Matiə 5:3 - LAWA A BOO SONBORE

³ – Min mɛnɛn bɛ́ ndinin doɛ̃ doobaan lɛa Lawa wɔ paǹ li, Lawa á re barka diɛ bɛn ganaa, a giala lon a kiibaa lɛ nə ǹ dinin wɔ lɛa!

LAWA A BOO SONBORE 2011

³ – Min mɛnɛn bɛ́ ndinin doɛ̃ doobaan lɛa Lawa wɔ paǹ li, Lawa á re barka diɛ bɛn ganaa, a giala lon a kiibaa lɛ nə ǹ dinin wɔ lɛa!

Matiə 5:3 ပူးပေါင်းရင်းမြစ်များ

KZS2 33:12

A koe lɛ gɔ́ɔ̃ nɛ, Manaasee Dɛnaa Lawa, a Lawa nyankɔ. Á n din boɛɛn kɔ ǹ digolon Lawa yɔrɔ-a parsiini,

KZS2 33:19

Lawa a boo gii-dali "Ozayii a sɛ́wɔ" kɛ na a Lawa nyankɔ kɛ nyɛɛ, ka Lawa na a lɛ si ka yɔrɔ mɛn nɛ. A tá a sii baraan dɔn boo diɛ ka a bɔlɔgoonbaãdɛnaabaa nɛ Lawa wɔ paǹ li. Manaasee a bǎãn doan nɛ, a dìn doa bǎãn mɛnɛn nɛ, ka dì nyín-sɛlɛn nɛ, Manaasee na á bɛn zɛnaa á tɔn nə n din boɛɛn kɔ Lawa yɔrɔ-a.

KZS2 33:23

Sɛnɛ, a n din boɛɛn kɔ Dɛnaa Lawa yɔrɔ-a ka ǹ di bɛ́ á zɛnaa lɔn wa. Asɛ din wusoo doo á sii baraa zɛnaa á la ǹ di Manaasee ne.

KZS2 34:27

N bɛ́ n boon kɛn ma má ǹ da Zeruzalɛmu ganaa ka a minin ni, á dí nya n foo ne, n nə́ n din gisĩ ma yɔrɔ-a. N nə́ n mɔnaan tɔtoɛ̃, n wuu pɛ ma yɔrɔ-a. Haya, masɛ dɔ nə́ n lɛ ma. Ma din Dɛnaa Lawa a da ǹ boo ne.

KZS2 7:14

Maa zaman lɛ, ǹ mɛn lɛ bɛ́ má n tɔ da la, bɛ̀ á n din gisĩ má yɔrɔ-a, á ma nyankɔ, bɛ̀ á n gɔn bɔ a sii bɔbɔnɛɛ kɛ ganaa á ga ma li, ka bɛ nɛ, masɛ, lon sɔsɔɔ kɛ nɛ, ma á re n too koe a lon, ma a sii baraan toa nɛ, ma a gána a kɛbɔlɔn kɛn zɛnaa.

Zɔbu 42:6

Bɛ lɛ nɛ, ma nə n gɔ́ɔ̃ bii maa da ǹ boon lɛ-a, man lɛ koe maa san ganaa ma á n gɔ́ɔ̃ bii, ma giã tan tii laanka ton li foo ziziɛ̃ gɔn.

Loen 1:1

Min mɛn bɛ́ a ba n too koe min baraan boo li wa, a ná a ba sii baraa-zɛnaalin lɛn zoɛ̃ wa, a ná a ba n mɔrɛ Lawa da yaa lɛa wolen ganaa wa, bɛa dɛnaa wɔ na á bǐɛ̃ kɔ.

Loen 112:1

Aleluya, ka Dɛnaa Lawa tɔ bɔ! Min mɛn bɛ́ nyɛ́ɛ biɛ Dɛnaa Lawa nɛ, a ná a dí-pɛn kɛn dɔn narɛ, bɛa dɛnaa wɔ na á bǐɛ̃ kɔ.

Loen 128:1

Wo Zeruzalɛmu loe. Min mɛnɛn tumaa bɛ́ nyɛ́ɛ biɛ Dɛnaa Lawa nɛ, ǹ nə́ koe a zii lɛ, Lawa á re barka diɛ bɛn ganaa.

Loen 146:5

Sɛnɛ, Zakɔba a Lawa kɛ bɛ́ min mɛn a dɔmalɛ wole lɛa, min mɛn bɛ́ n foo doɛ a Dɛnaa Lawa kɛ ganaa, bɛ wɔ na á bǐɛ̃ kɔ.

Loen 2:12

Ka a nɛgiĩ lɛ guguru kɔ. Bɛ bie wa, bɛ̀ a foo yoo, ka laan bɛ̀ ka dɔ̃, bɛ̀ bɔ̀n ka yɛ. A giala, a foo á re yui fufuu. Min mɛnɛn bɛ́ kiɛ Dɛnaa yele, bɛn foo á re kɔɔ̃n koe.

Loen 34:18

Bɛ̀ min peperen lɛn nə́ n lɛ dɛ, Dɛnaa Lawa n bɛ miɛ, a nə ǹ kirisibiɛ a ǹ bɔ ǹ fuu siin tumaa gɔ́ɔ̃ nɛ.

Loen 41:1

LOE-saalin goledɛnaa loe mɛn lɔ. Davida a loe n ke.

Loen 51:17

Dɛnaa, maa sìi toɛ̃ n bɔ ma-a, ń giɛ ma tá n lɛ buĩ ma n tɔ bɔ.

Loen 84:12

Sonbore, Dɛnaa Lawa lɛ n wɔlɔ fúli wɔ nɛ ka wasa bɛ́ lɔn, a din dɔ n wɔ tamaɛ. Dɛnaa Lawa din nə bǐɛ̃ zɛnɛɛ, á gugurubaa koe. Min mɛnɛn giã bɛ́ pepere, a n yii-nyɛɛ koe bɛn la.

Suusun 16:19

Giã doɛ̃ kiĩn kun ka doobaan nɛ, á soɛ zia mànan gii kun ka din gole-kɔlin ni.

Suusun 29:23

Min mɛn bɛ́ n din gole koe, bɛa dɛnaa á re boɛɛn koe. Sɛnɛ, min mɛn bɛ́ n din boɛɛn koe bɛa dɛnaa tɔ á re boe.

Suusun 8:32

Kanna kəni maa nɛnyaanan lɛn, ka n too kɔ ma lon. Ma bɛ́ boo mɛn diɛ, min mɛnɛn bɛ́ n too koe bɛ li, bɛn foo á re kɔɔ̃n koe.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Misee 6:8

E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Matiə 11:25

A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.

Matiə 11:6

Masɛ a sii bɛ́ a re min mɛn gù dii wa, bɛa dɛnaa foo á re kɔɔ̃n koe.»

Matiə 13:16

Kasɛn mɛnɛn bɛ́ ka yii á wɔlɔ yii, ka too dɔ á boo miɛ, barkadɛnan man ka nɛ!

Matiə 19:14

Yezu tɔ́n pɛ: «Ka toa nɛnyaanan lɛn nə da masɛ li, ka baran ǹ kurəə wa. A giala min mɛnɛn bɛ́ ka nɛnyaanan bɛ́ lɔn, *Lawa a kiibaa lɛ n bɛn wɔ lɛa.»

Matiə 24:46

Bɛa dí-nyali mɛn bɛ́ a dɛnaagiĩ wusoo á daa yaa a dí nyɛɛ a yɔrɔ li, bɛ wɔ na á bǐɛ̃ kɔ!

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Matiə 3:2

A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔ bii sisia.»

Matiə 8:11

Man pii ka nɛ: Min gigiã tá re boe lɛ̀giala-n ka lɛ̀nyɛɛn nɛ, ǹ giã tán ǹ zɔ́n màn bii lon a kiibaa ǹ bǎã nɛ kun ka Zuifun digolo Abrahamu ni, ka Izaaki ni, ka Zakɔba nɛ.

Marki 10:14

Yezu bɛ́ á bɛ yɛ, a foo busu ǹ li, á pɛ ǹ nɛ: «Ka toa nɛnyaanan lɛn nə da ma li, ka baran ǹ kurəə wa. A giala, min mɛnɛn bɛ́ ka nɛnyaanan bɛ́ lɔn, *Lawa a kiibaa lɛ n bɛn wɔ lɛa.

Luku 11:28

Sɛnɛ, Yezu pɛ: «Haayii! Min mɛnɛn bɛ́ n too koe Lawa a boo-a, ǹ nə́ tɔ we á kɔnpii-n kaa, barka á re n diɛ bɛn ganaa!»

Luku 18:14

Yezu pɛ: «Man pii ka nɛ, bɛa wusuru-sili lɛ wusoo á woo piɛ ka peperebaa nɛ Lawa yɔrɔ-a, sɛnɛ, goon kɛ lɛ bɛ yɛ wa. A giala bɛ̀ min mɛn nə́ n din saa lon, ǹ tá re bɛa dɛnaa gisĩ, bɛ̀ min mɛn nə́ n din boɛɛn kɔ ǹ tá re bɛ siɛ lon.»

Luku 22:29

Maa Díi Lawa bɛ́ á kiibaa kɔ ma la lɔn, ma dɔ n die kiibaa koe ka la miɛ̃.

Luku 22:30

Ka á re màn bii ka màn mi kun ka masɛ nɛ, maa kiibaa ǹ bǎã kɛ nɛ, ka á re giɛ̃ kii dankanan la, ka goã Izirayeli tɔrɔ fulupaa kɛ mìi la kun ka masɛ nɛ.»

Luku 4:18

Dɛnaa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ,

Zaã a sɛ́wɔ 20:29

Yezu tɔ́n pɛ nɛ: «N bɛ́ ń masɛ yɛ, bɛ lɛ bie ń tɔn waa la wa? Min mɛnɛn bɛ́ wɛɛ masɛ la, ǹ nə́ ǹ masɛ yɛ dɔn bɔrɔ wa, barka á re n diɛ bɛa dɛnan ganaa.»

Timəə dí-pɛn 8:2

Kaa Lawa, Dɛnaa Lawa zii sɔsɔɔ mɛn tɔ wɔ ka nɛ, lɛ̀ pusi don bii, ka n yiri koa bɛ li. A na á fuu nyaa ka nɛ, á n da ka gɔ́ɔ̃ li, màn mɛn bɛ́ toɛ, a ka gɔ́ɔ̃gɔ́ɔ̃ ǹ taasiɛ dɔ̃, bɛ̀ ka á re asɛ a gɔn waa ǹ boon kɛn tamaɛ, hinlaa bɛ̀ ka a re ǹ tamaɛ wa.

Zaaki 1:10

Bɛ̀ pàãma dɔ mɛnaa, a dɔ nə n nyɛnyaa a mɛnaa lɛ taman yii. A giala, da buũ bɛ́ papaɛ̃ fufuu lɔn, pàãma dɔ n die papaɛ̃ miɛ̃.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Sii-nyaan 19:9

Lon a dia dí-a wole goon tɔ́n pɛ ma nɛ: «A kiɛ̃ sɛ́wɔ nɛ: Ǹ min mɛnɛn bíi Sère Nɛ a kɔn-wɔ ǹ zɔ́n màn-bii kɛ ganaa, bɛn foo á re kɔɔ̃n koe.» Á wusoo á pɛ doo: «Lawa din na á pɛ miɛ̃.»

Sii-nyaan 22:14

Min mɛnɛn bɛ́ wusii ǹ siin kio, ǹ nə́ goɛ̃ *yoreen ne, bɛn foo á re kɔɔ̃n koe, a giala masɛ n lɛ koe ǹ la, ǹ yiikoonaabaa ǹ da nɛ bii, ǹ tá re we ka kiwi lɛ a kiɛnlɛn nɛ.

Sii-nyaan 3:17

Ma n pii mà ma n pàãma lɛa, mà ń gɔn màn-dɛnaa baa, mà n laadoo ba màn kɔ́n ganaa doo wa. N ba doɛ̃ mà ma n yii koe-yɛle lɛa, makara-bɔle lɛa, ma n doobaa lɛa, n nə́ yii tere-a lɛa, n nə́ gɔ̀nɔn kooro-an dɔ lɛa wa.