Minin nimi 13:29 - LAWA A BOO SONBORE

²⁹ Amalɛki tɔrɔn man giã nɛ a gusin a lɛ̀gɔn la bǎã nɛ, Ɛti tɔrɔn nɛ, Zebuzu tɔrɔn nɛ, ka Amɔɔrɔ tɔrɔn nɛ, bɛn nə́ giã nɛ kele yii kɛ nɛ, Kanaan minin nə́ giã nɛ yìsi mu lɛ-a ka Zurdɛ̃ tà lɛ-a nɛ.»

LAWA A BOO SONBORE 2011

²⁹ Amalɛki tɔrɔn man giã nɛ a gusin a lɛ̀gɔn la bǎã nɛ, Ɛti tɔrɔn nɛ, Zebuzu tɔrɔn nɛ, ka Amɔɔrɔ tɔrɔn nɛ, bɛn nə́ giã nɛ kele yii kɛ nɛ, Kanaan minin nə́ giã nɛ yìsi mu lɛ-a ka Zurdɛ̃ tà lɛ-a nɛ.»

Minin nimi 13:29 ပူးပေါင်းရင်းမြစ်များ

Siin Giala 14:7

Bɛ kio, ǹ bɛ́ Ɛn-Mispaa bɛ giala mà Kadɛsi, ǹ nə́ n bɔyaa ǹ nə́ daa walan, ǹ nə́ Amalɛki tɔrɔn bǎã tumaa ziziɛ̃. Amɔɔrɔ tɔrɔn mɛnɛn dɔn dinin bɛ́ giã-n Hasasɔn-Tamaara, ǹ nə́ bɛn dɔn dɛ.

Nehemii 9:8

Ń bɔlɔgoondɛnaabaa ǹ foo yɛ a nɛ n wɔ paǹ li, ń tɔ́n lɛ kɔ kɔn la wɔ nɛ. Gána ke Kaanaan minin wɔ lɛa, Ɛti minin wɔ lɛa, Amɔɔrɔ tɔrɔn wɔ lɛa, Perɛzi minin wɔ lɛa, Zebuzu laanka Girgazi tɔrɔn wɔ lɛa, ń mà n tá re bɛ koe, a laanka a tɔrɔn la. Ń nə́ n boon lɛn lɛ pã, a giala n tá pepere.

Loen 83:7

Bɛa lɛ kaa kun wolen lɛn, Edɔmu minin man ka Isimayeli minin ni, Moabu minin ni ka Agaara a nɛnyaanan nɛ.

Bɔ bɛ̀rɛbaa nɛ 3:17

Á pɛ doo, mà asɛ n die soe ka nɛ a ka bɔ Ezipti gána a nɔmaa kɛ li, a wo ka nɛ gána kɔ́n nɛ, tɔɔ-toe laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti minin ni, Amɔɔrɔ minin ni, Perɛzi minin ni, Ivii minin ni, ka Zebuzu minin ni.»

Bɔ bɛ̀rɛbaa nɛ 3:8

Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.

Minin nimi 13:17

Ǹ bɛ́ bɛa minin kɛn lɛn diɛ woe, Muizu na á goã á pɛ ǹ nɛ: «Ka bɔ kɛnɛn li, gusin a lɛ̀gɔn la, ka wo kele yii kɛ nɛ, ka ga gána lɛ a giã ǹ gɔn ganaa.

Minin nimi 13:30

Min mɛnɛn nə goã ǹ nə́ mɛ Muizu tɔ la ǹ nə́ pii, Kalɛbu paraa, á ǹ da lɛ tã ganaa á pɛ kɛnɛn: «Ka daa wɔ n tan. Wɔsɛn man die gána kɛ lɛ sii wɔ baa wɔa wɔ lɛa, wɔ n boe bɛ la a giala yii li.»

Minin nimi 14:25

Amalɛki tɔrɔn laanka Kanaan minin man giã-n bɛa nyankɔrɔ lɛ nɛ. Biɛ̃, ka die ka n lɛ goa ka wusoo ka wo diə gole lɛ nɛ, ka wo ka ka yɔrɔ nɛ Sawɛɛ tà kɛ ganaa.»

Minin nimi 14:43

Amalɛki tɔrɔn laanka Kanaan minin tá walan ka nyɛɛnɛ, zia tá re ka bii bɛn gɔn. A giala, ka n paǹ kɔ Dɛnaa Lawa nɛ. Dɛnaa Lawa ba re goɛ̃ kun ka-n wa.»

Minin nimi 14:45

Amalɛki tɔrɔn laanka Kanaan minin mɛnɛn bɛ́ giã-n bɛa kele mìin lɛn nɛ, bɛn nə́ gisĩ, ǹ nə́ Izirayeli minin lɛn dɛ ǹ nə́ ǹ zɔzɔɔ, yǎa Ɔrmaa kiwi.

Minin nimi 24:20

Bɛ kio, Balaamu yii Amalɛki tɔrɔn yɛ, á tɔ́n bɔ boon kɛn nɛ kɛnɛn á ǹ pɛ: Amalɛki tɔrɔ n tɔrɔn nyɛɛnɛ. Sɛnɛ, nyɔɔbaa, bɔ̀n nɛ.

Timəə dí-pɛn 20:17

Ɛti tɔrɔn kɛn, Amɔɔrɔ tɔrɔn nɛ, Kanaan minin ni, Perɛzi tɔrɔn nɛ, tɔrɔn kɛn ǹ nə́ bíi Evitin, Zebuzu tɔrɔn nɛ, ka die ka bɛn tumaa dɛ lenlen, ka kaa Lawa, Dɛnaa Lawa á ke á pɛ ka-n lɔn.

Timəə dí-pɛn 7:1

Ka bɛ́ re woe gána mɛn lɛ sii ka baa kaa wɔ lɛa, kaa Lawa, Dɛnaa Lawa á re toɛ ka wɔ bɛa gána lɛ nɛ. A din nə die tɔrɔ gigiã lui a ǹ bɔ ka nyɛɛnɛ, ǹ mɛnɛn bɛ́ mɔnaa nɛ ǹ nə́ la ka nɛ, ǹ pàã dɔ din nə́ la kaa wɔ nɛ: Ɛti tɔrɔn manɛ, Girgazi tɔrɔn nɛ, Amɔɔrɔ tɔrɔn nɛ, Kanaan minin ni, Ferɛzi minin ni, tɔrɔ kɛn ǹ nə́ ǹ bíi Ivitin, ka Zebuzu tɔrɔn nɛ. Ǹ kaa kun tɔrɔ sɔbaa.

Zozoe 10:5

Amɔɔrɔ tɔrɔn kii min sooro lɛ nə́ n sɔkɔn: Zeruzalɛmu wɔ nɛ, Ebrɔn wɔ nɛ, Yarmuti wɔ nɛ, Lakiisi wɔ nɛ ka Egulɔn wɔ nɛ. Ǹ dinin laanka ǹ zia-baalin tumaa woo kɔ Gabawɔ̃ kiwi lɛ, ǹ nə́ zia baa a ganaa.

Zozoe 10:6

Gabawɔ̃ minin lɛn dɔn nə́ tɔ́n min dia Zozoe li giã ǹ bǎã kɛ nɛ Gilgaali. Maǹ wo pɛ nɛ kɛnɛn: «Wɔsɛn manə n bɛ̀rɛn lɛa, n baran n gɔn bɔ wɔsɛn ganaa wa. N nanaa n da n dɔ wɔ lɛ, n wɔ kirisibaa. A giala, Amɔɔrɔ tɔrɔn kiin mɛnɛn tumaa bɛ́ giã-n kele yii kɛ nɛ, bɛn man nə́ n lɛ kaa kun, ǹ nə́ daa wɔsɛn gialaa.»

Zozoe 3:10

Zozoe wusoo á pɛ ǹ nɛ: «Ka á re doɛ̃ kɛ li, mà Lawa Yiikoonaa lɛ tá ka bii. A din dɔ n die Kanaan minin laanka Ɛti tɔrɔn kɛn lui sonbore a ǹ bɔ ka nyɛɛnɛ, ka Evii tɔrɔn laanka Perɛzi tɔrɔn nɛ, ka Girgazi minin ni ka Amɔɔrɔ tɔrɔn laanka Zebuzu minin ni.

Zozoe 5:1

Bɛa biikoo li, Amɔɔrɔ tɔrɔn mɛnɛn tumaa goã Zurdɛ̃ tà kio lɛ̀nyɛɛn gɔn la, bɛn kii ni, ka Kanaan gána a kiin mɛnɛn tumaa goã kɔ̀ gole kɛ lɛ-a, bɛn nə́ ma mà Dɛnaa Lawa Zurdɛ̃ tà a mu piɛ̃ á bɔ Izirayeli minin lɛn nyɛɛnɛ, yǎa ǹ nə́ kiɛ̃ ǹ nə́ nya. Ǹ bɛ ma lɔn, ǹ gɔ́ɔ̃ yii mu baa, ǹ foo biɛ na Izirayeli minin lɛn nyɛɛnɛ.

Zozoe 9:1

KIIN mɛnɛn tumaa goã Zurdɛ̃ tà a lɛ̀nyɛɛn gɔn la kele yii kɛ nɛ, ǹ mɛnɛn dɔn nə goã nyankɔrɔ basa kɛ nɛ, ka kɔ̀ gole lɛkoro lɛ-a tumaa wɔn kɛn nɛ, a wo diri Liban gána la, bɛn tumaa bɛa siin lɛn boo ma. Bɛ lɛ nɛ, Ɛti tɔrɔn kii ni, Amɔɔrɔ tɔrɔn wɔ nɛ, Kanaan minin wɔ nɛ, Perɛzi tɔrɔn wɔ nɛ, Evii tɔrɔn wɔ nɛ ka Zebuzu tɔrɔn wɔn nɛ,

Sii yɔrɔ-bɔlen 3:5

Izirayeli minin lɛn nə́ giã kun ka Kanaan minin lɛn nɛ, Ɛti tɔrɔn nɛ, Amɔɔrɔ wɔn nɛ, Perɛzi wɔn nɛ, Ivii laanka Zebuzu tɔrɔn nɛ.

Sii yɔrɔ-bɔlen 6:3

Bɛ̀ Izirayeli minin nə́ màn da ǹ wuru-n lɔn, Madiã minin man die ǹ gialaa, kun ka Amalɛki tɔrɔn nɛ, ka lɛ̀giala minin kɛn nɛ.

Samayeli1 14:48

Á daa, á pàã yɛ, á boo Amalɛki tɔrɔn la. Min mɛnɛn nə goã Izirayeli minin gɔn mànan kokoe, á Izirayeli minin si bɛn la, á ǹ kaa.

Samayeli1 27:8

Davida laanka a minin nə́ goã nɛn bɛ̀ ǹ soo ǹ wo zia da Gesuuru minin ganaa ka Girizii minin laanka Amalɛki tɔrɔn nɛ. A giala, bɛa tɔrɔn kɛn lɛn man giã nɛ gána lɛ nɛ, haalɛ bibi, a kũ dia-n woe Suuru ganaa yǎa a die doe Ezipti gána nɛ.

Samayeli1 30:1

Lɛawaa sɔɔ bɛ kio, Davida laanka a minin nə́ dɔ Siklagi kiwi. Bɛ́ dɔ daa yaa, bɛ̀ Amalɛki tɔrɔn nə́ daa soo Zudaa gána a gusin a lɛ̀gɔn la, ǹ nə́ kɔ Siklagi kiwi lɛ ka zia nɛ. Ǹ nə́ bɔ̀n da a ganaa, ǹ nə́ tɛ da a ganaa.

Samayeli1 7:14

Filisiti minin nə goã ǹ nə́ kiwi mɛnɛn si Izirayeli minin la, bɛn nə́ wusoo ǹ nə́ dɔ ǹ ganaa. A kũ Ekrɔn ganaa a wo kaa Gaati lɛ, Izirayeli minin nə́ bɛa tánan lɛn si Filisiti minin la. Là nyantoro yɛ Izirayeli minin laanka Amɔɔrɔ tɔrɔn bii ni.