Matiə 6:19 - LAWA A BOO SONBORE

¹⁹ Ka baran naforo lɛ sɔkɔn-a ka koa ka dinin manɛ kanaa wa. A giala, nimii laanka soe tá kanaa, ǹ tá basaã koe, wurumunun tá kiɛnlɛ yiɛ bɛ̀ ǹ mànan koã.

LAWA A BOO SONBORE 2011

¹⁹ Ka baran naforo lɛ sɔkɔn-a ka koa ka dinin manɛ kanaa wa. A giala, nimii laanka soe tá kanaa, ǹ tá basaã koe, wurumunun tá kiɛnlɛ yiɛ bɛ̀ ǹ mànan koã.

Matiə 6:19 ပူးပေါင်းရင်းမြစ်များ

Zɔbu 24:16

Wurumu n kiɛnlɛ yiɛ wɔlɔ tì li. Bɛ̀ lɛ̀ waa, a n kiɛnlɛ tiɛ̃ a dinin lɛ, ǹ ba wɔlɔ fúlu doɛ̃ wa.

Zɔbu 31:24

Ma bin nə n foo doa sana ganaa wa. Ma bin pɛ sana sonbore ne máa: N din nə maa dɔmalɛ wole lɛa wa.

Loen 39:6

Á ke, n lɛawaa lɛ mɛn kɔ ma la, a kiɛ̃ gɔn tìsì la wa. Maa belebɔ kanaa din ba màn kɔn lɛa n yii li wa. Sonbore, ta min din na a gòã la lɔn, a n ka piɛ̃ nɛ. *Doa.

Loen 62:10

Minbuiin nɛ n ka piɛ̃ bɛ́ lɔn. Ta ǹ mɛn nə boɛɛn nɛ, ta ǹ mɛn na á tɔ gole yɛ, ǹ kɔn ba màn kɔn lɛa wa. Bɛ̀ n nə́ ǹ tumaa kaa kun, n nə́ ǹ gugurubaa zɔɔ̃, piɛ̃ din tá soɛ ǹ nɛ.

Bɔ bɛ̀rɛbaa nɛ 22:2

Sɛnɛ, bɛ̀ sii lɛ na á yɛ wasa yii ni, bɛa gɛ̀-dòo bɔ tan. Bɛ̀ màn ba wurumu lɛ lon, a tá màn lɛ a dɛnaa sarɛɛ-n wa, a dinmaa lɛ nə n siɛ̃, a giɔ̀mɔ bɛa màn lɛ saraa.

Suusun 11:4

Gɛ̀ pinaa, naforo là banban. Sɛnɛ, giã ǹ gɔn sonbore n min sii gɛ̀ la.

Suusun 16:16

Sii-doɛ̃ á soɛ sana nɛ. Yiridɛnaabaa á soɛ wɔrɔ nɛ.

Boo-laakalaali 2:26

A giala, min mɛn bɛ́ kɔɔ̃n Lawa ganaa, a n sii-doɛ̃ laanka doɛ̃ koe bɛ la, ka nyɛnyɛɛ nɛ. Sɛnɛ min mɛn bɛ́ sii baraa zɛnɛɛ, Lawa n diɛ bɛ mìi ni, a ga màn li a sɔkɔn, màn mɛn bɛ́ toɛ min mɛn bɛ́ kɔɔ̃n Lawa ganaa, a kɔ bɛ la. Bɛ dɔ giala banban, a n piɛ̃ loo lɛa.

Sofonii 1:18

Dɛnaa Lawa a foo-yoo lɛawaa kɛa pinaa, ǹ wɔrɔ hinlaa ǹ sana á re ǹ boe a-n wa. A giala, Dɛnaa Lawa a foo-yoo baraa a tɛ n die tán din tumaa kukuĩ. Taãn nɛ, minbuiin nɛ tumaa n die bɔ̀n biɛ lenlen.

Matiə 19:21

Yezu tɔ́n pɛ nɛ: «Bɛ̀ n tá li a lɛ pã, woo, n nə n gɔn màn tumaa sã, n na a wɔrɔ gii doobaan manɛ, n tá re gɔn màn gigiã yii Lawa a piɛ. Bɛ zɛnaa n tɔn da kɔ masɛ kio lɛ.»

Matiə 6:20

Ka naforo lɛ sɔkɔn ka koa ka dinin manɛ Lawa a piɛ. A giala, nimii laanka soe ba boe la ǹ basaã kɔ walan wa, wurumunun ba boe la ǹ kiɛnlɛ yiɛ wa, ǹ ba boe la ǹ màn dɔ koã wa.

Luku 12:21

Yezu pɛ: «Min mɛn bɛ́ gɔn màn lɛ soekɔn a din ni kanaa, a ná a ba giɛ Lawa li ǹ wɔ li wa, kɛ miã sii lɛ nə n zɛnɛɛ bɛa dɛnaa nɛ.»

Luku 12:33

«Ka n gɔn mànan sã, ka a wɔrɔ kɔ doobaan la. Gɔn màn kaa ǹ bǎã mɛn bɛ́ a ziziɛ̃ wa, a n Lawa li, ka ga bɛ li. Gɔn màn ba papaɛ̃ walan wa, wurumu a doe a li wa, nimii dɔ a kuĩ wa.

Luku 12:39

Ka á doɛ̃, mà bɛ̀ kiondɛnaa n wurumu a daa biikoo doɛ̃, mà a toɛ a da a kiɛnlɛ yiɛ wa.

Luku 18:22

Yezu bɛ́ á bɛ ma, á pɛ nɛ: «Sii goon tá tɔn nə n nyaabiɛ: N gɔn màn tumaa sã, n na a wɔrɔ gii doobaan manɛ. N tá re gɔn màn gigiã yii lon Lawa a piɛ. Bɛ zɛnaa n tɔn da kɔ masɛ kio lɛ.»

Luku 18:24

Yezu yii bɛ́ a ganaa, á pɛ: «Pàãma a dɔ Lawa a kiibaa ǹ bǎã tá re kaka koe!

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»