Matiə 8:2 - LAWA A BOO SONBORE

² Bɛa biikoo li, gɔ̀nɔn busu babaraa dɛnaa goon nə́ n zɔ̃ á dɔ, á kaa tán a yɔrɔ-a, á pɛ nɛ: «Mìinaa ganaa, bɛ̀ n tá li, n tá boe la n masɛ a busu nya.»

LAWA A BOO SONBORE 2011

² Bɛa biikoo li, gɔ̀nɔn busu babaraa dɛnaa goon nə́ n zɔ̃ á dɔ, á kaa tán a yɔrɔ-a, á pɛ nɛ: «Mìinaa ganaa, bɛ̀ n tá li, n tá boe la n masɛ a busu nya.»

Matiə 8:2 ပူးပေါင်းရင်းမြစ်များ

Samayeli2 3:39

A laanɛ ká masɛ bɔ ká ma koa kii lɛa, ma pàã á tɔn kiɛɛrɛ. Minin kɛn, Seruzaa a nɛgiĩn kɛn lɛn, ǹ pàã á gole á la maa wɔ nɛ. Dɛnaa Lawa die a min baraa saraa a kɔnpɛ ka a baraabaa nɛ.»

Kiin2 15:5

Dɛnaa Lawa gɔ̀nɔn ki busu babaraa da kii lɛ-a, á nɔmaa á giã a gɔrɔn kion goon ne. A na á goã gɔ̀nɔn ki busu babaraadɛnaa lɛa, yǎa á woo kaa a gɛ̀ pinaa lɛ. Zoatamu mɛn nə́ ke kii a nɛgiĩ lɛa, bɛ na á goã kii a sumu laanka zaman lɛ mìi la.

Kiin2 5:1

Siirii gána a kii a sɔraasin goledɛnaa n ka Naaman nɛ. Barka goã a sii ni kii lɛ gɔn parsiini. Kii lɛ goã sàn koe ka a sii-n wa. A giala, Naaman lɛ din ni, Dɛnaa Lawa goã á gɔ̀lɔ̀baa kɔ Siirii minin la a gɔn. Sɛnɛ, Naaman lɛ, bɛa zia-baali sonbore kɛ lɛ, gɔ̀nɔn ki busu babaraa na á goã a ganaa.

Kiin2 5:27

Sɛnɛ, Naaman a gɔ̀nɔn ki busu babaraa lɛ n die n din kuĩ denden n laanka n tɔrɔn nɛ, yǎa miɛ̃ duduu.» Bɛ kio, Geazi kiɛ̃ á n bɔ Yiliizee li. Geazi goã gɔ̀nɔn ki busu babaraa dɛnaa lɛa, á kũ á fu kɔ ka koara nɛ.

Minin nimi 12:10

Tɛmaa bara lɛ kiɛ̃ á n bɔ zìã lɛ la, bɛ̀ Miriyamu á ke gɔ̀nɔn ki busu babaraadɛnaa lɛa, á kũ á fu kɔ ka koara nɛ. Aarɔn nə́ n bɔyaa á ga Miriyamu ganaa, bɛ̀ gɔ̀nɔn ki busu babaraa á ke a ganaa.

Matiə 10:8

Ka busulən busu nya, ka geren yii kaa, ka gɔ̀nɔn busu babaraa dɛnan busu nya, ka nɔ̀ɔnɔn loo ka ǹ bɔ minin ganaa. Ka n ka yɛ kooro, ka dɔn nə kɔ kooro.

Matiə 13:58

Ǹ golee Yezu li baã lɛ taman yii, Yezu kaãbaa ǹ sii gigiã zɛnaa walan wa.

Matiə 14:33

Yezu a kialandɛnan mɛnɛn bɛ́ goo lɛ gɔ́ɔ̃ nɛ, bɛn nə́ nɔmaa ǹ nə́ kaa tán-a Yezu giulun, ǹ nə́ pɛ: «Sonbore pɛ á pɛsã, ma n Lawa a Nɛgiĩ lɛa!»

Matiə 15:25

Lɔ lɛ nɔmaa á daa kaa tán-a a giulun, á pɛ: «Mìinaa, n dɔ masɛ lɛ!»

Matiə 18:26

Dí-nyali lɛ na á kaa tán-a ǹ mìinaa lɛ giulun, a ná a nyankɔ parsiini á pɛ: «Sabarabaa n si n ganaa, n yii da ma la, ma á die a tumaa sarɛɛ.»

Matiə 2:11

Ǹ nə́ wɔ kion lɛ nɛ, ǹ nə́ nɛ lɛ laanka ǹ dan Mariya yɛ. Ǹ nə́ kaa tán-a, ǹ nə́ nɛ lɛ guguru kɔ. Bɛ kio, ǹ nə́ ǹ mànan lɛ bũ ǹ nə́ gɔ ka sana nɛ, ka da yon gìĩ kɔɔ̃n laanka *miíri nyɔɔ gìĩ kɔɔ̃n nɛ, ǹ tumaa giɔ̀mɔ n kaka parsiini.

Matiə 20:20

Zebedee a lɔ nə́ n zɔ̃ á dɔ Yezu li ka a nɛnyaan min paa nɛ, á kaa tán-a a giulun, a ná a nyankɔ mà a bǐɛ̃ kɔ asɛ ganaa.

Matiə 26:6

Giĩ goon goã Betaanii kiwi, a tɔ n Simɔn, gɔ̀nɔn busu babaraa goã a ganaa. Yezu bɛ́ bɛa kion,

Matiə 28:17

Ǹ bɛ́ ǹ nə́ yɛ, ǹ ná a guguru kɔ, sɛnɛ, ǹ tɛn nə́ n yiri binbirin bɔ.

Matiə 28:9

Boɛɛn gɔrɔ, Yezu daa n da ǹ lɛ, á pɛ: «Ma á fòo diɛ ka nɛ!» Ǹ nə́ n zɔ̃ ǹ nə́ dɔ Yezu li, ǹ nə́ kaa tán a giulun, ǹ ná a gòãn kũ, ǹ ná a guguru kɔ.

Matiə 4:9

Á tɔ́n pɛ nɛ: «Bɛ̀ ń lɛ kɔ n kaa tán masɛ giulun, n masɛ guguru kɔ, masɛ n kɛ din tumaa koe n la.»

Matiə 8:1

Yezu bɛ́ á gisĩ á n bɔ kele lɛ la, zaman gigiã kɔ a kio lɛ.

Matiə 8:25

A kialandɛnan nə́ n zɔ̃ ǹ nə́ dɔ a li, ǹ nə́ bũ ǹ nə́ pɛ nɛ: «Dɛnaa, wɔ kirisibaa! Wɔsɛn man die giɛ̃!»

Matiə 9:18

Yezu bɛ́ bɛa boon lɛn diɛ, Zuifun goledɛnaa goon nə́ daa kaa tán-a a yɔrɔ-a, á pɛ nɛ: «Maa nɛlɔ na á gã sisia sisia. Sɛnɛ, daa, n nə n gɔn da la, n Lawa nyankɔ nɛ, a yii á die kiɛ.»

Luku 4:27

Lawa a boo gii-dali Yiliizee a wasa nɛ, gɔ̀nɔn busu babaraa dɛnaa gigiã goã Izirayeli gána nɛ, sɛnɛ, bɛn kɔ́n a busu nya wa, yǎa Naaman mɛn bɛ́ Siirii gána min lɛa.

Zaã a sɛ́wɔ 9:38

Giĩ lɛ tɔ́n pɛ Yezu ni: «Dɛnaa, ma golee n li.» Bɛ kio, á kaa tán-a a giulun a ná a guguru kɔ.

Nya ǹ dín 10:14

Piɛrɛ ná a lɛ si: «Dɛnaa, haayii. A giala, masɛ a yiikoonaabaa din tumaa nɛ, ma tɔn soɛ̃ màn kɔ́n wɔ ma lɛ-n wa.»

Nya ǹ dín 10:25

Piɛrɛ bɛ́ á dɔ ǹ mɛn waáraa, Kɔrnɛyi daa n da lɛ, á kaa tán a giulun, a ná a guguru kɔ.

Korɛnti1 14:25

Sii-durii mɛn bɛ́ a foo ne, bɛ á re yii kanaa. Á re n mìi kumii tán, a Lawa guguru kɔ, a pɛ: «Lawa á ka bii taãn-taãnɛ.»

Sii-nyaan 19:10

Má kaa tán lon a dia dí-a wole lɛ giulun, máa ma na a guguru koe. Sɛnɛ, á pɛ ma nɛ: «N nyan toa n bɛ zɛnaa wa! Lawa din sɔɔ̃ guguru kɔ. Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃nɔn mɛnɛn bɛ́ Yezu boo taãn nyaa ǹ nɛ, a nə́ ǹ gɔn.» Yezu boo taãn mɛn nyaa, a din ni Yiri Fu nyaa Lawa a boo gii-dalin dɔn manɛ.