Minin nimi 13:30 - LAWA A BOO SONBORE

³⁰ Min mɛnɛn nə goã ǹ nə́ mɛ Muizu tɔ la ǹ nə́ pii, Kalɛbu paraa, á ǹ da lɛ tã ganaa á pɛ kɛnɛn: «Ka daa wɔ n tan. Wɔsɛn man die gána kɛ lɛ sii wɔ baa wɔa wɔ lɛa, wɔ n boe bɛ la a giala yii li.»

LAWA A BOO SONBORE 2011

³⁰ Min mɛnɛn nə goã ǹ nə́ mɛ Muizu tɔ la ǹ nə́ pii, Kalɛbu paraa, á ǹ da lɛ tã ganaa á pɛ kɛnɛn: «Ka daa wɔ n tan. Wɔsɛn man die gána kɛ lɛ sii wɔ baa wɔa wɔ lɛa, wɔ n boe bɛ la a giala yii li.»

Minin nimi 13:30 ပူးပေါင်းရင်းမြစ်များ

Loen 60:12

bɛ̀ n din Lawa bie wa? Sɛnɛ, ń wɔ daa, n ba wɔa zia-baalin diɛ zii doo wa.

Minin nimi 13:29

Amalɛki tɔrɔn man giã nɛ a gusin a lɛ̀gɔn la bǎã nɛ, Ɛti tɔrɔn nɛ, Zebuzu tɔrɔn nɛ, ka Amɔɔrɔ tɔrɔn nɛ, bɛn nə́ giã nɛ kele yii kɛ nɛ, Kanaan minin nə́ giã nɛ yìsi mu lɛ-a ka Zurdɛ̃ tà lɛ-a nɛ.»

Minin nimi 13:31

Sɛnɛ, giĩn mɛnɛn nə goã ǹ nə́ woo kun ka Kalɛbu lɛ nɛ, bɛn nə́ pɛ mà ǹsɛn ba boe la ǹ zia baa bɛa tɔrɔn kɛn lɛn ganaa wa, a giala, mà pàã tá ǹ lon á la ǹsɛn manɛ.

Minin nimi 14:24

Sɛnɛ, taasiɛ kɔsɔ goã maa dí-nyali Kalɛbu sɛ yiri ni, á goã bɔlɔgoondɛnaa lɛa masɛ wɔ paǹ li. A wo ga gána mɛn lɛ-a, masɛ á die we-n walan, ma bɛa bǎã lɛ kɔ a tɔrɔn la.

Minin nimi 34:19

Bɛa minin lɛn tɔn nə́ ke: Zudaa tɔrɔn bii: Zefunee a nɛgiĩ Kalɛbu ni.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Rɔmu minin 8:37

Sɛnɛ, bɛ lɛ din tumaa gɔ́ɔ̃ nɛ, Krita mɛn wɔ narɛ, bɛ lɛ n wɔ biɛ gɔ̀lɔ̀n lɛa, wɔ́ la gɔ̀lɔ̀n dinin manɛ.

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Ebrəə 11:33

Ǹsɛn mɛnɛn bɛ́, ǹ nə́ yɔ bɔ kɔn ka gána tumun ni, golee Lawa li a lɛa, ǹ nə́ gɔ̀lɔ̀baa yɛ. Ǹ nə́ peperebaa ǹ dín nya, ǹ nə́ Lawa a lɛ-kɔ ǹ siin yɛ n zɛnɛɛ. Ǹ nə́ yàran lɛ tã,