Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Minin nimi 10:29 - LAWA A BOO SONBORE

29 Rewuyeli a nɛgiĩ Obaabu ke Madiã gána min lɛa, Muizu daãgiĩ lɛa, Muizu pɛ bɛ nɛ: «Dɛnaa Lawa bǎã mɛn lɛ boo da, á kɔ wɔ la, wɔsɛn man woe walan. Kiɛ̃ n nə n ta kun ka wɔsɛn nɛ. Dɛnaa Lawa nə n lɛ kɔ Izirayeli minin la ka yii-nyɛɛ mɛn nɛ, wɔsɛn tá re toɛ n dɔ wɔ yɛ bɛ nɛ.»

အခန်းကိုကြည့်ပါ။ ကော်ပီ

LAWA A BOO SONBORE 2011

29 Rewuyeli a nɛgiĩ Obaabu ke Madiã gána min lɛa, Muizu daãgiĩ lɛa, Muizu pɛ bɛ nɛ: «Dɛnaa Lawa bǎã mɛn lɛ boo da, á kɔ wɔ la, wɔsɛn man woe walan. Kiɛ̃ n nə n ta kun ka wɔsɛn nɛ. Dɛnaa Lawa nə n lɛ kɔ Izirayeli minin la ka yii-nyɛɛ mɛn nɛ, wɔsɛn tá re toɛ n dɔ wɔ yɛ bɛ nɛ.»

အခန်းကိုကြည့်ပါ။ ကော်ပီ




Minin nimi 10:29
31 ပူးပေါင်းရင်းမြစ်များ  

Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.


Gána kɛ lɛ n yii tá a ganaa ke, má a tumaa kɔ n la, má kɔ n tɔrɔn la yǎa duduu.


Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa:


N bɛ́ gùli lɛa Kanaan gána mɛn nɛ, ma á re bɛa gána lɛ tumaa koe n laanka n tɔrɔn la, a ǹ wɔ baa yǎa duduu. Masɛ á re goɛ̃ ǹ Lawa lɛa.»


Bǐɛ̃ kɔ, n masɛ kanbaa ma gologiĩ Ezawu ganaa, a giala, ma á nyɛ́ɛ biɛ nɛ. Nyɛ́ɛ tá ma ganaa, a tɔn da wɔ dɛ, ma laanka maa lɔn nɛ, ka maa nɛnyaanan nɛ.


Barka da ǹ loe. Ka kanaa minin lɛn tumaa, ka foo kɔɔ̃nbaa ǹ loe lɔ Dɛnaa Lawa nɛ.


Minin mɛnɛn bɛ́ nyɛ́ɛ biɛ Dɛnaa Lawa nɛ, a lon a dia dí-a wole kɛ n bɛn lɛnpɛnɛ, a tá ǹ kirisibiɛ.


Ka daa wɔ n lɛ dɛ, wɔ n nyɛnyɛɛ wɔa Dɛnaa Lawa ganaa. Ka daa wɔ foo kɔɔ̃nbaa ǹ fòo da Lawa nɛ, wɔ tamaali kɛ lɛ wɔ kirisibiɛ.


Zetro n Madiã gána a wúlu-bɔlen goledɛnaa lɛa, Muizu ǹ daãgiĩ dɔ nɛ. Lawa màn mɛn tumaa zɛnaa a laanka Izirayeli a zaman kɛ nɛ, a soo ǹ ne, á ǹ bɔ Ezipti gána-n lɔn, Zetro bɛ yii ma.


Ǹ daãgiĩ Zetro lɛ woo *wúlu màn tã kunun ǹ ni, ǹ nə́ wúlu màn tɔrɔ kɔsɔn dɔn bɔ ǹ nə́ ǹ kɔ Lawa la. Aarɔn laanka Izirayeli a min golen kɛn tumaa daa màn bii Lawa yɔrɔ-a, kun ka ǹ daãgiĩ Zetro lɛ nɛ.


Muizu tɔ́n zii kɔ ǹ daãgiĩ lɛ la, á woo a gána nɛ.


Nɛlɔn lɛn nə́ wusoo, ǹ nə́ daa ǹ díi Zetro kɛ li, a tɔ n Reweli dɔn. Á nɔ̀n da ǹ la: «Wàa na á baa ka wusoo, ka daa lɛliɛ nɛ kɛnɛn pelo?»


Muizu lɛ kɔ á giã bɛa giĩ kɛ lɛ li. A ná a nɛlɔ lɛ goon kɔ la lɔ lɛa, a tɔ n Sipora.


Muizu na á goã ǹ daãgiĩ Zetro a tɔɔn lɛduĩ. Zetro lɛ n Madiã gána a wúlu-bɔlen kiã lɛa. Á woo ka tɔɔn lɛn nɛ don bii, á dɔ kele kɔ́n li. Lawa na á bɛa kele lɛ bɔ á n die n din nyɛɛ la, a tɔ n Sinayii kele.


Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.


Man má lɛ kɔ kɔn la wɔ ka ǹ dinin lɛn nɛ, máa ma á die Kanaan gána koe ǹ la, gána mɛn bɛ́ ǹ nə́ tiibaa zɛnaa a nɛ.


Gána gigiã á re zii siɛ, bɛ̀ ǹ nə́ pii kɔn nɛ kɛnɛn: Ka daa wɔ n tá wɔ dii Dɛnaa Lawa a kele la, wɔ wo Zakɔba a Lawa a kion. A din tá re a zii lɛ a tɔ wɔ ǹ gɔn nyɛɛ wɔ nɛ, bɛ̀ a din wɔ da zii mɛn la, wɔ á re koe bɛ lɛ. A giala, a dí-pɛn lɛn man boe *Siɔn, Dɛnaa Lawa a boo lɛ n boe Zeruzalɛmu.


Zii mɛn bɛ́ woe *Siɔn, ǹ tá re nɔ̀n diɛ bɛ li, ǹ nə n yɔrɔ bɔyaa ǹ dia kiwi lɛ la. Ǹ tá re die, ǹ lɛ kɔ kɔn la wɔ ka masɛ nɛ, yǎa duduu, ǹ yiri ná a boe-n duduu dɔn wa.


Izirayeli minin lɛn man nə́ koa kɔn la yɔrɔ kɛ lɛ tɔrɔ la, ǹ zia nɛ kurun yii li, ǹ nə́ zii saa.


Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!


Lawa tán kɔ́n din kɔ Abrahamu la gána lɛ-n wa, haalɛ gòã da ǹ bǎã boɛɛn kooro din. Sɛnɛ, á n lɛ kɔ la mà gána lɛ na a din wɔ lɛa, ka a nɛnyaanan nɛ a kio, a da yaa, Abrahamu tɔn nɛ yɛ a biikoo li wa.


Ka digolon nə goã gána mɛn lɛ nɛ lɛlɛ, á re wusii a da ka ka-n walan, á re kaa wɔ biɛ. Á re bǐɛ̃ zɛnɛɛ ka nɛ, a ka mɔnaa a la ka digolon kɛn manɛ.


Ma bɛ́ a landa boon laanka a gɔn waa ǹ boon mɛnɛn pii ka-n pelo, ka bɛn tamaa. Ka dinin bǐɛ̃-kɔ a lɛa nɛ, ka kaa nɛnyaanan wɔ nɛ, ǹ mɛnɛn bɛ́ re goɛ̃ ka kio. Bɛ á re toɛ dɔn, ka nyin sasa yɛ gána kɛ nɛ, kaa Lawa, Dɛnaa Lawa lɛ n koe ka la yǎa duduu.


ń giɛ yiri doa nyin nyabaã ganaa kɛ á goɛ̃ ǹ li. Lawa mɛn bɛ́ a soɛ boe wa, a din na á lɛ kɔ wɔ la ka bɛa nyin nyabaã kɛ lɛ nɛ, bɛ̀ kanaa tɔn nə n giala kɔ wa.


A na á ga li, mà a foo-doa ǹ sii màn paa zɛnaa wɔ nɛ, a lɛ-kɔ kɛ laanka a liɛ kɛ nɛ. Lawa a boe la, a soɛ bɔ bɛa sii paa kɛ lɛ gɔ́ɔ̃-n wa. Wɔsɛn mɛnɛn bɛ́ kiɛ Lawa yele, wɔ nə́ n gɔn parɛɛ Lawa din a foo doa ǹ màn kɛ ganaa á kɔ wɔ la, bɛa sii paa kɛ lɛ n wɔ foo taɛ̃ parsiini.


Yiri Fu ni ka Lawa a sɔmɔ minin ni bɛn man pii: «Daa.» Min mɛn dɔ too bɛ́ á ma, a dɔ́ pɛ: «Daa.» Mu boro bɛ́ min mɛnɛn ganaa ǹ dɔn nə daa, bɛ̀ ǹ mɛn tá giɛ yiikoonaabaa ǹ mu li, a yɛ kooro.


Muizu n daãgiĩ Kenii tɔrɔn nə́ yoo sèwo dan kiwi kɛ nɛ kun ka Zudaa minin ni, ǹ nə́ woo Zudaa diə gole ne, Aradi a gusin a lɛ̀gɔn la. Ǹ nə́ daa giã kun ka zaman lɛ nɛ.


Ebɛɛrɛ na á goã á n na, á n bɔ a tɔrɔ Kenii minin lɛn ganaa. Muizu ǹ daãgiĩ Obabu tɔrɔn manɛ. Ebɛɛrɛ woo a mɔnaa kion doa yǎa Sanayimu a da sasa kɛ li, kunu Kedɛsi ganaa.


Sayulu pɛ Kenii tɔrɔn manɛ: «Ka n na, ka woo, ka n bɔ Amalɛki tɔrɔn lɛn bii, bɛ̀ bie wa, ma tɔn kiɛ̃ ma ka dɔn naa Amalɛki tɔrɔn lɛn ganaa kooro, a da yaa Izirayeli minin lɛn bɛ́ boe Ezipti gána nɛ ǹ mɛn waáraa, Kenii tɔrɔn lɛn nə́ ǹ tumaa kũ doɛ̃.» A bɛ́ miɛ̃, Kenii tɔrɔn lɛn nə́ n na Amalɛki tɔrɔn lɛn ganaa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ