Matiə 9:36 - LAWA A BOO SONBORE

³⁶ Bɛ̀ á zaman mɛn yɛ, minin lɛn makara n kuĩ, a giala maǹ nɔmaa nɛ, ǹ foo n ziziɛ̃ nɛ, ka sèren mɛnɛn bɛ́ lɛduə̃li ná a ba ǹ la wa.

LAWA A BOO SONBORE 2011

³⁶ Bɛ̀ á zaman mɛn yɛ, minin lɛn makara n kuĩ, a giala maǹ nɔmaa nɛ, ǹ foo n ziziɛ̃ nɛ, ka sèren mɛnɛn bɛ́ lɛduə̃li ná a ba ǹ la wa.

Matiə 9:36 ပူးပေါင်းရင်းမြစ်များ

Kiin1 22:17

Misee ná a lɛ si: «Má Izirayeli minin tumaa yɛ pɛsiɛ̃-n kelen la, ka n pɛ mà sèren mɛnɛn nə́ ke ǹ lɛduə̃ wole ná a banban. Dɛnaa Lawa pɛ: Dɛnaagiĩ ba minin kɛn lon wa. Didie nə n bɔyaa a wo piɛ ka là nyantoro ne!»

KZS2 18:16

Misee tɔ́n pɛ kəni: «Sii yɛ gɔ́ɔ̃ nɛ, má Izirayeli minin tumaa yɛ sawaa nɛ kele mìi ni ka tɔɔn bɛ́ lɔn lɛduə̃li ná a ba ǹ la wa. Dɛnaa Lawa pɛ: Minin kɛn nyɛɛnnaandɛnaa banban doo wa. Didie tumaa wo piɛ ka là nyantoro ne.»

Izayii 13:14

Bɛa waáraa kəni, tiin man die ǹ piɛ zii siɛ, didie nə n mìi fɔ̃ a gána ganaa, kɛnɛn ka yuùn bɛ́ baa sii lɔn, bɛ̀ ǹ tá lui, ka sèren mɛnɛn nə́ ke ǹ lɛduə̃li banban.

Zeremii 50:6

Maa zaman lɛ a minin man nə́ goã ka sère papaã wolen bɛ́ lɔn. Ǹ lɛduə̃lin man nə́ goã ǹ yiri siɛ̃. Maǹ nə n toɛ walan bɛ̀ ǹ wo kelen la, ǹ dinin gɔn wìi a lɛa. Ǹ nə́ woo kelen la ka tentenen ne, ǹ yiri bɔ ǹ zìãn ganaa.

Zakarii 10:2

Lawa kooron kɛn man soɛ boon diɛ, wɔ-kũlin man soɛ siin yii. Maǹ narɛɛ kooron we, fofolo lɛa. Ǹ foo waa ǹ boon tumaa n piɛ̃ lɛa. Bɛ lɛ nɛ, zaman lɛ woo, ka tɔɔ makaradɛnaa bɛ́ lɔn, a giala, lɛduə̃li ba ǹ la wa.

Zakarii 11:16

A giala, man die tɔɔ-lɛduə̃li kɔsɔ diɛ gána lɛ nɛ: Sèren mɛnɛn bɛ́ ǹ banban, a re n taasɛ bɛn nɛ wa, ǹ mɛnɛn nə papaã, a re giɛ bɛn li wa, ǹ mɛnɛn bɛ́ busulən lɛa, a re giɛ bɛn walan wa, ǹ mɛnɛn bɛ́ kakabaa la, a re màn kɔn koe bɛn la wa. Sɛnɛ, n mɛnɛn bɛ́ kasiɛ̃ nɛ ǹ bii, a n die bɛn soɛ̃, a ǹ gòon tɔnɔn wɔwoɛ̃.»

Minin nimi 27:17

min mɛn nə́ ke die boe la a zaman lɛ nyɛɛnaan bɔ ka a sii yii ni, ń giɛ zaman lɛ baran n baa ka tɔɔn mɛnɛn bɛ́ ǹ lɛduə̃ wole ná a banban wa.»

Matiə 10:6

Izirayeli minin mɛnɛn bɛ́ ǹ nə papaã ka sèren bɛ́ lɔn, ka wo bɛn li, bɛ á sóɛ.

Matiə 14:14

Yezu bɛ́ á soo tà kuru ǹ goo lɛ nɛ, á zaman gigiã yɛ. Bɛa minin lɛn makara bɔ a ganaa, á yoo á ǹ busulən kaka kɔ.

Matiə 15:24

Yezu tɔ́n pɛ: «Izirayeli minin mɛnɛn bɛ́ ǹ nə́ papaã ka sèren bɛ́ lɔn, Lawa na á ma dia bɛn lɛn dininsɔɔ̃nɔn li.»

Matiə 15:32

Yezu ná a kialandɛnan bíi, á pɛ ǹ nɛ: «Minin kɛn makara á boe masɛ ganaa, a giala ǹ lɛawaa sɔɔ n ke kun ka masɛ nɛ, sɛnɛ, màn kɔ́n banban doo ǹ tá re bii wa. Ma ba li ma ǹ toa ǹ wo ka ǹ gɔ́ɔ̃ kooro-n wa, ǹ tá re kerekaɛ̃ zii la.»

Marki 6:34

Yezu bɛ́ á soo á n bɔ goo lɛ nɛ ǹ mɛn waáraa, á zaman gole yɛ. Minbuiinin lɛn makara kũ parsiini, a giala mà ǹ nə́ goã goon ka sèren mɛnɛn bɛ́ lɛduə̃li ná a ba ǹ la wa. A ná a giala kɔ á ǹ daraa sii gigiã ganaa.

Marki 8:2

«Zaman kɛ lɛ makara á boe masɛ ganaa. A giala, ǹ lɛawaa sɔɔ n ke kun ka masɛ nɛ, sɛnɛ, màn kɔ́n banban doo ǹ tá re bii wa.

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.

Ebrəə 5:2

Minin mɛnɛn bɛ́ ǹ nə́ sii baraa zɛnaa, ǹ sii-doɛ̃baã gɔ́ɔ̃ nɛ, wúlu-bɔlen kiã lɛ á boe la, a bɛn sii lɛ giala ma, a giala, a dinmaa lɛ dɔ n pàã wɛɛnaa lɛa a paǹ din tumaa ganaa.