Matiə 6:10 - LAWA A BOO SONBORE

¹⁰ Toa n kiibaa daa, n foo sii bɛ́ n zɛnɛɛ lon lɔn ke, toa a n zɛnaa tán dɔn miɛ̃.

LAWA A BOO SONBORE 2011

¹⁰ Toa n kiibaa daa, n foo sii bɛ́ n zɛnɛɛ lon lɔn ke, toa a n zɛnaa tán dɔn miɛ̃.

Matiə 6:10 ပူးပေါင်းရင်းမြစ်များ

Nehemii 9:6

N din lɛ n Dɛnaa Lawa lɛa, n dinsɔɔ̃ goon toto! N din nə́ ń lon zɛnaa, lon gɔ́ɔ̃ nɛ, lon gɔ̀nɔn ganaa ǹ mànan tumaa nɛ, tán laanka a lalan mànan nɛ, yìsi mu laanka a gɔ́ɔ̃gɔ́ɔ̃ ǹ mànan nɛ. N din nə nyin koe ǹ tumaa la, lon màn pàãdɛnan kɛn man kiɛ tán n giulun.

Loen 2:6

A na á pɛ: Ma kii mɛn bɔ, man má bɛ koa maa *Siɔn kele sonbore kɛ la.

Loen 40:8

Bɛ lɛ nɛ má tɔ́n pɛ, máa màn mɛn nə n kiɛ̃ sɛ́wɔ-munii kɛ nɛ maa wɔ paǹ li,

Izayii 2:2

Lɛawaa kɔn tá re doe Dɛnaa Lawa a kion lɛ bɛ́ kele mɛn la, a mìi la á re liɛ kelen tumaa wɔ nɛ, á re goɛ̃ tentelen tumaa lalan. Tɔrɔn tumaa á re yiɛ ǹ wo walan girigiri.

Zeremii 23:5

Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Matiə 12:50

A giala, min mɛn bɛ́ masɛ Di Lawa foo sii zɛnɛɛ, bɛ lɛ n masɛ dɔɔ̃ngiĩ lɛa, bɛ lɛ n masɛ miãnɛn lɛa, bɛ lɛ n masɛ dan lɛa.»

Matiə 16:28

Masɛ n pii ka nɛ, sonbore, kasɛn mɛnɛn bɛ́ kànaa, ka tɛnɛn yii á die Min a Nɛgiĩ yii die kii lɛa ka tɔn gã.»

Matiə 26:42

Á n zɔ̃ á n bɔ ǹ ganaa doo, ka a gunyin paabaa ǹ wɔ nɛ, á Lawa nyankɔ bɛ̀ a n pii: «Maa Díi, bɛ̀ masɛ á boe la ma kanbaa là-paparɛɛ kɛ lɛ-a wa, n din foo sii nə n zɛnaa!»

Matiə 3:2

A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔ bii sisia.»

Matiə 4:17

A kũ a da Galilee biikoo lɛ ganaa, Yezu ná a giala kɔ á Boo Tii Kɔɔ̃n pɛ. A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔsɛn bii sisia.»

Matiə 7:21

Min mɛn din tumaa bɛ́ masɛ bíi: «Dɛnaa, Dɛnaa,» bɛ tumaa bie re we lon a kiibaa-n wa. Ma Di Lawa foo sii zɛnaalin dininsɔɔ̃nɔn man die we.

Marki 11:10

Wɔ di Davida a kiibaa mɛn tɔrɔ á ke die, Lawa barka wɔ a nɛ! Wɔ á fòo diɛ lon a Lawa nɛ!»

Marki 3:35

A giala, min mɛn bɛ́ Lawa foo sii zɛnɛɛ, bɛ lɛ n masɛ dɔɔ̃ngiĩ lɛa, bɛ lɛ n masɛ miãnɛn lɛa, bɛ lɛ n masɛ dan lɛa.»

Luku 19:11

Yezu bɛ́ á diri Zeruzalɛmu la, minin bɛ́ n too koe bɛa boon kɛn lɛn-a, ǹ nə́ taasɛ mà Lawa kiibaa lɛ n die die sisia gɔrɔ. Yezu boo giməə goon kɔsɔ da.

Luku 19:38

Maǹ nə́ goã pii kɛnɛn: «Kii ke die ka Dɛnaa tɔ nɛ, Lawa barka wɔ bɛ nɛ! Là nyantoro tá lon, gugurubaa goã lon a Lawa gole wɔ lɛa!»

Luku 22:42

«Maa Díi, bɛ̀ n tá li, là-paparɛɛ kɛ wɔlɔ lui masɛ ganaa. Sɛnɛ, masɛ foo sii baran n zɛnaa wa, n din wɔ nə n zɛnaa.» [

Zaã a sɛ́wɔ 4:34

Yezu tɔ́n pɛ ǹ nɛ: – Min mɛn masɛ dia, bɛ̀ má bɛ lɛ foo sii zɛnaa, a ma dia dí mɛn ganaa, bɛ̀ má bɛ nya má a lɛ pã, a n goon ka man má màn bii.

Zaã a sɛ́wɔ 6:40

Maa Díi foo sii lɛ n ke sonbore: Bɛ̀ min mɛn ná a Nɛgiĩ yɛ, yǎa a golee li, bɛa dɛnaa nyin nyabaã yɛ. Masɛ dɔ n die bɛa dɛnaa yii kiɛ kanaa a nya pinaa.»

Zaã a sɛ́wɔ 7:17

Bɛ̀ min mɛn tá li a Lawa foo sii zɛnaa, bɛa dɛnaa á die doɛ̃ bɛ̀ maa doɛ̃ lɛ n boe Lawa li, hinlaa masɛ dinmaa li.

Nya ǹ dín 13:22

Lawa bɛ́ á Sayulu bɔ á bɔ ǹ mìi la, á Davida bɔ á koa ǹ kii lɛa. Lawa na á boo kɛ pɛ a din lɛ wɔ gɔn la: «Masɛ n má Zesee a nɛgiĩ Davida yɛ min lɛa, a sii n kiɛ ma foo la parsiini. A din lɛ n die ma foo dùũ siin tumaa zɛnɛɛ a nə ǹ lɛ pã.»

Nya ǹ dín 21:14

Wɔ bɛ́ wɔ boo la wɔ́ kurəə wa, wɔ́ nɔmaa wɔ́ toa walan, wɔ́ pɛ: «Wɔa Dɛnaa din foo sii nə n zɛnaa.»

Nya ǹ dín 22:14

Á pɛ ma nɛ: «Wɔ digolon Lawa lɛ na á n bɔ, mà n na asɛ foo sii dɔ̃, n yii Min Pepere kɛ yɛ, n na a boo-diɛ ma.

Rɔmu minin 12:2

Ka baran tɔ wɔ, a kɔnpɛ ka kanaa minin sii zɛnaan nɛ wa. Ka toa Lawa ka bɔyaa, a yiri dii kɔ ka la, màn mɛn bɛ́ toɛ, ka Lawa dùũ sii dɔ̃, bɛ giala mà sii bǐɛ̃, sii mɛn bɛ́ kɔɔ̃n a ganaa, sii mɛn lɛ piɛ̃ bɛ́ nɛ.

Efɛɛzi minin 6:6

Ka baran zɛnaa miɛ̃, bɛ̀ ǹ tá ka genli biikoo mɛn dinsɔɔ̃ li, ń giɛ ka á kiɛ ǹ foo la wa. Sɛnɛ, ka Lawa foo sii zɛnaa ka ka foo tumaa nɛ, ka Krita a bɛ̀rɛn bɛ́ lɔn.

Kolɔɔsi minin 1:13

Sonbore, Lawa na á wɔ bɔ wɔlɔ tì a goledɛnaa *Sɛtaan pàã giulun, á wɔ kaa a din a Nɛgiĩ narɛɛ wole kɛ a kiibaa nɛ.

Kolɔɔsi minin 1:9

Bɛ lɛ nɛ, a kũ boo kɛ lɛ a miɛ pinaa ganaa kaa wɔ gɔn la, wɔ ǹ Lawa nyankoe kaa lɛa biikoo tumaa li. Wɔ ǹ Lawa nyankoe wáa a sii-doɛ̃ kɔ ka la parsiini, a yiri kɔɔ̃n kɔ ka la, a din a Yiri Fu barka nɛ, a toa ka a din dùũ siin dɔ̃.

Tesaloniki1 4:3

Lawa bɛ́ giɛ màn mɛn li bɛ ǹ ka kɛ nɛ, ka kɔrɔbaa lɛ da, ka goã *yoreen ne.

Tesaloniki1 5:18

Ka barka da Lawa-n sii din tumaa a lɛa, a giala, Lawa n giɛ li mà ka bɛ lɛ zɛnaa, kaa tá kun Yezu Krita-n gɔ́ɔ̃ nɛ.

Ebrəə 1:14

Lon a dia dí-a wolen kɛn tumaa n yirin dininsɔɔ̃nɔn lɛa, dí nyɛɛ Lawa nɛ, ǹ nə́ n doe kirisibaa-yɛlen kɛn lɛ.

Ebrəə 10:36

Sonbore, ka laadoo tá sii simaa ganaa, ka boo la ka Lawa dùũ lɛ zɛnaa ka a lɛ pã, ka tɔn a lɛ-kɔ ǹ sii lɛ a zɛnaa yɛ.

Ebrəə 10:7

Bɛ lɛ nɛ, masɛ Krita pɛ: «Lawa! Ma á ke, man die n foo sii zɛnɛɛ», a n kiɛ̃-n miɛ̃ Lawa a Boo Sɛ́wɔ nɛ maa wɔ gɔn la.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

Piɛrɛ1 2:15

A giala, a n Lawa dùũ lɛa, ka bǐɛ̃ zɛnaa, ka baãnaanan sii doɛ̃baã kɛ kii yiɛ nɛ.

Piɛrɛ1 4:2

Biikoo gialakun mɛn bɛ́ ka gɔn, ka n die zɛnɛɛ kanaa, ka baran bɛ zɛnaa doo a kɔnpɛ ka minbuiinin dùũ sii babaraan kɛn nɛ wa, sɛnɛ, ka zɛnaa a kɔnpɛ ka Lawa dùũ ni.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii-nyaan 12:10

Má lɛn gole goon ma, boe lon, a n pii: «Sisia wɔa Lawa na á gɔ̀lɔ̀baa yɛ! A ná a din pàã nyaa, a ná a kiibaa saa. Sisia, a bɛ́ á min mɛn bɔ á baa kii lɛa, pàã n bɛ gɔn! A giala wɔ dɔɔ̃nɔn biɛ-kɔle na á fɔ̃, asɛ mɛn bɛ́ á goã ǹ biɛ koe tèlò-n ka baayɛlɛ nɛ, wɔa Lawa yɔrɔ-a, ǹ nə́ bɔ lon ǹ nə́ zũ tán.

Sii-nyaan 19:6

Má ma doo ka zaman gole lɛn nə boe, a wuu n boe ka mu bɛ́ n toe màn nɛ lɔn, ka la a paraa bɛ́ lɔn, á goã pii: «Aleluya! Lawa tɔ bɔ! A giala mà wɔa Dɛnaa Lawa Pàãyiidɛnaa n kiibaa ǹ pàã la!

Sii-nyaan 20:4

Má tɔ́n kii dankanan yɛ. Min mɛnɛn bɛ́ giã nɛ ǹ la, ǹ nə́ lɛ kɔ ǹ la, mà ǹ dinin nə kiri kuru. Min mɛnɛn bɛ́ ǹ nə́ gɛ̀ wɔ lɛlɛ, Yezu a boo taãn laanka Lawa a boo a lɛa, ka ǹ mɛnɛn bɛ́ ǹ goã Tɔɔ kɛ laanka a nyín guguru koe wa, ǹ lɛ dɔ kɔ ǹ ná a nyaǹ kiɛ̃ ǹ nyanlɛ-a ka ǹ gɔn nɛ wa, má wusoo má bɛn telenboenən yɛ. Bɛn tumaa wusoo ǹ nə́ yiikoonaabaa yɛ, ǹ nə́ giã pàã la kun ka Krita nɛ, yǎa lɛ̀ duu goon.