Matiə 5:46 - LAWA A BOO SONBORE

⁴⁶ Bɛ̀ n tá n narɛɛ wolen dininsɔɔ̃nɔn narɛ, ma nə n yii diɛ wàa mɛn saraa la a bɔ Lawa li doo? Wusuru-silin mɛnɛn dinin bɛ́ ǹ tá baraabaa koe ǹ ganaa, bɛn dɔn man zɛnɛɛ miɛ̃ le!

LAWA A BOO SONBORE 2011

⁴⁶ Bɛ̀ n tá n narɛɛ wolen dininsɔɔ̃nɔn narɛ, ma nə n yii diɛ wàa mɛn saraa la a bɔ Lawa li doo? Wusuru-silin mɛnɛn dinin bɛ́ ǹ tá baraabaa koe ǹ ganaa, bɛn dɔn man zɛnɛɛ miɛ̃ le!

Matiə 5:46 ပူးပေါင်းရင်းမြစ်များ

Matiə 11:19

Min a Nɛgiĩ dɔ na á daa, asɛ n màn bii, a n màn mii, minin man a gialaa pii: «Ka ga, giĩ kɛ-a, nàndɛnaa nɛ, a ba kiɛ̃ ka duvɛ̃ dɔ-n wa, wusuru-silin man a giaáran lɛa ka sii baraa-zɛnaali kɔsɔn dɔn nɛ!» Sii bǐɛ̃ mɛn nə yɛ wɔsɛn nya ǹ dín gɔ́ɔ̃ nɛ, bɛ lɛ n Lawa a yiridɛnaabaa nyɛɛ.

Matiə 18:17

Bɛ̀ á n piã a n too kɔ bɛn lon wa, n pɛ kaa Lawa a sɔmɔ minin manɛ. Bɛ̀ á n piã a n too kɔ Lawa a sɔmɔ minin dɔn dininmaan lon wa, ga a ganaa golee Lawa li baãnaa hinlaa wusuru-sili lɛa, n baran da sii li wa.

Matiə 5:47

Bɛ̀ maǹ fòo diɛ ǹ dɔɔ̃nɔn dininsɔɔ̃nɔn manɛ, kaãbaa ǹ sii n ka bɛ nɛ ǹ tá zɛnɛɛ ya? Haayii, a giala, min kooron dɔn dinin man zɛnɛɛ miɛ̃!

Matiə 6:1

Ka bɛ́ Lawa a zii tɔ wɔ ǹ siin mɛnɛn zɛnɛɛ minin yɔrɔ-a, ka tá n dinin nyɛɛ ǹ nɛ, ka n parabaa ka bɛ nɛ. Bɛ̀ ka á zɛnɛɛ miɛ̃, ka a re saraa yii a bɔ kaa Díi Lawa li lon wa.

Marki 2:15

Bɛ kio, á màn bii kun ka a kialandɛnan lɛn nɛ Levii a kion. Wusuru-sili gigiã dɔ́ goã màn bii kunun ǹ ni, ka min kɔsɔn dɔn nɛ, ǹ tɔ baraa n minin lɛ-n, a giala, min mɛnɛn bɛ́ ǹ nə́ goã koe Yezu kio lɛ, ǹ gigiã n bɛ miã minin kɛn lɛn tɔrɔ lɛa.

Marki 2:16

*Fariziɛ̃n landa sii-daraalin nə́ Yezu yɛ màn bii kun ka sii baraa-zɛnaalin laanka wusuru-silin ni, ǹ nə́ tɔ́n pɛ a kialandɛnan lɛn manɛ: «Wàa na á baa ka á màn bii kun ka wusuru-silin ni ka sii baraa-zɛnaalin gialakunun kɛn nɛ?»

Luku 15:1

Wusuru-sili gigiã goã n mɔrɛ Yezu ganaa, ǹ nə́ n too koe a lon, ka min kɔsɔn dɔn nɛ, ǹ tɔ baraa n minin lɛ-n.

Luku 18:13

Wusuru-sili lɛ sɛ na á goã golee ne tiãlɛa, a yii din ba we á n mìi siɛ lon wa. Sɛnɛ, a na á goã n foo bii dii, a nə́ n lala diɛ bɛ̀ á n pii: «Lawa, makara bɔ masɛ-a, masɛ n sii baraa-zɛnaali lɛa.»

Luku 19:2

Giĩ goon na á goã walan, a tɔ n Zaase. A na á goã wusuru-silin goledɛnaa lɛa, gɔn màn gigiã dɔ́ goã a lon.

Luku 19:7

Minin mɛnɛn tumaa bɛ yɛ, bɛn nə́ goã zùzùũ sii, ǹ nə́ pii mà giĩ kɛ na á woo n yu sii baraa-zɛnaali la.

Luku 3:12

Wusuru-silin dɔn nə́ daa a li, mà a batɛmu da ǹsɛn ganaa. Ǹ nə́ tɔ́n nɔ̀n da la mà mìinaa, mà ǹsɛn doamaa nɛ ǹ wàa mɛn zɛnaa?

Luku 5:29

Levii màn-bii gole zɛnaa, á lɛ dia Yezu la a piɛ. Wusuru-sili gigiã nɛ, ka min tɔrɔ kɔsɔ gigiã goã kunun ǹ ni màn bii ǹ bǎã lɛ nɛ.

Luku 5:30

Fariziɛ̃n lɛn, sanparɛ a landa sii-daraalin kɛn nə́ goã boo zuzuũ diɛ, bɛ̀ ǹ nə́ pii Yezu a kialandɛnan manɛ: «Wàa na á baa ka á màn bii, ka n màn mii kun ka wusuru-silin ni, ka sii baraa-zɛnaalin gialakunun kɛn nɛ?»

Luku 7:29

Gána lɛ a minin ni, ka wusuru-silin dɔn dinin ni, ǹ bɛ́ ǹ nə́ ǹ too kɔ ZAÃ lon, ǹ nə́ dɔ̃, ǹ nə́ lɛ kɔ, mà Lawa màn mɛn pɛ ǹsɛn wɔ gɔn la, mà sonbore ne, ǹ nə́ batɛmu lɛ si ZAÃ li.

Luku 7:34

Min a Nɛgiĩ dɔ na á daa, asɛ n màn bii, á n màn mii, ka lɛ n boe ma masɛ n nàndɛnaa lɛa, mà masɛ a kiɛ̃ ka duvɛ̃ dɔ-n wa, mà masɛ n wusuru-silin laanka sii baraa-zɛnaali gialakunun giaára lɛa.