Minin nimi 12:8 - LAWA A BOO SONBORE

⁸ Masɛ n boo diɛ nɛ, wɔ bobo kɔn, ma boo lɛ toɛ̃ nɛ, ma ń ma a toɛ ti wa má n din nyaa nɛ, á maa siĩnbaa yɛ a yɔrɔ-a. A n siɛ lɔn kəni, ka tá masɛ a dí-nyali Muizu lɛ tɔ pii?»

LAWA A BOO SONBORE 2011

⁸ Masɛ n boo diɛ nɛ, wɔ bobo kɔn, ma boo lɛ toɛ̃ nɛ, ma ń ma a toɛ ti wa má n din nyaa nɛ, á maa siĩnbaa yɛ a yɔrɔ-a. A n siɛ lɔn kəni, ka tá masɛ a dí-nyali Muizu lɛ tɔ pii?»

Minin nimi 12:8 ပူးပေါင်းရင်းမြစ်များ

Siin Giala 32:30

Zakɔba tɔ́n nɔ̀n da la: «Bǐɛ̃ kɔ, n nə n tɔ pɛ ma nɛ.» Mà Zakɔba ganaa: «Wàa na á baa, ń tá nɔ̀n diɛ ka ma tɔ nɛ?» A din bǎã lɛ nɛ, á lɛn bǐɛ̃ bíi Zakɔba li.

Loen 17:15

Sɛnɛ, masɛ wɔ paǹ li, peperebaa gɔ́ɔ̃ nɛ, ma á re kɔn yii ka n din ni. Bɛ̀ má yoo lɔn, má kɔn yɛ ka n din ni, ma foo n nyɛɛ.

Loen 49:4

Ma lɛ n yiridɛnaabaa ǹ boo diɛ, ma yiri n sii-doɛ̃ taasɛ.

Bɔ bɛ̀rɛbaa nɛ 19:19

Bɛn wuu lɛ gole kɔ. Muizu n boo diɛ. Lawa dɔ na a lɛ sii ka la a ginii ni.

Bɔ bɛ̀rɛbaa nɛ 20:4

- N baran màn nyín zɛnaa n bɛ baa n Lawa lɛa wa. A baran lon màn yiikoonaa baa wa, tán wɔ nɛ, ka mu giulun wɔ-n wa.

Bɔ bɛ̀rɛbaa nɛ 33:11

Dɛnaa na á goã boo diɛ kɔn ka Muizu ni buə̃buə̃, ka minin bɛ́ boo diɛ kɔn nɛ lɔn. Bɛ kio, Muizu n wusii, a da giã ǹ bǎã lɛ nɛ, bɛ á zɛnɛɛ bɛ̀ a kiodɛnaa tɔntɔraa ke, Nuunu a nɛgiĩ lɛa, a tɔ n Zozoe, bɛ̀ bɛ sɛ tɔn soo, á n bɔ mɔnaa kion lɛ-n wa.

Bɔ bɛ̀rɛbaa nɛ 33:19

Dɛnaa lɛ tɔ́n pɛ: – Man die kiɛ̃ n yɔrɔ-a, ma maa bǐɛ̃ kɛ tumaa nyaa n nɛ, ma ma din tɔ pɛ n nɛ: «Dɛnaa.» Bɛ̀ min mɛn kɔɔ̃n kɔ masɛ ganaa, man makara boe bɛ ganaa, man din nyaa nɛ. Bɛ lɛ nɛ, má makara bɔ n ganaa, má n din nyaa nɛ.

Bɔ bɛ̀rɛbaa nɛ 33:23

Bɛ kio, ma á re n gɔn zoɛ̃, n tá re ma dɔ̀ɔ̃ koe yii, sɛnɛ, ma yɔrɔ ke, n ba boe la n bɛ yɛ wa.

Bɔ bɛ̀rɛbaa nɛ 34:30

Aarɔn laanka Izirayeli nɛnyaanan lɛn tumaa bɛ́ ǹ nə́ Muizu yɛ, a yɔrɔ na á goã tɛ pii. Nyɛ́ɛ nə́ ǹ kũ ka ǹ mɔrɔ a ganaa nɛ.

Suusun 1:6

Ǹ tá re suusun tɛnɛn boo duriin giala miɛ, ka boo kakan kɛn nɛ sii-dɔ̃lin daraan gɔ́ɔ̃ nɛ.

Izayii 40:18

Wɔ n boe la wɔ Dɛnaa Lawa zɔɔ̃ kɔn ka die ne? Wɔ n boe la wɔ wàa mɛn baa a kɔnboe lɛa?

Izayii 46:5

Ka ǹ boe la ka ma zɔ́ɔ̃ kɔn ka die ne? Ka ǹ ma biɛ goon ka die ne? Ka ǹ ma zoɛ̃ kɔn ka die ne mà wɔ goã goon?

Ezekieli 17:2

«Minbuiin a nɛ, boo tì da Izirayeli tɔrɔn lɛn manɛ, giməə da ǹ nɛ.

Ozee 12:13

Zakɔba baa si á woo Aaramu gána nɛ. Izirayeli nə n din kɔ bɛ̀rɛbaa la, lɔ a lɛa. Lɔ a lɛa, á tɔɔn-lɛduə̃li baa.

Minin nimi 14:14

Ǹ ná a boo laakalaa gána lɛ a minin manɛ. Bɛn dɔn nə́ bɔ a siére-a kəni, mà n din Dɛnaa Lawa tá kun ka zaman kɛ lɛ nɛ, n tá n din nyɛɛ nɛ buə̃buə̃. Ǹ nə́ bɔ a siére-a dɔn, mà n din nə zaman lɛ tamaɛ, a giala, man tɔ we ǹ nyɛɛnɛ lɛawaa li, tɛmaa bara bii, tèlò-n, tɛ bara bii.

Minin nimi 7:89

Bɛ̀ Muizu tá we kɔn yɛ ka Lawa nɛ ǹ kion kɛ nɛ, boo diɛ ka Lawa nɛ, á goã Dɛnaa Lawa lɛ miɛ boo diɛ nɛ. Boo-diɛ lɛn lɛ na á goã boe goo lɛpii kɛ lalan, lon màn yiikoonaan nyín màn paa kɛ bii n ni. Goo lɛpii lɛ na á goã *lɛ kɔ kɔn la ǹ goo lɛ la. Lawa na á goã nɛn bɛ̀ a boo da ka Muizu-n miɛ̃.

Matiə 13:35

A na á goã zɛnɛɛ miɛ̃, màn mɛn bɛ́ toɛ, Lawa a boo gii-dali màn mɛn pɛ, bɛ lɛ lɛ pã. A na á pɛ: Masɛ á die n lɛ buĩ ma boo giməə da ǹ nɛ. Masɛ á die n lɛ buĩ ma sii-duriin boo da, ǹ mɛnɛn bɛ́ durii-n haalɛ kanaa diɛ biikoo li.

Luku 10:16

Yezu mà a kialandɛnan lɛn ganaa: «Bɛ̀ min mɛn nə́ n too kɔ ka lon, bɛa dɛnaa na á n too kɔ masɛ dinmaa lon. Bɛ̀ min mɛn dɔ nə́ n piã ka nɛ, bɛa dɛnaa na á n piã ka masɛ dinmaa nɛ. Sɛnɛ, bɛ̀ min mɛn nə́ n piã ka masɛ nɛ, bɛa dɛnaa na á n piã ka masɛ a Dia Wole lɛ nɛ.»

Zaã a sɛ́wɔ 1:18

Min kɔ́n bin Lawa yɛ ka a yii-n wa, sɛnɛ, Nɛgiĩ goon toto kɛ lɛ Lawa lɛa, giã-n Díi Lawa din li, bɛ lɛ na á nyaa wɔ nɛ, wɔ dɔ̃.

Zaã a sɛ́wɔ 15:15

Ma ba ka bíi máa maa dí-nyalin doo wa, a giala, dí-nyali ba a dɛnaagiĩ a nya ǹ dí doɛ̃ wa. Má ka bíi giaáran, a giala, ma màn mɛn tumaa ma maa Díi li, má a tumaa nyaa ka nɛ.

Zaã a sɛ́wɔ 15:24

Siin mɛnɛn bɛ́ min kɔ́n din ná a tɔn nə ǹ miã zɛnaa duduu wa, bɛ̀ ma bie má bɛn zɛnaa ǹ bii kɛnɛn wa, bɛ̀ sii baraa ba ǹ mìi-n wa. Sɛnɛ, sisia, a laanɛ ǹ nə́ bɛa siin lɛn yɛ, maǹ wusii n tiɛ̃ la ǹ tá masɛ laanka maa Díi biɛ zɔ́ɔ.

Korɛnti1 13:12

Sisia, wɔ yii n màn yii nuùnaà nɛ kooro ka damalon wɔ bɛ́ lɔn, sɛnɛ ǹ kɔ́n pinaa, wɔ á re goɛ̃ kɔn yɔrɔ-a dəndəənəə ne. Sisia maa màn-doɛ̃ lɛ lɛ a piɛ̃-n wa, sɛnɛ, ǹ kɔ́n pinaa maa màn-doɛ̃ lɛ lɛ á re piɛ̃ ka Lawa bɛ́ ma doɛ̃ lɔn.

Korɛnti2 3:18

Wɔsɛn mɛnɛn tumaa bɛ́ tapara nə́ n bɔ wɔ siã, wɔsɛn man Dɛnaa a gugurubaa a siĩnbaa nyɛɛ. Wɔ́ n bɔyaa wɔ́ kɔnbɔ ka Dɛnaa din ni, wɔ́ wusoo wɔ́ gugurubaa yɛ, bɛ ń gole á la lɛlɛ wɔ kɛ nɛ. Dɛnaa din na á bɛa dí kɛ lɛ nya ka a Yiri Fu barka nɛ.

Timəə dí-pɛn 18:15

A din tá re a boo gii-dali diɛ ka la, ka masɛ Muizu bɛ́ lɔn. A n die boe ka dinin bii, ka dinin tɔrɔn lɛn min goon ne. Ka die ka n too kɔ bɛ lɛ lon.

Timəə dí-pɛn 34:10

A saa bɛ lɛ ganaa, Lawa a boo gii-dali kɔsɔ tɔn yɛ Izirayeli gána-n doo duduu ka Muizu bɛ́ lɔn wa. A din lɛ laanka Dɛnaa Lawa nə ǹ nə́ goã boo diɛ bɛ̀ ǹ dia kɔn la.

Timəə dí-pɛn 4:15

Ka yiri bɔ ka dinin li taãn-taãnɛ. A giala, Dɛnaa Lawa bɛ́ tɛ bii á n boo diɛ ka nɛ Orɛbu kele lɛ la ǹ mɛn pinaa, ka a dinmaa yɛ ka yii-n wa.

Timəə dí-pɛn 5:8

Ka baran màn nyìn zɛnaa ka bɛ baa kaa lawa lɛa wa. Mànan mɛnɛn bɛ́ lon, ǹ mɛnɛn bɛ́ tán la, ka ǹ mɛnɛn dɔn bɛ́ mu li tán, a nyan bɛ kɔn nyìn baa wa.

Kolɔɔsi minin 1:15

Yii bɛ́ a ba Lawa yii wa, Krita lɛ sɛ na a kɔnboe lɛa yii n yii. A din nə màn zɛnaa tumaa a bibinaa lɛa.

Tesaloniki1 4:8

Bɛ lɛ nɛ, bɛ̀ min mɛn nə́ n piã bɛa doroo lɛ nɛ, ǹ dɛnaa bie á n piã ka minbuiin nɛ-n wa, a na á n piã ka Lawa nɛ, asɛ mɛn bɛ́ a Yiri Fu koe ka la.

Timote1 6:16

A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Ebrəə 1:1

Lɛlɛ, Lawa na á boo da wɔ digolon ne, gunyin damata ka yɔrɔ gigiã nɛ, ka a din a boo gii-dalin barka nɛ.

Ebrəə 1:3

Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.

Piɛrɛ2 2:10

Sɛnɛ, min mɛnɛn dɔlɔ bɛ́ re baraa koe taãn-taãnɛ, bɛn man ka min mɛnɛn bɛ́ giɛ gɔ̀nɔn foo sii kɛn li, ǹ nə́ sɔ koe Lawa pàã gole kɛ ganaa. Bɛa minin-daraali soɛ-bɔlen kɛn lɛn foo n doa nɛ ǹ dinin ganaa á la yii ni, maǹ nə n dinin gole koe, ǹ ba nyɛ́ɛ biɛ sɔ kɔ lon màn pàãdɛnan ganaa din ni wa.

Zude 1:8

Ka bɛ din tumaa nɛ, bɛa min baraan kɛn lɛn man sii zɛnɛɛ ka bɛa yɔrɔ kɛ lɛ nɛ. Maǹ soɛ boon taasɛ, ǹ nə́ *gɔ̀ diɛ ǹ dinin ganaa, ǹ nə́ Lawa pàã gole kɛ puusə koe, ǹ nə́ sɔ koe lon màn pàãdɛnan kɛn ganaa.