Minin nimi 12:2 - LAWA A BOO SONBORE

² ǹ nə́ pɛ: «Dɛnaa Lawa na á boo da ka Muizu dinsɔɔ̃ nɛ? A boo da ka wɔsɛn dɔn nɛ wa? Dɛnaa Lawa nə́ ǹ lɛ ma.»

LAWA A BOO SONBORE 2011

² ǹ nə́ pɛ: «Dɛnaa Lawa na á boo da ka Muizu dinsɔɔ̃ nɛ? A boo da ka wɔsɛn dɔn nɛ wa? Dɛnaa Lawa nə́ ǹ lɛ ma.»

Minin nimi 12:2 ပူးပေါင်းရင်းမြစ်များ

Siin Giala 29:33

Bɛ kio, á nɔ̀ si doo, á nɛgiĩ yɛ. Á tɔ́n pɛ: «Lawa ma mà ǹ ba ma narɛ wa, bɛ lɛ nɛ, á kɛ dɔ kɔ ma la.» Á bɛ bíi Simiɔn (bɛ giala mà "Boo ma").

Samayeli2 11:27

A bɛ́ á ǹ zuũ lɛ a gɛ̀ koa á nya, Davida min dia á woo kũ á daa nɛ a din a piɛ. A ná a lɔ baa, á nɛgiĩ yɛ a wɔ lɛa. Sɛnɛ, Davida sii mɛn zɛnaa, a kɔɔ̃n kɔ Dɛnaa Lawa ganaa wa.

Kiin2 19:4

Asiirii gána a kii sɔraasin goledɛnaa mɛn dia, mà a da sɔ kɔ Lawa yiikoonaa lɛ ganaa, kɔntan, Izayii a Lawa, Dɛnaa Lawa lɛ a die bɛa boon kɛn lɛn tumaa miɛ wa? Kɔntan n Lawa, Dɛnaa Lawa lɛ boon mɛnɛn lɛn ma, a die bɛn dɔlɔ boe wa? Bɛ lɛ nɛ, zaman lɛ a gialakun mɛn bɛ́ tɔn na a tan, Lawa nyankɔ bɛn lɛn lɛa.»

Bɔ bɛ̀rɛbaa nɛ 4:14

Lawa foo yoo Muizu li á pɛ nɛ: «N dɔɔ̃ngiĩ Aarɔn banban wa ya, Levii tɔrɔ min kɛ lɛ? Ma á doɛ̃, ma bɛ á boe boo la. Á ke, á soo dinin á die n diɛ n lɛ. Bɛ̀ a yii nə n yɛ, a foo á re kɔɔ̃n koe.

Bɔ bɛ̀rɛbaa nɛ 4:30

Dɛnaa boon mɛnɛn tumaa kɔ Muizu la, a sii nyaa ǹ siin mɛnɛn dɔn nyaa nɛ, Aarɔn boon lɛn pɛ, Muizu dɔ́ siin lɛn zɛnaa zaman lɛ yɔrɔ-a.

Bɔ bɛ̀rɛbaa nɛ 5:1

Bɛ kio, Muizu laanka Aarɔn daa pɛ *Faarahɔn nɛ: – Dɛnaa lɛ, Izirayeli nɛnyaanan Lawa lɛa, bɛ n kɛ pii: «Toa maa zaman soo, ǹ zii tɔ wɔ don bii, ǹ zɔ́n zɛnaa masɛ a lɛa.»

Bɔ bɛ̀rɛbaa nɛ 7:10

Muizu laanka Aarɔn daa Faarahɔn li, ǹ nə́ sii lɛ zɛnaa ka Dɛnaa bɛ́ á pɛ ǹ nɛ lɔn. Aarɔn bàlà lɛ zũ tán Faarahɔn laanka a kiodɛnan yɔrɔ-a, bàlà lɛ miɛ̃ baa.

Suusun 13:10

Din gole kɔlen man zia yiɛ. Sɛnɛ, min mɛnɛn bɛ́ lɛ koe doroo ganaa, sii-doɛ̃ n bɛn wɔ lɛa.

Izayii 37:4

Asiiriin kii na á sɔraasin goledɛnaa dia die sɔ koe Lawa yiikoonaa ganaa. Toa bɛ̀ Dɛnaa Lawa too n sɔ kɔ kɛ miɛ, a dɔlɔ bɔ a ganaa a da ǹ boon kɛn lɛa! Nsɛ Izayii, Dɛnaa Lawa, n Lawa nyankɔ n zaman kɛa lɛa, ǹ mɛnɛn lɛn yii goã koo.»

Misee 6:4

Maa ka waa a bɔ Ezipti gána-n lɛ sɛ a lɛa nɛ? Maa ka si bɛ̀rɛbaa la lɛ a lɛa nɛ? Hinlaa Muizu dia ka la kɛa lɛa nɛ, ka Aarɔn laanka Miriyamu ni?

Minin nimi 11:1

Ǹ kɔn pinaa, zaman lɛ zùũzùũ si. Bɛ kɔɔ̃n kɔ Dɛnaa Lawa ganaa wa. A bɛ́ á ǹ lɛ ma, a foo yoo taãn-taãnɛ. Dɛnaa Lawa tɔ́n bɔ̀n da zaman lɛ ganaa ka tɛ nɛ. Bɛa tɛ lɛ giã ǹ bǎã lɛ lɛkoro kũ.

Minin nimi 11:29

Muizu Zozoe lɛ si á pɛ: «N foo n wuu pii masɛ a lɛa? Ká toa bɛ̀ Dɛnaa Lawa din nə n Yiri kɛ gisĩ Izirayeli minin lɛn tumaa la, màn mɛn bɛ́ toɛ ǹ tumaa Lawa a boo gii-dalin baa.»

Minin nimi 12:3

Muizu na á goã din gisiĩ wole lɛa, á la kanaa lɛ a min tumaa nɛ.

Minin nimi 16:3

Ǹ nə́ kaa kun ǹ nə́ yoo Muizu laanka Aarɔn gialaa, ǹ nə́ pɛ ǹ nɛ: «Kɛa boe? A giala, zaman lɛ tumaa n Dɛnaa Lawa wɔ lɛa, Dɛnaa Lawa tá kun ka wɔ tumaa nɛ. Wàa na á baa kasɛn tá ka dinin soɛ koe Dɛnaa Lawa a zaman gialakun kɛ nɛ?»

Rɔmu minin 12:10

Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka n zɔɔ̃ kɔn ka kɔn guguru kɔ nɛ.

Rɔmu minin 12:3

Lawa din na á dí kɛ lɛ kɔ ma la, ka a din a bǐɛ̃baa barka nɛ. Bɛ lɛ tɔ ganaa, man pii ka tumaa nɛ, máa min kɔ́n baran taasiɛ wɔ, a n din da bǎã gole-n wa. Sɛnɛ, didie din boɛɛn kɔ ǹ taasiɛ wɔ a din wɔ gɔn la, Lawa goleemali pàã lɛ mɛn kɔ la, a kɔnpɛ ka bɛ nɛ.

Filipi minin 2:14

Ka sii din tumaa zɛnaa, gungunun-si laanka sɛ̀-pɛ ná a ba a-n ma.

Filipi minin 2:3

Ka baran sii kɔ́n zɛnaa ka foo a wuu-pɛ nɛ, ka din gole kɔ-n wa. Sɛnɛ, ka n dinin boɛɛn kɔ, ka min kɔsɔn pɛsã kɔ ka dinin manɛ.

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»