Minin nimi 10:10 - LAWA A BOO SONBORE

¹⁰ Kaa nyɛnyɛɛ lɛawaan li, kaa lɛawaa dadaran li, kaa mui dii zɔ́nɔn li, ka die ka bɛa bɛnɛn kɛn lɛn pɛ ka *wúlu màn tiɛ̃n laanka kaa barka da ǹ wúlu mànan bɔ biikoo li. Bɛ dɔ á re toɛ masɛ nə n yiri kɔ ka li. Ma din ni kaa Lawa, Dɛnaa Lawa lɛ lɛa.»

LAWA A BOO SONBORE 2011

¹⁰ Kaa nyɛnyɛɛ lɛawaan li, kaa lɛawaa dadaran li, kaa mui dii zɔ́nɔn li, ka die ka bɛa bɛnɛn kɛn lɛn pɛ ka *wúlu màn tiɛ̃n laanka kaa barka da ǹ wúlu mànan bɔ biikoo li. Bɛ dɔ á re toɛ masɛ nə n yiri kɔ ka li. Ma din ni kaa Lawa, Dɛnaa Lawa lɛ lɛa.»

Minin nimi 10:10 ပူးပေါင်းရင်းမြစ်များ

Kiin2 4:23

Ǹ zuũ lɛ pɛ: «Wàa na á baa n tá li n wo a li pelo? Mui dii zɔ́n hinlaa *susu ǹ pii dɔ bɛ́ a bie wa!» Lɔ lɛ nə́ n toa: «N foo baran biɛ na wa.»

KZS1 15:24

Lawa a wúlu-bɔlen Sebaniya, Zozafa, Netaneyeli, Amasayi, Zakarii, Benaya ka Eliezɛɛrɛ, bɛn man bɛn pii Lawa a goo lɛ yɔrɔ-a. Obɛdi-Edɔmu ka Yehiya man nə́ goã kiɛnlɛn lɛduəlin lɛa goo lɛ li.

KZS1 15:28

Izirayeli din tumaa n woe ka Dɛnaa Lawa a lɛ kɔ kɔn la ǹ goo lɛ nɛ, gɔn dɛ wuu li, bɛnɛn wuu ni, gɔn pere dɛ ǹ mànan nɛ tùtun ni, kɔnkoɛ̃ɛnɛn nɛ.

KZS1 16:42

Eman laankaa Yedutunu n bɛnɛn pii ǹ nə́ gɔn pere dɛ ǹ mànan dii, ka sàn kɔ ǹ màn tɔrɔ kɔsɔn nɛ, ǹ nə́ diɛ Lawa a loen kɛn li. Yedutunu a nɛnyaanan man nə goã kiɛnlɛ lɛduĩ.

KZS2 29:26

Levii tɔrɔn lɛn nə́ kaa tán ka sàn kɔ ǹ mànan kɛn nɛ Davida nə́ ǹ kaa a zɛnaa ganaa. Lawa a wúlu-bɔlen nə́ kaa tán ka bɛnɛn nɛ.

KZS2 29:28

Zaman lɛ tumaa na a musin la yǎa wúlu bɔ lɛ nya, bɛ̀ sàn-kɔlen tá loe loe ǹ nə́ bɛn pii.

KZS2 7:6

Lawa a wúlu-bɔlen manə ǹ bǎã nɛ, *Levii tɔrɔn dɔn nɛ ka sàn kɔ ǹ mànan kɛn nɛ Lawa wɔn lɛa, Davida nə́ ǹ zɛnaa Lawa tɔ bɔ á lɛa ǹ nə́ loe siɛ nɛ: «Hiĩ, a minin narɛɛ n duduu wɔ lɛa.» Ǹ yɔrɔ-a, Lawa a wúlu-bɔlen man bɛn pii zaman lɛ tumaa n golee-n lon.

Ɛsidrasi 3:10

Kion-dɔlen lɛn bɛ́ Dɛnaa Lawa a kion lɛ goã daɛ, ǹ nə́ Lawa a wúlu-bɔlen kaa bii-a, wúlu bɔ ǹ mɔnaan nə́ ǹ ganaa, bɛnɛn nə́ ǹ gɔn. Levii tɔrɔn kɛn Azaafu tɔrɔn lɛa, ǹ nə́ bɛn dɔn kaa bii-a, fɔlɔ màn wuu bɔlen nə́ ǹ gɔn ǹ nə́ diɛ loen li, ń giɛ ǹ tá Dɛnaa Lawa guguru koe a kɔnpɛ ka Izirayeli gána a kii Davida a gɔn-waan nɛ.

Nehemii 12:35

Ka bɛ dɔ nɛ, Lawa a wúlu-bɔlen nə́ goã tɔ lɛ we, ka bɛnɛn nə́ ǹ gɔn. Zonaatan a nɛgiĩ Zekaria ke Semaaya tɔrɔ lɛa, Matania tɔrɔ lɛa, Mikaya tɔrɔ lɛa, Zakuru laanka Azaafu tɔrɔ lɛa,

Loen 150:3

Ka bɛn pɛ ka a tɔ bɔ nɛ, ka tùtu laanka kɔnkoɛɛ̃n dɛ ka a tɔ bɔ nɛ!

Loen 81:3

Ka sàn kɔ, ka maà dɛ, ka tùtun wuu da li.

Loen 81:4

Ka bɛn pɛ mui a bɔ li, ka a folon kaa taãn-taãn biikoo ne, ka pɛ wɔa zɔ́n pinaa dɔ nɛ.

Loen 89:15

N kiibaa lɛ giala n we-n peperebaa la, a giala n we-n dí-pɛn tamaa dɔ la. Kɔn-narɛɛ laanka biɛ̃ duduu nə n din lon, sii tumaa gɔ́ɔ̃ nɛ.

Bɔ bɛ̀rɛbaa nɛ 28:29

«Bɛ̀ Aarɔn tá woe bǎã sonbore lɛ nɛ, Izirayeli nɛnyaanan tɔn lɛn man die goɛ̃ bɛa tìãbii zéwo lɛ lalan. Bɛ n yiri gisĩ sii ni ǹ màn lɛa, Dɛnaa yɔrɔ-a biikoo tumaa li.

Bɔ bɛ̀rɛbaa nɛ 30:16

Bɛ̀ n bɛa wɔrɔ kɛ lɛ tumaa si Izirayeli nɛnyaanan lɛn la ǹ mɛn waáraa, a saa, a goã kɔn yɛ ǹ kion kɛ lɛ a tamaa ǹ màn lɛa. Masɛ á re n yiri koɛ Izirayeli nɛnyaanan nɛ miɛ̃, ma ǹ nyin tamaa.»

Izayii 27:13

Bɛa pinaa, sère gɔ̀lɔ̀ bɛn gole n die n pii. Bɛa biikoo li kəni, min mɛnɛn nə papaã Asiirii gána nɛ, ǹ nə n mɛnɛn loo Ezipti gána nɛ, bɛn tumaa á re die lenlen. Ǹ tá re die n musin koɛ tán Dɛnaa Lawa yɔrɔ-a, Zeruzalɛmu a kele sonbore kɛ la.

Lawa a wúlu-bɔlen 23:24

Boo da ka Izirayeli minin lɛn nɛ, n pɛ ǹ nɛ: mui sɔbaabaa ǹ wɔ a lɛawaa bibinaa ke, ka bɛ koa kaa susui pinaa lɛa. Ka bɛnɛn pɛpɛ bɛa pinaa lɛ nɛ, ka n lɛ sɔkɔn ka masɛ guguru kɔ, a giala, ma yiri tá ka nɛ.

Minin nimi 10:9

Kaa gána nɛ, bɛ̀ ka á woe koe zɔ́ɔn lɛ ka zia nɛ, zɔ́ɔn mɛnɛn bɛ́ ka nɔmɛɛ, ka die ka bɛa bɛnɛn kɛn lɛn pɛ kɔsɛkɔsɛ. Bɛ n die toɛ masɛ nə n yiri koa ka li. Masɛ din Dɛnaa Lawa, kaa Lawa lɛ n die ka sii kaa zɔ́ɔn la kəni, ma ka kaa.

Minin nimi 28:11

«Mui gogoonmaa a giala kɔ pinaa, ǹ dii gɔ̀lɔ̀ paa baa wúlu màn tiɛ̃ lɛa ǹ kɔ Dɛnaa Lawa la, ka sère gɔ̀lɔ̀ goon laanka lɛ̀ goon sère nɛ sɔbaa nɛ, wɔ̀lɔ̀ ná a ba ǹ kɔn ganaa wa.

Minin nimi 29:1

«Lɛ̀ a mui sɔbaabaa ǹ wɔ a giala kɔ pinaa, ka n sɔkɔn ka Dɛnaa Lawa guguru kɔ. Ka baran n gɔn da dí kaka ganaa bɛa pinaa kɛ lɛ-n wa. Bɛnɛn pɛ ǹ zɔ́n nɛ.

Matiə 11:28

«Ka mɛnɛn tumaa bɛ́ nɔmaa nɛ guĩ giulun, ka da ma li, ma á die susui koe ka la.

Nya ǹ dín 10:4

Kɔrnɛyi nə́ n yiin doa la ka gongon. Nyɛ́ɛ bɛ́ a ganaa, a ná a lɛ si: «Wàa mɛn nɛ, Dɛnaa?» Lon a dia dí-a wole lɛ pɛ: «Lawa nə́ n yiri kɔ n nyankɔ lɛ li, ka n bǐɛ̃n kɛn nɛ n nə́ ǹ zɛnaa doobaan manɛ.

Korɛnti1 15:52

Bǎã goon ne, yii buĩ laanka a tiɛ̃ gɔ́ɔ̃ nɛ, bɛ̀ ǹ nə́ bɛn giala-nyɔmɔɔ pɛ. A giala, mà bɛn lɛ á re n pii, geren yii á re kiɛ, ǹ nyin nyabaã yɛ, ǹ tɔn wɔsɛn yiikoonaan bɔyaa.

Tesaloniki1 4:16

Bɛ̀ Lawa din zii kɔ ǹ mɛn pinaa, lon a dia dí-a wolen goledɛnaa lɛn tá re boe, Lawa a bɛn wuu á re boe, Dɛnaa dinmaa á re boe lon a daa. Min mɛnɛn nə gã bɛ̀ ǹ nə́ golee-n *Krita li, bɛn yii á re kiɛ bibinaanɛ.

Tesaloniki1 4:18

Ka kɔn foo wɔraa ka bɛa boon lɛn nɛ.

Zozoe 4:7

Ka pɛ ǹ nɛ kɛnɛn: «Zurdɛ̃ tà a mu na á goã á n na kɔn Dɛnaa Lawa a *lɛ kɔ kɔn la ǹ goo lɛ nyɛɛn lɛlɛ. Ǹ bɛ́ Zurdɛ̃ tà lɛ kuri ni, Zurdɛ̃ tà a mu lɛ na á n na kɔn. Kɔlɔn kɛn lɛn man die Izirayeli minin yiri gisĩ bɛa sii lɛ nɛ yǎa duduu.»

Zozoe 6:4

Lawa a wúlu-bɔle sɔbaa die a mɛ goo lɛ nyɛɛnɛ, ka bɛn sɔbaa kɛ nɛ. A lɛawaa sɔbaabaa ǹ wɔ pinaa, ka die ka kiwi lɛ lɛnpɛnɛ gunyin sɔbaa, bɛ̀ wúlu-bɔlen lɛn sɛn tá bɛa bɛnɛn lɛn pii.

Sii-nyaan 22:17

Yiri Fu ni ka Lawa a sɔmɔ minin ni bɛn man pii: «Daa.» Min mɛn dɔ too bɛ́ á ma, a dɔ́ pɛ: «Daa.» Mu boro bɛ́ min mɛnɛn ganaa ǹ dɔn nə daa, bɛ̀ ǹ mɛn tá giɛ yiikoonaabaa ǹ mu li, a yɛ kooro.

Samayeli1 20:5

Davida pɛ Zonaatan nɛ: – Mui dii zɔ́n lɛ á ke biɛ̃, ma doamaa nɛ ma giã tán kii lɛ genli wɔ màn bii. Toa ma wo n duru don yǎa biɛ̃ a làan wasamiɛ̃nɛ.