Minin nimi 1:50 - LAWA A BOO SONBORE

⁵⁰ Lɛ kɔ kɔn la ǹ boon kɛn bɛ́ kion sonbore mɛn nɛ, bɛa sii wɔ Levii tɔrɔn lɛn sɛn gɔn, ka zìã kion sonbore lɛ a màn baaran tumaa laanka a dí nya ǹ mànan nɛ. Levii tɔrɔn lɛn dinin man die kion sonbore lɛ guĩ, kun ka a màn baaran tumaa nɛ, ǹ na a dí nya. Ǹ tá re ǹ giã ǹ bǎãn dɔdoɛ, bɛ̀ ǹ kion sonbore lɛ da bii ni.

LAWA A BOO SONBORE 2011

⁵⁰ Lɛ kɔ kɔn la ǹ boon kɛn bɛ́ kion sonbore mɛn nɛ, bɛa sii wɔ Levii tɔrɔn lɛn sɛn gɔn, ka zìã kion sonbore lɛ a màn baaran tumaa laanka a dí nya ǹ mànan nɛ. Levii tɔrɔn lɛn dinin man die kion sonbore lɛ guĩ, kun ka a màn baaran tumaa nɛ, ǹ na a dí nya. Ǹ tá re ǹ giã ǹ bǎãn dɔdoɛ, bɛ̀ ǹ kion sonbore lɛ da bii ni.

Minin nimi 1:50 ပူးပေါင်းရင်းမြစ်များ

KZS2 24:6

Bɛ lɛ nɛ, kii tɔ́n lɛ dia Lawa a wúlu-bɔle gole Zozadaa la á pɛ nɛ: «A na á saa lɔn, Lawa a dí-nyali Muizu goã á Izirayeli a zaman da nyin giɔ̀mɔ mɛn a saraa ganaa, Levii tɔrɔn nə Zeruzalɛmu laanka Zudaa a zaman da bɛa saraa ganaa wa? Bɛa nyin giɔ̀mɔ lɛ n Lawa a mɔnaa kion kɛ wɔ lɛa.

Nehemii 12:22

Eliasibu ni, Zozadaa nɛ, Zoanan nɛ, ka Yaduwa nɛ, bɛn bɛ́ Lawa a wúlu-bɔlen lɛa biikoo mɛn li, Levii tɔrɔn mɛnɛn nə goã kɛdɛnan lɛa, ǹ nə́ bɛn tɔn kiɛ̃ sɛ́wɔn nɛ. Maǹ nə́ Lawa a wúlu-bɔlen dɔn wɔ baa miɛ̃ yǎa á daa dɔ Pɛrsi gána a kii Dariusu a kiibaa biikoo ganaa.

Nehemii 12:47

Zorobabeli laanka Nehemii a biikoo li, màn mɛn bɛ́ doe loe-lɔlin lɛn laanka kiɛnlɛ-lɛduə̃lin lɛn ganaa ǹ wɔ gii lɛa, Izirayeli tumaa goã bɛ koe baraabaraa. Maǹ nə́ goã Levii tɔrɔn dɔn wɔ boe bɛ̀ ǹ kaa a gɔrɔn. Levii tɔrɔn dɔn man nə́ goã Aarɔn tɔrɔn wɔ boe, bɛ̀ ǹ kaa a gɔrɔn.

Nehemii 12:8

Levii tɔrɔn bii: Zozoe ne, Binuyii ni, Kadimiyeli ni, Serebia nɛ, Yewudaa nɛ, Matania nɛ, ǹsɛn laanka ǹ dɔɔ̃nɔn man nə́ goã Lawa guguru kɔ ǹ loe nyɛɛnaan boe.

Nehemii 13:22

Bɛ kio, má pɛ Levii tɔrɔn manɛ, máa ǹ gɔ̀ bɔ ǹ dinin-a ǹ da kiɛnlɛn lɛn lɛduə̃, màn mɛn bɛ́ toɛ ǹ susu ǹ pii lɛ tamaa. Bɛ lɛ dɔ taman yii, maa Lawa, n yiri kɔ ma nɛ, makara bɔ ma ganaa a kɔnpɛ ka n bǐɛ̃ gole kɛ nɛ!

Nehemii 13:5

Á goã á kion gɔ́ɔ̃ goon yɔrɔ bɔ Tobiya wɔ lɛa. Bɛa kion gɔ́ɔ̃ kɛ lɛ, man nə́ goã mànan kɛn kiɛ a-n lɛlɛ: Lawa gɔ ǹ mànan nɛ, da yon gìĩ kɔɔ̃n nɛ, Lawa a dí nya ǹ mànan nɛ, *belee a fùbaa ǹ wɔ nɛ, duvɛ̃ dii wɔ laanka nyɔɔ wɔ nɛ, màn mɛn doamaa bɛ́ nɛ a n bɔ *Levii tɔrɔn wɔ lɛa, ka loe-lɔlin laanka kiɛnlɛ-lɛduə̃lin ni, bɛ nɛ, ka ǹ bɛ́ màn mɛn boe ǹ nə́ koe Lawa a wúlu-bɔlen la.

Loen 122:4

Izirayeli tɔrɔn man woe Zeruzalɛmu, Dɛnaa Lawa, Lawa a minin lɛn man woe walan, maǹ woe Dɛnaa Lawa tɔ boe, a kɔnpɛ ka landa mɛn bɛ́ koa-n Izirayeli gána nɛ.

Bɔ bɛ̀rɛbaa nɛ 31:18

Dɛnaa bɛ́ á boo da ka Muizu ni Sinayii kele la á nya, bɛ kio kəni, á lɛ kɔ kɔn la ǹ boon kɔlɔ sɛlɛɛ màn paa lɛ kɔ la, Dɛnaa Lawa din boon mɛnɛn kiɛ̃ ka a din gɔn nɛ.

Bɔ bɛ̀rɛbaa nɛ 38:21

Màn mɛn nə n ziziɛ̃ Kion sonbore lɛ ganaa, bɛ á ke. Muizu na á pɛ mà ǹ bɛ nimi: bɛ na á goã Levii tɔrɔ minin kɛn dí lɛa, wúlu-bɔle Aarɔn a nɛgiĩ Itamaara nə́ ǹ mìi la.

Minin nimi 1:53

Sɛnɛ, Levii tɔrɔn kɛn, bɛn die ǹ nə ǹ giã ǹ bǎãn dɔdoa, ǹ lɛ kɔ kɔn la ǹ boon koa ǹ mɔnaa zìã lɛ da bii ni, màn mɛn bɛ́ toɛ masɛ foo baran yoo Izirayeli zaman lɛ li wa. Levii tɔrɔn man die lɛ kɔ kɔn la ǹ boon koa ǹ mɔnaa zìã lɛ a dí nyɛɛ.»

Minin nimi 10:21

Bɛ kio, Keyati tɔrɔn kɛn *Levii tɔrɔn lɛa, bɛn nə́ yoo ǹ nə́ zii saa, ka zazan nɛ bɛ̀ ǹ tá màn sonboren kɛn guĩ. Levii tɔrɔ gialakunun kɛn doamaa nɛ ǹ kɔn yɛ ka Lawa nɛ ǹ kion kɛ doa, bɛ̀ Keyati tɔrɔn lɛn nə baa doe.

Minin nimi 17:7

A zaman lɛ toa ǹ nə́ n kaa kun ǹ nə́ yui Muizu laanka Aarɔn gialaa, Muizu laanka Aarɔn nə́ n yɔrɔ bɔyaa ǹ nə́ dia kɔn yɛ ka Lawa nɛ ǹ kion kɛ la, bɛ̀ tɛmaa bara á ke á n kuməə a ganaa, Dɛnaa Lawa a gugurubaa daa n din nyaa.

Minin nimi 18:5

Ka dininmaan man die bǎã sonbore kɛa dí nyɛɛ, ka wúlu bɔ ǹ bǎã kɛ wɔ nɛ, màn mɛn bɛ́ toɛ masɛ foo baran yoo, Izirayeli minin lɛn li doo wa.

Minin nimi 2:17

Bɛ kio, *Levii tɔrɔn kɛn tá re woe ka kɔn yɛ ka Lawa nɛ ǹ kion kɛ nɛ. Maǹ die goɛ̃ sɔraasi kuru gialakunun lɛn bii. Zaman lɛ n die koɛ kɔn la ǹ woo, a kɔnpɛ ka ǹ giã kɔn li ǹ gɔn nɛ ǹ giã ǹ bǎã nɛ, ǹ didie ná a bǎã nɛ, a kɔnpɛ ka a tɔrɔ a zanzan bǎã nɛ.

Minin nimi 20:11

Bɛ kio, Muizu nə́ n gɔn saa lon, á gɛ̀fu lɛ dɛ ka a bàlà nɛ gunyin paa. Mu gigiã soo gɛ̀fu lɛ nɛ, zaman lɛ mi kɔnlɛ ka ǹ tɔɔn nɛ.

Minin nimi 4:15

Bɛ̀ Izirayeli minin lɛn tá yui n boe bǎã nɛ biikoo mɛn li, bɛ̀ Aarɔn laanka a nɛgiĩn nə́ màn pɛnɛ kion sonbore lɛ laanka a dí nya ǹ mànan kɛn tumaa ganaa ǹ nə́ nya, Keyati tɔrɔn lɛn nə da ǹ goa. Sɛnɛ ǹ gɔn na a ba re miɛ màn sonboren lɛn gɔ̀nɔn kooromaa-a wa, màn mɛn bɛ́ toɛ ǹ baran gã wa. Keyati tɔrɔn lɛn dí n ka bɛ lɛ nɛ, kɔn yɛ ka Lawa nɛ ǹ kion lɛ nɛ.

Minin nimi 8:19

Masɛ n má Levii tɔrɔn kɔ Aarɔn laanka a nɛgiĩn la, Izirayeli minin lɛn bii, màn mɛn bɛ́ toɛ ǹ dí nya Izirayeli minin lɛn lɛa, kɔn yɛ ka Lawa nɛ ǹ kion kɛ nɛ, ǹ sii baraa sawaa ǹ sii dɔ zɛnaa ǹ ganaa. Bɛa yɔrɔ lɛ la, bɛ̀ Izirayeli minin kɛn nə́ n mɔrɔ bǎã sonbore kɛ ganaa, koe sii ba re ǹ yii wa.»

Minin nimi 8:20

Dɛnaa Lawa goã á boo mɛn yii da Muizu ni Levii tɔrɔn lɛn wɔ paǹ li, Muizu lɛ nɛ, Aarɔn nɛ, ka Izirayeli zaman lɛ nɛ, bɛn nə́ bɛa boo lɛ tumaa a sii zɛnaa Levii tɔrɔn lɛn manɛ. Izirayeli minin lɛn man nə́ zɛnaa ǹ nɛ miɛ̃.

Minin nimi 8:22

Bɛ kio, Levii tɔrɔn lɛn nə́ daa, ǹ dí nya kɔn yɛ ka Lawa nɛ ǹ kion kɛ nɛ, Aarɔn laanka a nɛgiĩn yɔrɔ-a. Maǹ nə́ sii lɛ zɛnaa Levii tɔrɔn manɛ, ka Dɛnaa Lawa goã á pɛ Muizu-n lɔn ǹ wɔ gɔn la.

Sii-nyaan 15:5

Bɛ kio, Lawa a mɔnaa zìã mɛn bɛ́ lon, má yɛ bɛ nə́ n lɛ bũ.