Matiə 9:15 - LAWA A BOO SONBORE

¹⁵ Yezu tɔ́n boo giməə da ǹ nɛ a din wɔ gɔn la á pɛ: «Lɔ tii ǹ zuũ a giaáran tá boe la ǹ nə n yɔrɔ kɔsɛ n lɔ tii ǹ zuũ din toa kunun ǹ ni ya? Haayii. Sɛnɛ, lɛawaa tá re die, ǹ tá re lɔ tii ǹ zuũ boe ǹ bii, ǹ tá re n lɛ soɛ bɛa biikoo li.»

LAWA A BOO SONBORE 2011

¹⁵ Yezu tɔ́n boo giməə da ǹ nɛ a din wɔ gɔn la á pɛ: «Lɔ tii ǹ zuũ a giaáran tá boe la ǹ nə n yɔrɔ kɔsɛ n lɔ tii ǹ zuũ din toa kunun ǹ ni ya? Haayii. Sɛnɛ, lɛawaa tá re die, ǹ tá re lɔ tii ǹ zuũ boe ǹ bii, ǹ tá re n lɛ soɛ bɛa biikoo li.»

Matiə 9:15 ပူးပေါင်းရင်းမြစ်များ

Izayii 22:12

Bɛa pinaa kɛ nɛ, Dɛnaa Lawa Pàãyiidɛnaa na á goã li mà ka wuu pɛ, ka n lɛ dɛ, ka n mìi kɔɔ̃, ka gɛ̀ koa ǹ mɔnaan wɔ.

Matiə 9:14

Ǹ kɔn pinaa, Zaã, *batɛmu da minin ganaa wole a kialandɛnan nə́ n zɔ̃ ǹ nə́ dɔ Yezu li, ǹ nə́ nɔ̀n da la: «Wàa na á baa wɔsɛn laanka Fariziɛ̃n tá nɛn bɛ̀ wɔ n lɛ sɔɔ, nsɛ a kialandɛnan nə́ ǹ ba n lɛ soɛ duduu wa?»

Matiə 9:16

Á wusoo á boo giməə kɔsɔ da ǹ nɛ, a daraa wɔ gɔn la, á pɛ: «Min kɔ́n ba mɔnaa zizi koo tiɛ̃ ka mɔnaa dii lɛkoro-n wa. A giala, mɔnaa dii lɛ á die n nyɔsɔkɔn, a mɔnaa zizi lɛ baã, a na a toɛ̃ lɛ gole kɔ doo.»

Marki 2:19

Yezu tɔ́n boo giməə da ǹ nɛ a din wɔ gɔn la: «Lɔ tii ǹ zuũ a giaáran tá toɛ kunun ǹ ni, ǹ nə n lɛ sɔɔ? Haayii. Bɛ̀ lɔ tii ǹ zuũ lɛ tá kunun ǹ ni, ǹ ba boe la ǹ nə n lɛ sɔɔ wa.

Marki 2:20

Sɛnɛ lɛawaan tá re die, ǹ tá re lɔ tii ǹ zuũ boe ǹ bii, bɛ̀ bɛa biikoo lɛ dɔ, ǹ tá re n lɛ soɛ.»

Luku 17:22

Yezu tɔ́n pɛ kialandɛnan lɛn nɛ: «Biikoo á re die, minin tá re giɛ li mà ǹ goã Min a Nɛgiĩ a kiibaa giulun, haalɛ tá lɛawaa goon toto ne, sɛnɛ, ǹ ba re yii wa.

Luku 5:34

Yezu tɔ́n boo giməə da ǹ nɛ a din wɔ gɔn la: «Ǹ tá boe la, ǹ lɔ tii ǹ zuũ a giaáran kaa lɛ sɔɔ ganaa, bɛ̀ lɔ tii ǹ zuũ dinmaa n kunun ǹ ni?

Luku 5:35

Sɛnɛ, lɛawaan tá re die, ǹ tá re lɔ tii ǹ zuũ boe ǹ bii. Bɛa biikoo li ǹ tá re n lɛ soɛ.»

Zaã a sɛ́wɔ 16:6

Ma bɛ́ má bɛ lɛ pɛ ka nɛ, bɛ lɛ na á yɔrɔ-kɔsiɛ da ka ganaa parsiini.

Zaã a sɛ́wɔ 3:29

Lɔ tii nə ǹ zuũ wɔ lɛa haalɛ. Ǹ zuũ lɛ a giaára ke a li, bɛ̀ ǹ zuũ lɛ foo á kɔɔ̃nɛ, a giaára lɛ dɔ nə n nyɛnyɛɛ kun ni. Masɛ wɔ n miɛ̃, nyɛnyɛɛ lɛ piɛ̃ tá masɛ lon.

Nya ǹ dín 14:23

Lawa a sɔmɔ gogoonmaa nɛ, ǹ nə́ nyɛɛnaandɛnan bɔ ǹ nə́ ǹ koa minin mìi la, ǹ nə́ Lawa nyankɔ bɛ̀ ǹ nə́ n lɛ soɛ. Ǹ nə́ ǹ sii wɔ Dɛnaa din gɔn, ǹ bɛ́ ǹ nə́ golee Dɛnaa mɛn li.

Korɛnti1 7:5

Ka nyan nə n piã ka kɔn nɛ wa, yǎa bɛ̀ ká pɛ kɔn nɛ, ka ń zoɛ̃ mà ka Lawa nyankɔ biikoo tɛn li. Sɛnɛ bɛ kio, ka ǹ wusii ka kaa kun a giala yii li. Bɛ̀ bɛ bie wa, boo ma din la baã tɔn kiɛ̃ a ka kũ, *Sɛtaan boo la a ka bebere.

Korɛnti2 11:27

Má nɔmaa ǹ dí kakan nya, biikoo gigiã li ma nyuù wɔ wa, bòo ma kũ, mu boro ma kũ. Biikoo gigiã li má n lɛ sɔɔ, má nɔmaa nyan gɔn ka mɔnaa wɛɛ nɛ.

Sii-nyaan 19:9

Lon a dia dí-a wole goon tɔ́n pɛ ma nɛ: «A kiɛ̃ sɛ́wɔ nɛ: Ǹ min mɛnɛn bíi Sère Nɛ a kɔn-wɔ ǹ zɔ́n màn-bii kɛ ganaa, bɛn foo á re kɔɔ̃n koe.» Á wusoo á pɛ doo: «Lawa din na á pɛ miɛ̃.»

Sii-nyaan 21:2

Kiwi sonbore ke, Zeruzalɛmu dii lɛa, má tɔ́n bɛ yɛ boe lon Lawa li gisĩ tán. Á n yɔrɔ bɔ ka lɔ tii bɛ́ n yɔrɔ boe lɔn, a tɔn wo zuũ kion.