Matiə 9:6 - LAWA A BOO SONBORE

⁶ Sɛnɛ, màn mɛn bɛ́ toɛ, ka dɔ̃ mà pàã tá Min a Nɛgiĩ lon kanaa kɛ gɔ́ɔ̃ nɛ a minin sii baraan toa ǹ nɛ. Bɛ lɛ na á toa, á tɔ́n pɛ giĩ paǹ tumaa gere-a lɛ nɛ: «Yoo lon, n nə n piì saa, n wo piɛ.»

LAWA A BOO SONBORE 2011

⁶ Sɛnɛ, màn mɛn bɛ́ toɛ, ka dɔ̃ mà pàã tá Min a Nɛgiĩ lon kanaa kɛ gɔ́ɔ̃ nɛ a minin sii baraan toa ǹ nɛ. Bɛ lɛ na á toa, á tɔ́n pɛ giĩ paǹ tumaa gere-a lɛ nɛ: «Yoo lon, n nə n piì saa, n wo piɛ.»

Matiə 9:6 ပူးပေါင်းရင်းမြစ်များ

Izayii 43:25

Ma bɛ́ màn mɛn lɛa, bɛ lɛ taman yii, ma dinsɔɔ̃ nə n sii baraan toɛ n nɛ, ma a re n yiri koɛ ǹ nɛ doo wa.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Matiə 4:24

Yezu tɔ bɔ gána lɛ din tumaa nɛ, yǎa á woo dɔ Siirii gána nɛ. Bɛ lɛ na á toa min mɛnɛn bɛ́ ǹ nə́ goã nɔmaa-n busu tɔrɔ gigiã gɔn, busii n die ǹ dii, ǹ nə́ daa ka bɛn nɛ a li. Nɔ̀ɔnɔn bɛ́ ǹ nə́ goã min mɛnɛn ganaa, gigirisandɛnan nɛ, ka min paǹ paa gere-an nɛ, ǹ nə́ daa ka bɛ din tumaa nɛ, Yezu nə́ ǹ busu nya.

Matiə 8:20

Yezu tɔ́n pɛ nɛ: «Tolokan yalan tan, bàanan kii tan, sɛnɛ, bǎã kɔ́n ba Min a Nɛgiĩ lon á n mìi susui a-n wa.»

Matiə 9:2

Minin nə́ daa a li ka giĩ paǹ tumaa gere-a goon ne piì la. Yezu bɛ́ á bɛa minin lɛn goleemali yɛ lɔn, a na á pɛ giĩ paǹ tumaa gere-a lɛ nɛ: «Maa nɛ, n foo taã! N sii baraan nə́ n toa n nɛ!»

Matiə 9:5

Boo màn paa kɛ bii, ǹ mɛn a pɛ n naanaa? Ma pɛ: «N sii baraan nə́ n toa n nɛ,» hinlaa ma pɛ: «Yoo lon n tɔ wɔ.»

Matiə 9:7

Giĩ lɛ yoo á woo piɛ.

Marki 2:10

Sonbore, man li ka dɔ̃, mà pàã tá Min a Nɛgiĩ lon kanaa kɛ gɔ́ɔ̃ nɛ, a minin sii baraan toa ǹ nɛ. Yezu tɔ́n pɛ giĩ paǹ tumaa gere-a lɛ nɛ:

Marki 2:7

«Wàa na á baa giĩ kɛ á boo diɛ kɛnɛn? A n sɔ koe Lawa ganaa! Die n boe la a minbuiinin sii baraan toa ǹ nɛ, bɛ̀ á n bɔ Lawa dinsɔɔ̃ nɛ?»

Luku 5:21

Landa sii-daraalin laanka Fariziɛ̃n nə́ yoo ǹ nə́ sɛ̀ binbisin pii mà wàa dɛnaa n ka giĩ kɛ nɛ, a n sɔ koe Lawa-a kɛnɛn? Mà bɛ̀ á n bɔ Lawa dinsɔɔ̃ nɛ, mà die kɔsɔ n boe la a sii baraa toa minin manɛ?

Zaã a sɛ́wɔ 10:28

Man nyin nyabaã koe ǹ la, ǹ ba re giɛ̃ duduu wa. Min kɔ́n dɔ a re boe la a ǹ kũ a ǹ si ma la wa.

Zaã a sɛ́wɔ 17:2

N din nə́ n pàã kɔ masɛ la minbuiinin tumaa mìi la. A kɔnpɛ ka bɛ lɛ nɛ, n min mɛn tumaa kɔ masɛ la, má nyin nyabaã kɔ bɛn lɛn la.

Zaã a sɛ́wɔ 5:27

A din na á kiri wɔ ǹ pàã kɔ la, a giala, a n Min a Nɛgiĩ lɛa.

Zaã a sɛ́wɔ 5:8

Yezu tɔ́n pɛ nɛ: «Yoo n nə n piì saa n tɔ wɔ.»

Nya ǹ dín 5:31

Lawa na á ná a din lɛ saa lon, á koa gugurubaa ǹ bǎã nɛ a din gusin, kii lɛa, kirisibaali lɛa, màn mɛn bɛ́ toɛ, Izirayeli minin nə boo la, ǹ wusoo ǹ sii baraan kio, Lawa nə ǹ sii baraan toa ǹ nɛ.

Nya ǹ dín 9:34

Piɛrɛ pɛ nɛ: «Enee ganaa, Yezu *Krita nə n busu nyɛɛ. N din yoo n nə n katara saa.» A din bǎã-n gɔrɔ, giĩ lɛ yoo á golee.

Korɛnti2 2:10

Bɛ̀ ka min a sã ǹ sii toa nɛ, masɛ dɔ n toɛ ǹ dɛnaa nɛ. A giala, bɛ̀ sii tan má n kɔnboe ma toa, man toɛ ka dinin lɛa *Krita yɔrɔ-a,

Korɛnti2 5:20

Man boo kɛ diɛ ka nɛ Krita bǎã nɛ, ka n pɛ mà Lawa dinmaa lɛ lɛ n boe ka bíi ka masɛ lɛ nɛ: Man ka gòã kuĩ ka Krita tɔ nɛ, ka lɛ kɔ ka n dinin kaa kun ka Lawa nɛ.

Efɛɛzi minin 4:32

Ka min bǐɛ̃ baa kɔn ganaa ka foo sonbore ne. Ka sii toa kɔn nɛ, ka Lawa bɛ́ á toa wɔ-n lɔn Krita wɔbaa gɔ́ɔ̃ nɛ.

Kolɔɔsi minin 3:13

Ka toa ka kɔn a sii si ka ganaa. Bɛ̀ min tá taasɛ mà ǹ miã sã á wɔ a lon, ka kɔn a sã toa kɔn nɛ. Ka Dɛnaa din bɛ́ á kaa sii baraan toa ka-n lɔn, ka dɔn nə zɛnaa miɛ̃.