Minin nimi 14:11 - LAWA A BOO SONBORE

¹¹ Dɛnaa Lawa boo da Muizu ni á pɛ nɛ: «Zaman kɛ n die n yii we masɛ la yǎa biĩ kəni? Ma sii nyaa ǹ siin mɛnɛn tumaa zɛnaa ǹ bii, maǹ die n tiɛ̃ bɛn kio, ǹ nə́ ǹ ba n foo doɛ masɛ ganaa wa, yǎa biĩ kəni?

LAWA A BOO SONBORE 2011

¹¹ Dɛnaa Lawa boo da Muizu ni á pɛ nɛ: «Zaman kɛ n die n yii we masɛ la yǎa biĩ kəni? Ma sii nyaa ǹ siin mɛnɛn tumaa zɛnaa ǹ bii, maǹ die n tiɛ̃ bɛn kio, ǹ nə́ ǹ ba n foo doɛ masɛ ganaa wa, yǎa biĩ kəni?

Minin nimi 14:11 ပူးပေါင်းရင်းမြစ်များ

Loen 106:24

Bɛ lɛ tumaa kio doo, ǹ nə́ n piã ka gána sonbore kɛ nɛ, Lawa kɔ ǹ la, ǹ golee a boo li wa.

Loen 78:22

A giala, ǹ nə n foo doa Lawa ganaa wa, ǹ waa la mà á re ǹsɛn kirisibiɛ wa.

Loen 78:32

Haalɛ ka bɛ nɛ, maǹ nə́ goã tɔn sii baraa zɛnɛɛ, ǹ goã wɛɛ a kaãbaa sii zɛnaan kɛn la wa.

Loen 95:8

Ka baran ka foo laa wa, ka ka digolon bɛ́ ǹ nə́ zɛnaa lɔn Meribaa, ǹ nə́ zia da ma ganaa. Ka ǹ bɛ́ ǹ nə́ zɛnaa lɔn Maasaa don gɔ́ɔ̃ nɛ,

Bɔ bɛ̀rɛbaa nɛ 10:3

Muizu laanka Aarɔn woo wɔ Faarahɔn li, ǹ nə́ pɛ-n kɛnɛn: – Dɛnaa lɛ, Ebrəən Lawa lɛa, bɛ n kɛ pii: «N nə n die n piɛ̃ ka din gisiĩ-n masɛ Lawa yɔrɔ-a yǎa biĩ doo? A toa maa zaman lɛ soo, a wo dí nya ma nɛ.

Bɔ bɛ̀rɛbaa nɛ 16:28

Dɛnaa pɛ Muizu ni: «Ka bɛ́ tɔn nə n piɛ̃ ka maa dí-pɛn laanka maa daraan kɛn lɛ sii ni, yǎa biĩ kəni ka tɔ́n masɛ lɛ sii?

Bɔ bɛ̀rɛbaa nɛ 23:21

Ka n dinin kũ, ka ma lɛ si, ka baran ma bɔlɔ tii wa. Ma á re kaa gɔ́ɔ̃-tii sii ma ganaa wa. A giala, bɛa lon a dia dí-a wole kɛ lɛ n dí-nyɛɛ masɛ din tɔ a lɛa.

Bɔ bɛ̀rɛbaa nɛ 32:9

Á siĩni! Má zaman kɛ lɛ dɔ̃ kəni! Tɔrɔ too kaka-a nɛ!

Suusun 1:22

Baãnaan lɛn, ka n die kaa baãnaabaa lɛ narɛ yǎa biĩ kəni? Yaa wɔ minin ganaa wolen lɛn, ka n die yaa woe minin ganaa yǎa biĩ kəni? Yiriwɛɛnaan lɛn, ka n die n piɛ̃ ka sii doɛ̃-n yǎa biĩ?

Zeremii 13:10

Tɔrɔ baraan manɛ. Ǹ ba n too koe maa da ǹ boon li wa. Maǹ nə n dinin foo kaka koe, ǹ paraamaa-n lawa kɔsɔn ganaa ǹ tá ǹ guguru koe. Ǹ tá re n biɛ ka maabɛlɛ kɛ bɛ́ lɔn, a na a màn kɔn bǐɛ̃ koe doo wa!»

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Ezekieli 20:13

Sɛnɛ, Izirayeli minin nə́ n gòãn dii ma ganaa diə gole lɛ nɛ. Ǹ kɔ maa landa boon kɛn lɛ wa, ǹ nə́ maa sii yɔrɔ bɔ ǹ boon lɛn tii, ǹ mɛnɛn lɛn kɔmalɛ bɛ́ toɛ min yii goã koo. Ǹ nə́ maa susu ǹ piin kɛn ziziɛ̃ á la yii ni. Ma tɔ́n pɛ máa ma foo mɛn yoo ke, man die dɔlɔ diɛ ǹ mìi ni diə gole lɛ nɛ, ǹ nə ǹ dɛ lenlen.

Ozee 8:5

Samarii minin lɛn, kaa diin nɛ nyín kɛ lɛ, ma ba li wa. Bɛ lɛ na á toa ma foo yoo ka li. Yǎa biĩ kəni, ka tɔn goɛ̃ zɛrɛbaãdɛnan lɛa?

Zakarii 8:14

Dɛnaa Lawa bɛ́ boo mɛn pii á ke: «Ka digolon bɛ́ ǹ nə́ ma foo yoo, má golee goon la máa man die baraa zɛnɛɛ ka nɛ.

Minin nimi 14:27

«Man die goɛ̃ bɛa zaman tìĩ-bɔle kɛ lɛa siin sii ma ganaa miɛ̃, yǎa biĩ? Bɛa zaman kɛ lɛ, a ba n niɛ̃ lɛ giulun boo da masɛ ganaa-a wa. Izirayeli minin lɛ giulun boon lɛn ǹ tá ǹ diɛ masɛ ganaa, máa ǹ ma.

Minin nimi 32:10

Dɛnaa Lawa foo goã á yoo bɛa pinaa kɛ lɛ-n taãn-taãnɛ, á tɔ́n nə n liɛ kɛnɛn:

Matiə 17:17

Yezu tɔ́n pɛ: «Ka màn tɔrɔ golee Lawa li baãnaan kɛn, ka n màn tɔrɔ baraa dɔ lɛa. Masɛ n die goɛ̃ kun ka nɛ yǎa biĩ doo, ka tɔn golee Lawa li? Masɛ n die kaa sii sii ma ganaa miɛ̃ yǎa biĩ kəni? Ka nɛ lɛ kũ ka da kɔ ma la kànaa.»

Marki 9:19

Yezu tɔ́n pɛ ǹ nɛ: «E, kasɛn golee Lawa li baãnaan kɛn! Masɛ n die goɛ̃ kun ka nɛ yǎa biĩ doo, ka tɔn golee Lawa li? Ma n die kaa sii sii ma ganaa miɛ̃ yǎa biĩ kəni? Ka nɛ lɛ kũ ka da kɔ ma la.»

Zaã a sɛ́wɔ 10:38

Sɛnɛ, bɛ̀ ma tá bɛn nyɛɛ, haalɛ ta ka ba re golee masɛ li wa, ka waa bɛa zɛnaa ǹ siin lɛn sɛn la, màn mɛn bɛ́ toɛ, ka dɔ̃ taãn-taãnɛ, mà maa Díi tá kun ka ma nɛ, ka masɛ dɔ bɛ́ kun ka maa Díi-n lɔn.»

Zaã a sɛ́wɔ 12:37

A laanɛ Yezu kaãbaa ǹ sii gigiã zɛnaa ǹ yɔrɔ-a, ǹ golee li wa.

Zaã a sɛ́wɔ 15:24

Siin mɛnɛn bɛ́ min kɔ́n din ná a tɔn nə ǹ miã zɛnaa duduu wa, bɛ̀ ma bie má bɛn zɛnaa ǹ bii kɛnɛn wa, bɛ̀ sii baraa ba ǹ mìi-n wa. Sɛnɛ, sisia, a laanɛ ǹ nə́ bɛa siin lɛn yɛ, maǹ wusii n tiɛ̃ la ǹ tá masɛ laanka maa Díi biɛ zɔ́ɔ.

Timəə dí-pɛn 1:32

Sɛnɛ a laanka bɛ nɛ, ka n foo doa kaa Lawa, Dɛnaa Lawa ganaa duduu wa.

Ebrəə 3:16

Dien man nə́ Lawa lɛ lɛ ma, ǹ nə́ n piã-n dɔn? Muizu min mɛnɛn tumaa nyɛɛnaan bɔ, á soo ǹ ne Ezipti gána nɛ, bɛn lɛn manɛ.

Ebrəə 3:18

Lawa na á n liɛ dien li, mà asɛ susui yɔrɔ bɔ á koa ǹ nɛ gána mɛn nɛ, mà ǹ ba re we bɛ-n duduu wa? A na á n liɛ bɔlɔ tii wolen kɛn lɛn li.

Ebrəə 3:8

ka baran n too kaka kɔ, ka ka digolon bɛ́ ǹ nə́ n piã ka Lawa-n lɔn, ǹ nə́ ga a lɛ li don bii wa.