Minin nimi 13:33 - LAWA A BOO SONBORE

³³ Wɔ min mɛnɛn tumaa yɛ a nɛ, maǹ sɔsɔrɔ. Wɔ́ Anaaki tɔrɔn yɛ a nɛ, bɛa min sasa gegere tɔrɔn kɛn lɛn. Wɔ́ goã giɛ wɔ dinin ganaa bisinin lɛa ǹ genli, ǹ dɔn yii na á goã wɔsɛn ganaa miɛ̃ lɛn.»

LAWA A BOO SONBORE 2011

³³ Wɔ min mɛnɛn tumaa yɛ a nɛ, maǹ sɔsɔrɔ. Wɔ́ Anaaki tɔrɔn yɛ a nɛ, bɛa min sasa gegere tɔrɔn kɛn lɛn. Wɔ́ goã giɛ wɔ dinin ganaa bisinin lɛa ǹ genli, ǹ dɔn yii na á goã wɔsɛn ganaa miɛ̃ lɛn.»

Minin nimi 13:33 ပူးပေါင်းရင်းမြစ်များ

Siin Giala 6:4

Bɛa waáraa, haalɛ bɛ dɔ din kio, min sasa gegeren nə́ goã kanaa lɛ nɛ. Lawa a nɛnyaanan nə minbuiinin nɛlɔn mɛnɛn bɔ, ǹ nə́ nɛnyaanan yɛ ǹ la, bɛn lɛn tɔrɔn manɛ. Ǹ dinin lɛn man nə́ goã min gegere pàãdɛnan lɛa lɛlɛ, ǹ tɔ bɔ parsiini.

KZS1 11:23

A din dɔ na á Eziptin giĩ goon dɛ, ǹ dɛnaa mìila á doe mɛtərə paa ka talɛɛ. Sɛmiɛ̃ kurunbirin na á goã bɛa giĩ lɛ gɔn ka kɔ̀rɔ gɔn bɛ́ lɔn. Bàbala na á goã Benazaa sɛ gɔn. Á tele Eziptin giĩ lɛ ganaa, á ná a sɛmiɛ̃ lɛ baã á bɔ a gɔn á dɛ ka a din a sɛmiɛ̃ lɛ nɛ.

Izayii 40:22

Dɛnaa Lawa a kii dankan nə tán a buuriibaa lalan lon. Minbuiin nɛn man ka bisin bɛ́ lɔn a yii li. Á lon lɛ bɔ ka mɔnaa bɛ́ lɔn, A ná a lɛ bɔ ka mɔnaa zìã bɛ́ lɔn, a n die giɛ̃ a nɛ.

Minin nimi 13:22

Bɛ kio, ǹ nə́ woo gusin a lɛ̀gɔn li, ǹ nə́ woo soo yǎa Ebrɔn kiwi. Anaaki a nɛnyaanan kɛn, Ayiman nɛ, Sesayii ni ka Talmayii ni, bɛn tanlɛn minin man nə́ goã giã-n bɛa bǎã lɛ nɛ. (Ǹ nə́ goã ǹ nə́ Ebrɔn kiwi kɛ koa á dɔ lɛ̀ sɔbaa, ǹ nə́ tɔ́n Soan kiwi kɛ koa Ezipti gána nɛ.)

Minin nimi 13:28

Sɛn kəni, pàã tá gána lɛ a minin lon, ǹ kiwin nə́ dadara, kungɔn nə́ pɛnɛɛ nɛ ǹ ganaa sɔnbɔraanɛ. Wɔ Anaaki tɔrɔn dinin yɛ a nɛ.

Minin nimi 14:1

Izirayeli zaman lɛ tumaa nə́ n lɛ wurəə, ǹ nə́ n lɛ dɛ tèlò tumu gɔ́ɔ̃ nɛ.

Timəə dí-pɛn 1:28

Wɔ n die woe maa? Wɔ dɔɔ̃nɔn lɛn dɔn nə́ wɔ foo biɛ na, bɛ̀ ǹ bɛ́ ǹ nə́ pɛ: Gána lɛ a minin tá didi ǹ nə́ la wɔ nɛ, ǹ tá kaka dɔn, ǹ nə́ la wɔ nɛ. A kiwin tá dadara, kungɔnun nə́ ǹ lɛnpɛnɛ, sasa lon ka piwɔɔn! Anaaki ke, á goã sasa gegere, wɔ bɛ tɔrɔn yɛ walan.»

Timəə dí-pɛn 2:10

Emimu tɔrɔn man nə́ goã gána lɛ-n lɛlɛ. Pàã goã ǹ lon, ǹ nə́ gigiã sɔsɔrɔ ka Anaaki tɔrɔn kɛn bɛ́ lɔn.

Timəə dí-pɛn 3:11

Basanan kii Ɔgu dinsɔɔ̃ na á goã Refayimu tɔrɔn lɛn min giala-nyɔmiɛ̃ lɛa. Ǹ na a gere da goo mɛn nɛ, fɔlɔ goo ne. A din lɛ n ke tɔn Amɔn tɔrɔn kɛn kiwi Rabaa. A sasabaa n mɛtərə sii ka talɛɛ, a gɔ́ɔ̃ a golebaa n mɛtərə paa.

Timəə dí-pɛn 9:2

Sanparɛ Anaaki tɔrɔn kɛn mɔnaa nɛ, sɔsɔrɔ dɔn. Ka tá doɛ̃, ǹ bin pɛ, ká ma dɔn dinin mà die n boe la a golee Anaaki tɔrɔn kɛn nyɛɛnɛ?

Zozoe 11:21

Zozoe daa bɛa waáraa kɛ lɛ nɛ, á Anaaki tɔrɔn kɛn dɛ á ǹ bɔ kele yii bǎãn kɛn nɛ Ebrɔn, Debiiri, Anaabu, Zudaa gána a kele yii kɛ tumaa ka Izirayeli gána a kele yii kɛ tumaa nɛ. Zozoe nə́ ǹ laanka ǹ kiwin tumaa ziziɛ̃ lenlen.

Zozoe 14:12

Dɛnaa Lawa kele yii mɛn boo da bɛa pinaa kɛ lɛ nɛ, bɛ lɛ kɔ masɛ la kanna kəni. A giala, ń ma a din pinaa kɛ lɛ dɔ nɛ, mà Anaaki tɔrɔn tá walan, mà kiwin dadaran dɔn tá a nɛ, ǹ nə́ kungɔn dɔ, ǹ nə́ ǹ lɛnpɛnɛ nɛ. Kɔntan Dɛnaa Lawa á re n doe masɛ lɛ, ma á re ǹ lui ma ǹ bɔ gána lɛ nɛ, ka Dɛnaa Lawa din bɛ́ á pɛ lɔn.

Zozoe 15:14

Kalɛbu Anaaki tɔrɔn kɛn tanlɛ sɔɔ kɛa minin loo á ǹ bɔ walan: Sesayii a tanlɛ minin manɛ, Ayiman wɔn nɛ ka Talmayii wɔn nɛ. Bɛn man Anaaki tɔrɔn lɛa.

Samayeli1 17:24

Bɛa giĩ kɛ lɛ, Izirayeli minin lɛn bɛ́ ǹ nə́ yɛ, nyɛ́ɛ nə́ ǹ kũ parsiini ǹ nə́ baa si.

Samayeli1 17:42

Filisiti min lɛ ga, a bɛ́ á Davida yɛ, á zɔ̀ɔ dɔ a nɛ, a giala, a na á goã giɛ Davida ganaa nɛnyaan bɔnbɔnɔn kooro lɛa, a yɔrɔ koa ǹ gɔn nə́ siĩni, tɛ pii.