǹ sãn toɛ ǹ nɛ. Biikoo gigiã, a n kirii a din foo la, a toa a foo yoo á la yii-n wa.

Loen 85:2

Dɛnaa Lawa, ń nə́ n minin-narɛɛ nyaa n gána lɛ nɛ. N din nə Zakɔba a nɛnyaanan bɔ bɛ̀rɛbaa nɛ, ǹ nə́ wusoo, ǹ nə́ daa.

Bɔ bɛ̀rɛbaa nɛ 32:32

Sɛnɛ kanna, masɛ nə n nyankoe, bɛ̀ ń boe la, n sii baraa gole kɛ toa ǹ nɛ. Dɛnaa, bɛ̀ a ba n zɛnɛɛ miɛ̃ wa, n masɛ tɔ tuturu, n bɔ yiikoonaabaa ǹ sɛ́wɔ kɛ lɛ nɛ, n din kiɛ̃.»

Bɔ bɛ̀rɛbaa nɛ 33:17

Dɛnaa tɔ́n pɛ Muizu ni: «N boo mɛn da sisia ke, ma á re bɛ lɛ dɔ zɛnɛɛ. A giala, ma á doɛ̃ taãn-taãnɛ, máa n kɔɔ̃n kɔ ma ganaa.»

Bɔ bɛ̀rɛbaa nɛ 34:9

á pɛ: «Dɛnaa, bɛ̀ masɛ á kɔɔ̃nɛ n ganaa sonbore, ma nə n nyankoe, n tɔ wɔ kun wɔsɛn nɛ. Ma á doɛ̃, máa minin kɛn lɛn man tɔrɔ too kaka-a lɛa. Sɛnɛ, lɛ kɔ n wɔsɛn sãn laanka wɔa sii baraan toa wɔ nɛ, n ga wɔ ganaa n din wɔn lɛa.»

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Amɔɔsi 7:2

Bisinin lɛn bɛ́ ǹ nə́ gána lɛ a buu tumaa sɔ̃ ǹ nə́ nya, má tɔ́n pɛ kɛnɛn: «Dɛnaa, maa Lawa ma nə n nyankoe, Zakɔba tɔrɔn lɛn siɛ̃n toa ǹ nɛ, bɛ bie wa, maǹ die wàa biɛ? Ǹ nə́ ke ǹ nə́ ǹ ba tɛ dɔn dinin wa!»

Amɔɔsi 7:5

Má tɔ́n pɛ kɛnɛn: «Dɛnaa, maa Lawa, ma nə n nyankoe, a toa miɛ̃. Bɛ bie wa, Zakɔba tɔrɔn kɛn man die wàa biɛ? Ǹ nə́ ke ǹ nə́ ǹ ba tɛ dɔn dinin wa!»

Zonaasi 3:10

Ǹ goã siin mɛnɛn zɛnɛɛ bɛ kio, Lawa yɛ mà maǹ wusii n boe ǹ sii baraan kio. Bɛ lɛ nɛ á makara bɔ ǹ ganaa, a goã mà a n die dɔlɔ mɛn boe ǹ ganaa a dɔ wusoo ka a kio ne, a bɔ doo wa.

Zonaasi 4:2

a foo yoo á kiɛ̃ a bǎã la. Á tɔn pɛ Lawa nɛ: «A din lɛ n ke le Dɛnaa Lawa, ma bɛ́ maa gána nɛ, man má goã má kɛ lɛ pɛ. Bɛ lɛ na á toa má saa lɛlɛ má baa si máa man woe Tarsisi. A giala, má goã doɛ̃ máa ma n Lawa lɛa, bǐɛ̃ biɛ, min makara doɛ̃. N foo a yui fufuu wa, n kɔn-narɛɛ dɔ n gole. Ta n pɛ mà ma n die dɔlɔ boe min ganaa, ma n wusii ka n kio ne.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Abakuku 3:2

Dɛnaa Lawa, má n boo ma. Ma gɔ̀nɔn nə bìn diɛ ǹ nyɛɛnɛ, n sii dadaran zɛnaa a lɛa, Dɛnaa Lawa. Wɔa yiikoonaabaa gɔ́ɔ̃ nɛ, bɛa siin kɛn kɔnboe nyaa wɔ nɛ! Wɔa yiikoonaabaa gɔ́ɔ̃ nɛ, toa ǹ nə n dɔ̃! Ta n foo na á yoo, n yiri kɔ n din a makara doɛ̃ kɛ nɛ.

Minin nimi 23:21

Dɛnaa Lawa sii baraa yɛ Zakɔba tɔrɔn lɛn ganaa wa. A kɔkɔrɔbaa yɛ Izirayeli minin lɛn ganaa wa. A nə ǹ Lawa Dɛnaa Lawa lɛa, giã nɛ ǹ bii. Ǹ tá n lɛ dii ka a kiibaa nɛ.

Zaaki 5:15

Bɛa Lawa nyan kɛ lɛ á n kɔ ka goleemali ni, bɛ á die busulə lɛ kirisibiɛ. Dɛnaa á die kakabaa koe la. Bɛ̀ sii baraa dɔ tá a mìi ni, á die bɛ dɔ toɛ nɛ.