Matiə 6:16 - LAWA A BOO SONBORE

¹⁶ Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya.

LAWA A BOO SONBORE 2011

¹⁶ Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya.

Matiə 6:16 ပူးပေါင်းရင်းမြစ်များ

Samayeli2 12:16

Davida gòã-kũ da Lawa ganaa, nɛ boɛɛn lɛ a lɛa. Davida ná a giala kɔ á goã n lɛ soɛ. Bɛ̀ á wɔ kion tèlò-n mà a n wɛɛ tán, a na á goã wɛɛ tán furu-n.

Samayeli2 12:21

A dí-nyalin lɛn nə́ tɔ́n pɛ nɛ: «Wàa mɛn sii n ke ń zɛnɛɛ? Nɛ lɛ yii bɛ́ koo, n nə ń goã n lɛ soɛ. Ń goã wuu pii a lɛa. Nɛ lɛ na á gã kanna kəni, ma n yui giɛ̃ lon n tá màn bii!»

Kiin1 21:27

Akaabu bɛ́ á bɛa boon lɛn ma, á na a mɔnaan kũ á tɔtoɛ̃, á gɛ̀ koa ǹ mɔnaa wɔ a din-a, á n lɛ sɔɔ. A na á goã wɛɛ tán ka bɛa gɛ̀ koa ǹ mɔnaa lɛ nɛ a ganaa. A na á goã tɔ dɔ we ne sɛlɛlɛ nɛ.

Nehemii 1:4

Ma bɛ́ má bɛa boon kɛn lɛn ma, ma foo ziziɛ̃, má giã tán, má wuu pɛ lɛawaa damata gɔ́ɔ̃ nɛ. Bɛ kio, má n lɛ sɔɔ má lon a Lawa nyankɔ.

Loen 109:24

Má n lɛ sɔɔ taãn-taãnɛ, haalɛ pàã ba ma-n doo, ma á golee lon wa. Màn-bii baã lɛ taman yii, má laa ka kaka.

Loen 35:13

Sɛnɛ, ǹ bɛ́ ǹ ba lon wa, masɛ n má foo-ziziɛ̃ ǹ mɔnaa wɔ ma din-a. Má n lɛ sɔɔ, má n din gisĩ, má Lawa nyan kɛ kɔ, má kɔ, má kɔ.

Loen 69:10

Sonbore, ma bɛ́ n kion lɛ narɛ ka yɔrɔ mɛn nɛ, bɛ n ma kuĩ ka tɛ bɛ́ lɔn. Maǹ sɔ koe n ganaa, ǹ sɔ-kɔn kɛn lɛn man doe masɛ ganaa.

Malakii 3:14

Ka boo mɛn da á ke: «Ká mà dí nya Lawa nɛ n kooro lɛa. Á ke, wɔa là n wàa nɛ ta wɔ n bɔlɔ si, wɔ foo ziziɛ̃ nsɛ Dɛnaa Lawa Pàãyiidɛnaa taman yii.

Matiə 6:1

Ka bɛ́ Lawa a zii tɔ wɔ ǹ siin mɛnɛn zɛnɛɛ minin yɔrɔ-a, ka tá n dinin nyɛɛ ǹ nɛ, ka n parabaa ka bɛ nɛ. Bɛ̀ ka á zɛnɛɛ miɛ̃, ka a re saraa yii a bɔ kaa Díi Lawa li lon wa.

Matiə 6:2

Bɛ̀ ka á doobaan goe ka wɔrɔ nɛ, ka baran n dinin nyaa minin yɔrɔ-a buəbuə, ka gɔ́ɔ̃ tì-an bɛ́ zɛnɛɛ Zuifun lɛsɔkɔn kionən laanka zii giala-an nɛ lɔn wa. Maǹ zɛnɛɛ miɛ̃ mà minin nə ǹsɛn laakalaa. Masɛ n pii ka nɛ, sonbore ne, ká kaa saraa yɛ á nya.

Matiə 6:5

Bɛ̀ ka á Lawa nyankoe, ka nyan nə n baa ka gɔ́ɔ̃ tì-an kɛn bɛ́ lɔn wa. Bɛ̀ ǹ tá lɛsɔkɔn kion hinlaa zii giala-a, golee lon a Lawa nyankɔ lɛ n kɔɔ̃nɛ ǹ ganaa. Maǹ giɛ li mà min din tumaa nə ǹsɛn yɛ. Masɛ n pii ka nɛ, sonbore ne, ǹ nə́ ǹ saraa yɛ á nya.

Marki 2:18

Ǹ kɔ́n pinaa, ZAÃ a kialandɛnan laanka Fariziɛ̃n kialandɛnan man nə n lɛ soɛ. Minin nə́ daa nɔ̀n da Yezu la kɛnɛn: «Wàa na á baa ZAÃ a kialandɛnan laanka Fariziɛ̃n kialandɛnan tá nɛn bɛ̀ ǹ nə n lɛ sɔɔ, nsɛ a kialandɛnan nə́ ǹ ba n lɛ soɛ wa?»

Luku 18:12

Masɛ nə n lɛ soɛ lɛawaa paa piizii goon gɔ́ɔ̃ nɛ. Ma á màn woo màn yii, ma na a talɛɛ fùbaa ǹ wɔ koe Lawa la.»

Luku 2:37

Bɛ kio, á goã lɔ giɔɔrɔbaa nɛ, yǎa á zizi kɔ á woo dɔ lɛ̀ pɔkiwisiwensii. A goã soe doo á n boe Lawa a kion wa, a na á goã Lawa guguru koe tèlò laanka penleen ne, bɛ̀ a nə́ n lɛ soɛ á n Lawa nyankoe.

Nya ǹ dín 10:30

Kɔrnɛyi ná a lɛ si: – A lɛawaa sɔɔ n ke, kɛa biikoo kɛ lɛ nɛ, wasa lɛ kanaa a biikoo sɔɔ waáraa, man má goã Lawa nyankoe maa kion. Bǎã goon ne, min goon nə́ n din nyaa ma nɛ, ka mɔnaa tɛ-pɛle sonboren ná a ganaa,

Nya ǹ dín 14:23

Lawa a sɔmɔ gogoonmaa nɛ, ǹ nə́ nyɛɛnaandɛnan bɔ ǹ nə́ ǹ koa minin mìi la, ǹ nə́ Lawa nyankɔ bɛ̀ ǹ nə́ n lɛ soɛ. Ǹ nə́ ǹ sii wɔ Dɛnaa din gɔn, ǹ bɛ́ ǹ nə́ golee Dɛnaa mɛn li.

Korɛnti1 7:5

Ka nyan nə n piã ka kɔn nɛ wa, yǎa bɛ̀ ká pɛ kɔn nɛ, ka ń zoɛ̃ mà ka Lawa nyankɔ biikoo tɛn li. Sɛnɛ bɛ kio, ka ǹ wusii ka kaa kun a giala yii li. Bɛ̀ bɛ bie wa, boo ma din la baã tɔn kiɛ̃ a ka kũ, *Sɛtaan boo la a ka bebere.

Korɛnti2 11:27

Má nɔmaa ǹ dí kakan nya, biikoo gigiã li ma nyuù wɔ wa, bòo ma kũ, mu boro ma kũ. Biikoo gigiã li má n lɛ sɔɔ, má nɔmaa nyan gɔn ka mɔnaa wɛɛ nɛ.

Korɛnti2 6:5

Ǹ nə́ ma dɛ, ǹ nə́ ma da kòso-n. Ǹ nə́ zaman gigiã gɔ́ɔ̃ tii, bɛ̀ ǹ nə ǹ kaa ma ganaa. Má lɛ kɔ dí kakan nyɛɛ ganaa. Má n din kurəə nyuù ganaa, ka màn-bii ni gunyin damata.