Matiə 6:5 - LAWA A BOO SONBORE

⁵ Bɛ̀ ka á Lawa nyankoe, ka nyan nə n baa ka gɔ́ɔ̃ tì-an kɛn bɛ́ lɔn wa. Bɛ̀ ǹ tá lɛsɔkɔn kion hinlaa zii giala-a, golee lon a Lawa nyankɔ lɛ n kɔɔ̃nɛ ǹ ganaa. Maǹ giɛ li mà min din tumaa nə ǹsɛn yɛ. Masɛ n pii ka nɛ, sonbore ne, ǹ nə́ ǹ saraa yɛ á nya.

LAWA A BOO SONBORE 2011

⁵ Bɛ̀ ka á Lawa nyankoe, ka nyan nə n baa ka gɔ́ɔ̃ tì-an kɛn bɛ́ lɔn wa. Bɛ̀ ǹ tá lɛsɔkɔn kion hinlaa zii giala-a, golee lon a Lawa nyankɔ lɛ n kɔɔ̃nɛ ǹ ganaa. Maǹ giɛ li mà min din tumaa nə ǹsɛn yɛ. Masɛ n pii ka nɛ, sonbore ne, ǹ nə́ ǹ saraa yɛ á nya.

Matiə 6:5 ပူးပေါင်းရင်းမြစ်များ

Loen 5:2

Dɛnaa Lawa, n too kɔ ma lon. N maa giniin kɛn ma.

Loen 55:17

Masɛ n lɛ diɛ Lawa la, a da n dɔ ma lɛ. Dɛnaa Lawa á re ma kirisibiɛ.

Suusun 15:8

Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

Suusun 16:5

Din gole-kɔlin tìĩ n boe-n Dɛnaa Lawa nyin ni, ǹ dɔlɔ bɔ ma-a a sàabiɛ wa.

Izayii 1:15

Bɛ̀ ka n gɔnɔn goa lon ka á ma nyankoe, man ma yɔrɔ bɔyɛɛ ma bɔ ka la. Ta ka ma nyankɔ lɔn, maa n too koe wa. Ka gɔnɔn man mà lɛa.

Zeremii 29:12

Bɛ̀ kaa ma bíi we, bɛ̀ ka daa ma nyankɔ, ma á re n too koe ka lon.

Matiə 21:22

Bɛ̀ golee Lawa li tá ka lon, bɛ̀ ka màn woo màn nyankɔ Lawa lon, ka tá re bɛ yii.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Matiə 23:5

Ǹ zɛnaa ǹ siin dinin tumaa n din nyaa sii lɛa. Bɛ lɛ na á toa, bɛ̀ ǹ Lawa a boo bǎãn kɔnɔn kiɛ̃, bɛ̀ ǹ kìri dadaran zumu ǹ ganaa a tɔ-a, bɛ̀ ǹ wɔ ǹ mìi-a hinlaa ǹ gɔn ganaa, pàsa mɛn bɛ́ ǹ tá kiɛ ǹ mɔnaa lɛkoron ganaa, bɛn man sɔsɔrɔ taãn-taãnɛ.

Matiə 23:6

Màn-bii dadara bǎãn nɛ, giã ǹ bǎã sonboren man kɔɔ̃nɛ ǹ ganaa. Lɛsɔkɔn kion, giã nyɛɛn nə kɔɔ̃nɛ ǹ ganaa.

Matiə 6:1

Ka bɛ́ Lawa a zii tɔ wɔ ǹ siin mɛnɛn zɛnɛɛ minin yɔrɔ-a, ka tá n dinin nyɛɛ ǹ nɛ, ka n parabaa ka bɛ nɛ. Bɛ̀ ka á zɛnɛɛ miɛ̃, ka a re saraa yii a bɔ kaa Díi Lawa li lon wa.

Matiə 6:16

Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya.

Matiə 6:2

Bɛ̀ ka á doobaan goe ka wɔrɔ nɛ, ka baran n dinin nyaa minin yɔrɔ-a buəbuə, ka gɔ́ɔ̃ tì-an bɛ́ zɛnɛɛ Zuifun lɛsɔkɔn kionən laanka zii giala-an nɛ lɔn wa. Maǹ zɛnɛɛ miɛ̃ mà minin nə ǹsɛn laakalaa. Masɛ n pii ka nɛ, sonbore ne, ká kaa saraa yɛ á nya.

Matiə 9:38

Lawa mɛn bɛ́ wuru lɛ a dɛnaa lɛa, ka bɛ lɛ nyankɔ, a dí-nyalin dia kaa-piɛ lɛ taman yii.»

Marki 11:25

Bɛ̀ ka golee lon ka á Lawa nyankoe, a da yaa sii tá ka laanka min bii, ka toa ǹ dɛnaa nɛ, màn mɛn bɛ́ toɛ ka Di Lawa ka dɔn sii baraan toa ka nɛ. [

Marki 12:38

A na á goã pii minin manɛ a daraa lɛ gɔ́ɔ̃-n kɛnɛn: «Ka n parabaa ka landa sii-daraalin kɛn nɛ, bibiə̃ n kɔɔ̃nɛ ǹ ganaa ka dɔnkɛ sɔsɔrɔn nɛ, maǹ giɛ li minin nə guguru kɔ ǹ fòo da ǹ nɛ zaman bǎã nɛ.

Luku 11:43

«Fariziɛ̃n lɛn, kaa wɔ n ka bɔ̀n nɛ. Nyɛɛnaa ǹ bǎãn lɛn man kɔɔ̃n ka ganaa, lɛsɔkɔn kionən ne. Bɛ̀ minin tá guguru kɔ ǹ fòo diɛ ka nɛ pii ni, bɛ dɔ n kɔɔ̃n ka ganaa.

Luku 18:1

Yezu boo giməə kɔ́n da a kialandɛnan manɛ, á nyaa ǹ nɛ mà min doamaa nɛ, a Lawa nyankɔ biikoo tumaa waáraa, a gù ná a giɛ̃ wa.

Luku 18:13

Wusuru-sili lɛ sɛ na á goã golee ne tiãlɛa, a yii din ba we á n mìi siɛ lon wa. Sɛnɛ, a na á goã n foo bii dii, a nə́ n lala diɛ bɛ̀ á n pii: «Lawa, makara bɔ masɛ-a, masɛ n sii baraa-zɛnaali lɛa.»

Luku 20:47

Maǹ Lawa nyan sɔsɔrɔn koe, ǹ nə́ n dinin biɛ min taãnan lɛa minin yɔrɔ-a, a da yaa maǹ mɛnɛɛ lɔ giɔɔrɔn la, ǹ tá ǹ gɔn mànan sii ǹ la. Lawa á die dɔlɔ gole diɛ ǹ mìi ni a la ǹ miãn wɔ nɛ.»

Luku 6:24

Sɛnɛ, gɔn màndɛnan, bɔ̀ndɛnan man ka kasɛn nɛ, a giala ka kaa là yii bii gɔrɔ, ka a re kɔsɔ yii doo wa.

Zaã a sɛ́wɔ 16:24

Haalɛ tɔn pelo, ka tɔn màn kɔ́n nyankɔ ka masɛ tɔ-n wa: Ka nyankɔ wɔ, ka á re màn yii, màn mɛn bɛ́ toɛ, kaa nyɛnyɛɛ lɛ pã.

Efɛɛzi minin 6:18

Ka bɛa sii lɛ tumaa zɛnaa Lawa nyankɔ gɔ́ɔ̃ nɛ, ka dɔmalɛ nyankɔ Lawa lon. Ka Lawa nyankɔ sii tumaa gɔ́ɔ̃ nɛ, Yiri Fu n ka nyɛɛnaan boe. A bɛ́ miɛ̃, ka goã ka gòãn la, ka n yii kaka kɔ, ka goã bɔlɔgoondɛnan lɛa ka wo ne. Ka Lawa nyankɔ Lawa a zaman min din tumaa a lɛa.

Tesaloniki1 5:17

Ka baran Lawa nyankɔ lɛ da wa.

Zaaki 4:6

Sɛnɛ, Lawa din nə pàã koe wɔ la doo, wɔ boo la wɔ n dinin si wɔa taasiɛ baraan la. Bɛ lɛ na á toa a boo á pii: «Lawa n zia diɛ din gole kɔlen ganaa, sɛnɛ, a na a sonborebaa nyɛɛ din gisiĩ wolen manɛ.»