Matiə 7:12 - LAWA A BOO SONBORE

¹² Ka bɛ́ zoɛ̃ mà ka miãn nə màn mɛn zɛnaa ka nɛ, ka dɔn nə bɛ lɛ miã zɛnaa ǹ dɔn nɛ. Muizu a landa laanka Lawa a boo gii-dalin sɛ́wɔn man pii, yǎa a n zɛnɛɛ miɛ̃.

LAWA A BOO SONBORE 2011

¹² Ka bɛ́ zoɛ̃ mà ka miãn nə màn mɛn zɛnaa ka nɛ, ka dɔn nə bɛ lɛ miã zɛnaa ǹ dɔn nɛ. Muizu a landa laanka Lawa a boo gii-dalin sɛ́wɔn man pii, yǎa a n zɛnɛɛ miɛ̃.

Matiə 7:12 ပူးပေါင်းရင်းမြစ်များ

Ezekieli 18:21

Sɛnɛ, bɛ̀ min baraa wusoo a sii baraan tumaa kio, á maa landa siin kɛn tumaa tamaa, bɛ̀ á kɔ zii lɛ á sii pepere zɛnaa, sàabaa ba la wa, a yii á re goɛ̃ koo, a re giɛ̃ wa.

Lawa a wúlu-bɔlen 19:18

N baran dòo bɔ wa, min dɔ baran sii koa a gɔ́ɔ̃ nɛ, ǹ miã wɔ paǹ li wa. N miã kɔsɔ dɔ narɛ ka n bɛ́ n din narɛ lɔn. Masɛ din nə Dɛnaa Lawa lɛa.

Misee 6:8

E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Matiə 5:17

Muizu ka daraa landa siin mɛnɛn ganaa, hinlaa Lawa a boo gii-dalin nə ka daraa boon mɛnɛn ganaa, ka nyan toa ka taasɛ ka masɛ n má daa bɛn sàabaa wa dɛ! Masɛ n má daa ǹ yɔrɔ nyaa ka nɛ, máa ka ǹ giala ma taãnɛ, ma bie má daa ǹ sàabaa wa.

Luku 6:31

Ka bɛ́ zoɛ̃ mà minin nə sii zɛnaa ka-n lɔn, ka dɔn nə zɛnaa ǹ nɛ miɛ̃.

Timote1 1:5

Bɛa gɔn-waa lɛ mìi n ka kɛ nɛ, máa ǹ kɔn narɛ ka gɔ́ɔ̃ fubaa nɛ. Máa taasiɛ sonbore goã ǹ lon, ka goleemali taãn nɛ, ǹ kɔn-narɛɛ lɛ bɔ bɛn nɛ.

Zaaki 2:8

Sonbore, kii Lawa dí-pɛ mɛn kɔ, bɛ̀ ka á bɛ tamaɛ á kɔnpii ka a boo ne, sii sonbore n ka bɛ nɛ ka á zɛnɛɛ. «N nə n miã kɔsɔ narɛ ka n bɛ́ n din narɛ lɔn.»