Minin nimi 12:6 - LAWA A BOO SONBORE

⁶ Dɛnaa Lawa nə́ n toa ǹ ganaa: – Ka n too kɔ masɛ a boo ganaa kəni: «Bɛ̀ Lawa a boo gii-dali mɛn tá ka bii, sii-nyaa gòã wuu li ni, masɛ Dɛnaa Lawa n toɛ, bɛ n masɛ doɛ̃. Narɛɛ dɔ gɔ́ɔ̃ nɛ, masɛ n boo diɛ nɛ.

LAWA A BOO SONBORE 2011

⁶ Dɛnaa Lawa nə́ n toa ǹ ganaa: – Ka n too kɔ masɛ a boo ganaa kəni: «Bɛ̀ Lawa a boo gii-dali mɛn tá ka bii, sii-nyaa gòã wuu li ni, masɛ Dɛnaa Lawa n toɛ, bɛ n masɛ doɛ̃. Narɛɛ dɔ gɔ́ɔ̃ nɛ, masɛ n boo diɛ nɛ.

Minin nimi 12:6 ပူးပေါင်းရင်းမြစ်များ

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Siin Giala 20:7

Sisia, giĩ lɛ a lɔ lɛ kɔ la. A giala, Lawa a boo gii-dali ni, á die Lawa nyankoe n lɛa, màn mɛn bɛ́ toɛ n nyin goã. Bɛ̀ n kɔ la wa, a dɔ̃ mà n din laanka n minin tumaa á re giɛ̃, sàabaa ná a ba la wa.»

Siin Giala 28:12

A bɛ́ nyuù ni, narɛɛ daa la. A yii n kalan gɔn goon ganaa, á n toa tán a mìi la dɔ Lawa ganaa. Á Lawa a lon a dia dí-a wolen yɛ, koe lɛ dii bɛ̀ ǹ gisĩ.

Siin Giala 28:16

Zakɔba yii bɛ́ á kaa, á n bɔ nyuù ni, á pɛ: «Sonbore pɛ á pɛsaã, Dɛnaa din ni bǎã lɛ nɛ! Sɛnɛ, ma n ma dɔ̃ wa.»

Siin Giala 37:5

Ǹ kɔn pinaa, Zozɛfu nə́ n narɛ, á bɛa narɛɛ lɛ laakalaa ǹ golon lɛn manɛ. Bɛ́ wusoo a ná a tìĩ bɔ ǹ nyin ni doo, á la lɛlɛ wɔ kɛ nɛ.

Siin Giala 37:9

Bɛ kio, Zozɛfu wusoo á narɛɛ kɔsɔ wɔ doo, á bɛ dɔ laakalaa ǹ golon lɛn manɛ. Á pɛ ǹ nɛ: «Á ke. Man má n narɛ doo, ka wasa nɛ, ka mui laanka leere fulugoon ne, ǹ nə́ daa kaa tán ma giulun.»

Siin Giala 46:2

Lawa daa Zakɔba la ka narɛɛ-n tèlò-n, á pɛ nɛ: «Zakɔba! Zakɔba!» Zakɔba nə́ n nyəə mà asɛ á ke.

Samayeli2 7:4

Sɛnɛ, a din pinaa tèlò-n, Dɛnaa Lawa boo da ka Natan nɛ á pɛ nɛ:

Kiin1 3:15

Salomɔn yii kaa, á dɔ̃ mà narɛɛ nɛ. Salomɔn nə́ n bɔyaa á woo Zeruzalɛmu, á giã Dɛnaa Lawa a *lɛ kɔ kɔn la ǹ goo lɛ yɔrɔ-a. Á wúlu màn tiɛ̃n laanka zɔɔ da Lawa nɛ ǹ wúlu mànan bɔ, á màn-bii zɛnaa á kɔ a dí-nyalin tumaa la.

Kiin1 3:5

Gabawɔ̃ lɛ nɛ, Dɛnaa Lawa nə́ n din nyaa Salomɔn nɛ ka narɛɛ nɛ tèlò-n. Lawa pɛ nɛ: «Ma n giɛ li ma wàa n màn kɔ n la?»

Zɔbu 33:15

Lawa á boo diɛ min ni ka narɛɛ nɛ, á sii nyɛɛ min ni tèlò-n, bɛ̀ nyuù la-n biikoo mɛn li, bɛ̀ a tá waa-n tán biikoo mɛn li.

Zɔbu 4:13

Tèlò a sii-nyaan bɛ́ gɔ́ɔ̃-bii diɛ ma ganaa ǹ mɛn waáraa, minbuiinin bɛ́ ǹ nə́ nyuù wɔ ǹ nə́ kã ǹ mɛn waáraa,

Loen 105:15

Ka baran n gɔn da maa yii-gɔgoɛ̃ wolen kɛn-a wa. Ka baran sii baraa zɛnaa maa boo gii-dalin kɛn man wa.

Loen 89:19

Dɛnaa Lawa, n din nə ń wɔ tamaali kɛ kɔ wɔ la, Izirayeli a Lawa sonbore, n din nə ń kii kɛ koa wɔ mìi la.

Bɔ bɛ̀rɛbaa nɛ 7:1

Dɛnaa pɛ Muizu-n kɛnɛn: «Á ke, ma nə n boe n koɛ, ka Lawa bɛ́ lɔn *Faarahɔn gɔn, n gologiĩ Aarɔn nə die goɛ̃ n boo gii-dali lɛa.

Zeremii 23:25

Lawa a boo gii-dalin bɛ́ soɛ boon mɛnɛn diɛ ka ma tɔ nɛ, ma á miɛ. Maǹ pii: «Má n narɛ, má n narɛ!»

Zeremii 23:28

Lawa a boo gii-dali mɛn bɛ zoɛ̃ li a na a narɛɛn kalaa, a ǹ kalaa. Sɛnɛ, maa boo gii bɛ́ ǹ mɛn li, a da ka peperebaa nɛ. «Màn fofolo laanka màn nàn sonbore á goon?» Dɛnaa Lawa a da ǹ boo ne.

Ezekieli 1:1

Masɛ Ezekieli lɛ̀ pɔsɔɔbaa ǹ wɔ li, a mui a siibaa ǹ wɔ a lɛawaa soorobaa ǹ wɔ pinaa, man má goã kun ka goa wolen kɛn nɛ Kebaara tà lɛ-a. Ma bɛ́ walan, lon nə́ n lɛ bũ, má siin yɛ Lawa a din nyaa siin lɛa.

Ozee 12:11

Má boo da maa boo gii-dalin manɛ, má sii-yɛn mɔnaa, maa boo gii-dalin barka nɛ má boo da ka nɛ ka giməə ne.

Zowɛli 3:1

Bɛ kio kəni, ma á re ma yiri koe min tumaa la. Kaa nɛgiĩ laanka kaa nɛlɔn tá re maa boo gii diɛ. Ma á re boo diɛ kaa min gole manɛ ka narɛɛn nɛ, ma á re boo diɛ kaa nɛ tenən manɛ ka sii yɛn nɛ.

Zakarii 1:8

«Bɛa tèlò lɛ nɛ, má giĩ goon yɛ á dii sùi tã la. A n golee-n dan bii ni, ǹ luu n tì, nyankɔrɔ basa nɛ. Sùi kɔsɔn man a kio: A tãtãn nɛ, a pupurun ni, ka a fufun ni.»

Minin nimi 24:4

Min mɛn too bɛ́ Lawa a boo miɛ, á n Pàãyiidɛnaa a sii-nyaa yii, á niɛ̃ kiɛ tán a lɛ la, a yii n niɛ̃, bɛ n boo diɛ.

Matiə 1:20

A bɛ́ bɛ lɛ a taasiɛ we, Dɛnaa a dia dí-a wole goon nə́ bɔ lon á n din nyaa nɛ ka narɛɛ nɛ, á pɛ nɛ: «Davida tɔrɔ Zozɛfu ganaa, n baran nyɛ́ɛ baa, n nə n piã ka Mariya a lɔbaa-n wa, a giala, Lawa a Yiri Fu pàã na á toa nɛ kɛ lɛ tá a gɔ́ɔ̃ nɛ.

Matiə 2:19

Erɔdi bɛ́ á gã, bɛ̀ Zozɛfu bɛ́ Ezipti, Dɛnaa a lon a dia dí-a wole goon nə́ n din nyaa nɛ ka narɛɛ nɛ,

Matiə 23:31

Bɛa yɔrɔ lɛ la, ka dinin man siére boe ka dinin wɔ gɔn la, kasɛn man Lawa a boo gii-dalin dɛlen lɛn tɔrɔn lɛa.

Matiə 23:34

Bɛ lɛ na á toa, ka n too kɔ: Man die Lawa a boo gii-dalin laanka yiridɛnan diɛ ka la ka Lawa a boo-dɔ̃lin ni. Ka tá re ǹ tɛn dii ǹ gã, ka ǹ tɛn dere gɔn ganaa, ka á re ǹ tɛn duduwii ka sɔsɔrɔ nɛ kaa lɛsɔkɔn kionən ne, ka ǹ tɛn loo ka kiwin kakaa kɔn la ǹ nɛ, ka fuu nyaa ǹ yii ni.

Matiə 23:37

Zeruzalɛmu kiwi ganaa, nsɛ mɛn bɛ́ Lawa a boo gii-dalin dii, bɛ̀ n Lawa a dia dí-a wolen dɛ ka kɔlɔ nɛ ǹ gã. Ma gunyin damata n ke giɛ li, ma tá n minin lɛ soekɔn ma din li, ka koo dan bɛ́ a nɛn lɛ soekɔn-a a nyàa kan giulun lɔn, sɛnɛ, ka bɛ́ ka lɛ kɔ wa!

Matiə 27:19

Pilati bɛ́ kiri wɔ ǹ bǎã nɛ, a lɔ min dia mà a wo pɛ nɛ: «N nyan toa n nə n sii wɔ giĩ zɛ̀rɛ baãnaa kɛ a sii-n wa. A giala masɛ narɛɛ mɛn wɔ a wɔ gɔn la gunun tèlò-n, á masɛ nɔmaa parsiini.»

Luku 1:11

Bɛa biikoo kɛ lɛ li, Lawa a lon a dia dí-a wole goon nə́ n din nyaa nɛ, á golee nyɔɔ gìĩ kɔɔ̃n tã ǹ bǎã lɛ gusin.

Luku 1:22

Zakarii bɛ́ á soo ǹ mɛn waáraa, a boo la á boo da min ni wa, zaman lɛ dɔ̃, mà a yii na á màn yɛ Lawa a kion nyɛɛnaan sonbore lɛ nɛ. A goã boo diɛ min kɔ́n nɛ wa, a na á goã n gɔnɔn dininsɔɔ̃nɔn biĩ.

Luku 20:6

Sɛnɛ, mà bɛ̀ ǹsɛn nə́ pɛ mà minin man nə́ dia, mà zaman nə die ǹsɛn dii ka kɔlɔ nɛ ǹsɛn nə gã, a giala, mà min tumaa waa la, mà ZAÃ na á goã Lawa a boo gii-dali goon lɛa.

Nya ǹ dín 10:11

Á goã giɛ lon lɛ ganaa buĩ ni. Màn kɔ́n nə́ bɔ lon, ka mɔnaa gole bɛ́ lɔn, kuĩ ni a gùrù sii tumaa ganaa, á n die gisĩ.

Nya ǹ dín 10:17

Piɛrɛ yii bɛ́ á sii mɛn yɛ, a na á goã giɛ bɛ giala li. Sonbore, a din biikoo lɛ dɔ li gɔrɔ, Kɔrnɛyi a dia dí-a wolen lɛn nə́ nɔ̀n da Simɔn a kion li, yǎa ǹ da dɔ kiɛnlɛ-a.

Efɛɛzi minin 4:11

A din lɛ dɔ na á bǐɛ̃ totoron zɛnaa minbuiinin ni: Á minin kɔnɔn baa dia dí-a wolen lɛa, á kɛn baa Lawa a boo gii-dalin lɛa. Á ǹ tɛnɛn baa Boo Tii Kɔɔ̃n laakalaalin lɛa, á gialakunun baa ga Lawa a sɔmɔ walan wolen lɛa, ǹ nə́ minin darɛɛ.

Timəə dí-pɛn 18:15

A din tá re a boo gii-dali diɛ ka la, ka masɛ Muizu bɛ́ lɔn. A n die boe ka dinin bii, ka dinin tɔrɔn lɛn min goon ne. Ka die ka n too kɔ bɛ lɛ lon.

Timəə dí-pɛn 18:18

Masɛ n die Lawa a boo gii-dali goon diɛ ka ma din bɛ́ lɔn, ka dinin tɔrɔn lɛn min goon lɛa. Ma á re maa boo we a lɛ-n. Ma bɛ́ re n gɔn wɛɛ nɛ ka sii woo sii ni, a tá re a tumaa pii ka nɛ.

Ebrəə 1:1

Lɛlɛ, Lawa na á boo da wɔ digolon ne, gunyin damata ka yɔrɔ gigiã nɛ, ka a din a boo gii-dalin barka nɛ.

Sii-nyaan 11:10

Tán min tumaa foo á re kɔɔ̃n koe ka min paa kɛ a gɛ̀ nɛ. Ǹ tá re ǹ nyɛnyɛɛ parsiini, ǹ kɔn gɔ ka màn nɛ kooro, a giala mà Lawa a boo gii-dali màn paa kɛ bɔ tán minin yii-n parsiini.

Sii-nyaan 11:3

Bɛa biikoo li ma á re a Siére màn paa diɛ, ǹ wɔ ǹ mɔnaan yii n kokoro ka boroo bɛ́ lɔn, ǹ da Lawa a boo gii da yǎa lɛawaa duu goon biɛpaa ka pɔsɔrɔ (1 260) kɛ lɛ piɛ̃.»

Samayeli1 28:6

Sayulu nɔ̀n da Dɛnaa Lawa la, sɛnɛ, Dɛnaa Lawa na a lɛ si wa. A na a lɛ si ka narɛ-n wa, a na a lɛ si ka buun diɛ-n wa, a boo kɔn dɔ da a boo gii-dalin manɛ mà ǹ pɛ-n wa.

Samayeli1 3:15

Samayeli waa tán yǎa lɛ̀ waa, á tɔ́n yoo á Dɛnaa Lawa a kion lɛ a kiɛnlɛn bũ. Nyɛ́ɛ na á goã Samayeli ganaa, a sii-nyaa lɛ laakalaa Elii ni.

Samayeli1 3:21

Dɛnaa Lawa goã bɛ́ a n din nyaa Siiloo. Sonbore ne, a na á goã n din nyɛɛ Samayeli ni walan ka a boo ne.