Matiə 6:20 - LAWA A BOO SONBORE

²⁰ Ka naforo lɛ sɔkɔn ka koa ka dinin manɛ Lawa a piɛ. A giala, nimii laanka soe ba boe la ǹ basaã kɔ walan wa, wurumunun ba boe la ǹ kiɛnlɛ yiɛ wa, ǹ ba boe la ǹ màn dɔ koã wa.

LAWA A BOO SONBORE 2011

²⁰ Ka naforo lɛ sɔkɔn ka koa ka dinin manɛ Lawa a piɛ. A giala, nimii laanka soe ba boe la ǹ basaã kɔ walan wa, wurumunun ba boe la ǹ kiɛnlɛ yiɛ wa, ǹ ba boe la ǹ màn dɔ koã wa.

Matiə 6:20 ပူးပေါင်းရင်းမြစ်များ

Izayii 33:6

A n die goɛ̃ ǹ yii-nyɛɛ lɛa yǎa duduu. A din ni minin kirisibiɛ, a n yiridɛnaa lɛa, a n sii tumaa doɛ̃. Nyɛ́ɛ baa Dɛnaa Lawa yii-n nə naforo lɛa.

Matiə 19:21

Yezu tɔ́n pɛ nɛ: «Bɛ̀ n tá li a lɛ pã, woo, n nə n gɔn màn tumaa sã, n na a wɔrɔ gii doobaan manɛ, n tá re gɔn màn gigiã yii Lawa a piɛ. Bɛ zɛnaa n tɔn da kɔ masɛ kio lɛ.»

Matiə 6:19

Ka baran naforo lɛ sɔkɔn-a ka koa ka dinin manɛ kanaa wa. A giala, nimii laanka soe tá kanaa, ǹ tá basaã koe, wurumunun tá kiɛnlɛ yiɛ bɛ̀ ǹ mànan koã.

Marki 10:21

Yezu ga a ganaa ka kɔn-narɛɛ nɛ, á pɛ nɛ: «Sii goon nə n nyaabiɛ. Woo, n nə n gɔn màn tumaa sã, n na a wɔrɔ gii doobaan manɛ. Bɛ zɛnaa, n tɔn da kɔ masɛ kio lɛ. N tá re gɔn màn gigiã yii Lawa a piɛ.»

Luku 12:33

«Ka n gɔn mànan sã, ka a wɔrɔ kɔ doobaan la. Gɔn màn kaa ǹ bǎã mɛn bɛ́ a ziziɛ̃ wa, a n Lawa li, ka ga bɛ li. Gɔn màn ba papaɛ̃ walan wa, wurumu a doe a li wa, nimii dɔ a kuĩ wa.

Luku 18:22

Yezu bɛ́ á bɛ ma, á pɛ nɛ: «Sii goon tá tɔn nə n nyaabiɛ: N gɔn màn tumaa sã, n na a wɔrɔ gii doobaan manɛ. N tá re gɔn màn gigiã yii lon Lawa a piɛ. Bɛ zɛnaa n tɔn da kɔ masɛ kio lɛ.»

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.

Timote1 6:19

Bɛ̀ ǹ nə́ zɛnaa miɛ̃, ǹ tá re naforo sonbore lɛ soekɔn, ǹ koa ǹ dinin man biɛ̃, màn mɛn ná a nyɛɛ wa. Ǹ tá re yiikoonaabaa taãn-taãn dɔ yii.

Ebrəə 10:34

Sonbore, ká kaa wɔ gii yɛ kòso nɛn fuu ni. Ǹ nə́ ka gɔn mànan si ka la, ká lɛ kɔ bɛa mànan kɛn lɛn woo ganaa ka nyɛnyɛɛ nɛ, a giala, ká dɔ̃ mà naforo sonbore nyabaã wolen tá ka lon.

Ebrəə 11:26

Lawa bɛ́ re a din a min mɛn boe diɛ, Muizu ga a ganaa, mà asɛ tɔ ziziɛ̃ bɛa lɛa, mà bɛ á naforo gole lɛa á la Ezipti gána a naforon kɛn manɛ, a giala, a yii na á goã doa-n saraa kɛ la.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Piɛrɛ1 1:4

A n yii-n kɔn-a ka bǐɛ̃n kɛn dɔn nɛ, Lawa nə́ ǹ zɛnaa, á ǹ koa lon gɔrɔ a din a zaman kɛ nɛ, mà ǹ na a wɔn baa. Bɛa bǐɛ̃n kɛn lɛn ba boe la ǹ ziziɛ̃ wa, ǹ ba tii wa, ǹ siĩnbaa dɔ a nyɛɛ wa.

Piɛrɛ1 5:4

Bɛ̀ Ga Zaman Walan Wole gole lɛ din daa ǹ mɛn pinaa, á re gɔ̀lɔ̀baa ǹ kii bafolo koe ka la, kii bafolo mɛn a siĩnbaa bɛ́ a nyɛɛ duduu wa.

Sii-nyaan 2:9

Ma á n fuun doɛ̃, ma á n doobaabaa dɔ doɛ̃, sɛnɛ, ka boo taãn nɛ, n tá pàãma lɛa! Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, bɛn bɛ́ boo baraa mɛn diɛ n wɔ paǹ li, ma á doɛ̃. Maǹ *Sɛtaan a lɛ-kaakun minin lɛa!