Matiə 5:18 - LAWA A BOO SONBORE

¹⁸ Man pii ka nɛ, sonbore, bɛ̀ lon laanka tán nə papaã duduu wa, landa sɛ́wɔ gɔ́ɔ̃gɔ́ɔ̃ ǹ dí-pɛn kɛn mɛn din bɛ́ ka a diɛ sii li wa, ǹ ba sàabiɛ wa, a boo kɔ́n dɔ a sàabiɛ wa, yǎa a tumaa lɛ piɛ̃.

LAWA A BOO SONBORE 2011

¹⁸ Man pii ka nɛ, sonbore, bɛ̀ lon laanka tán nə papaã duduu wa, landa sɛ́wɔ gɔ́ɔ̃gɔ́ɔ̃ ǹ dí-pɛn kɛn mɛn din bɛ́ ka a diɛ sii li wa, ǹ ba sàabiɛ wa, a boo kɔ́n dɔ a sàabiɛ wa, yǎa a tumaa lɛ piɛ̃.

Matiə 5:18 ပူးပေါင်းရင်းမြစ်များ

Loen 102:26

N din nə ń kanaa kɛ zɛnaa lɛlɛ-lɛlɛ, n din gɔn a màn zɛnaa n ka lon kɛ dɔ nɛ.

Loen 111:8

Ǹ ba n bɔyɛɛ duduu wa, a giala, maǹ taãnɛ, ǹ nə́ pepere.

Loen 119:152

N gɔn waa ǹ boon kɛn, ma á doɛ̃ haalɛ bibi, máa n nə ń bɛn koa yǎa duduu.

Izayii 40:8

Buu n laɛ, dà buu n bɛbɛnɛ. Sɛnɛ, wɔa Lawa a boo na a tan yǎa duduu.»

Izayii 44:26

Sɛnɛ, man toɛ maa dí-nyalin boon nə yɔrɔ yɛ. Maa dia dí-a wolen nə boo mɛn da, man toɛ bɛ yɔrɔ yɛ. Man kɛ pii Zeruzalɛmu a paǹ li: «Ǹ tá re wusii ǹ giã n nɛ doo.» Man kɛ pii Zudaa kiwin wɔ paǹ li: «Ǹ tá re wusii ǹ ka dɔ.» Hiĩ, ǹ tá re wusii ǹ kaa kɛbɔlɔn dɔ doo.

Izayii 51:6

Ka n yii saa lon, ka ga. Ka n yii kɔ, ka ga tán. Lon tá re papaɛ̃ ka tɛmaa bɛ́ lɔn. Tán tá re pɔpɔsɛ ka mɔnaa bɛ́ lɔn. Min mɛnɛn dɔn bɛ́ giã-n la, ǹ tá re giɛ̃ ka nyuunun bɛ́ lɔn. Sɛnɛ, kirisibaa lɛ n goɛ̃ duduu. Ma bɛ die ka peperebaa mɛn nɛ, a re nyɛɛ duduu wa.

Matiə 10:15

Lawa bɛ́ re kiri we Sodɔmu laanka Gomɔɔrɔ kiwi min baraan kɛn ganaa ǹ mɛn pinaa, bɛn dɔlɔ á re goɛ̃ puusə ǹ wɔ ganaa.

Matiə 10:23

Bɛ̀ minin nə́ fuu nyaa ka nɛ kiwi mɛn nɛ, ka baa si ka wo kiwi kɔsɔ nɛ. Man pii ka nɛ, sonbore: Ka laan bɛ̀ ka Izirayeli kiwin kɛn tumaa kaa kɔn la ka nya, bɛ̀ masɛ Min a Nɛgiĩ wusoo má daa.

Matiə 10:42

Masɛ n pii ka nɛ, sonbore, bɛ̀ min mɛn nə́ mu nyantoto kɔ masɛ a kialandɛnan kɛn kiɛɛrɛdɛnaa mɛn la á mi, masɛ a kialandɛnaabaa lɛ taman yii, haalɛ ta paan yii goon ne, bɛa dɛnaa á die a saraa yii.

Matiə 11:11

Masɛ n pii ka nɛ, sonbore: minbuiin nɛn bii, min kɔ́n tɔn yɛ bɔrɔ, bɛ n gole á la ZAÃ -n wa. Ka bɛ lɛ din tumaa dɔ nɛ, min mɛn bɛ́ re goɛ̃ min tumaa a boɛɛn lɛa lon a kiibaa ǹ bǎã kɛ-n biɛ̃, bɛ á gole á la ZAÃ nɛ.

Matiə 13:17

Masɛ n pii ka nɛ, sonbore: Ka yii bɛ́ màn mɛn ganaa, Lawa a boo gii-dali gigiã laanka min pepere gigiã goã giɛ li mà ǹ bɛ yɛ ka ǹ yii ni, sɛnɛ, ǹ yɛ wa. Ka too bɛ́ á màn mɛn ma, ǹ nə́ goã giɛ li mà ǹ bɛ dɔ ma ka ǹ too ne, sɛnɛ, ǹ ma wa.

Matiə 16:28

Masɛ n pii ka nɛ, sonbore, kasɛn mɛnɛn bɛ́ kànaa, ka tɛnɛn yii á die Min a Nɛgiĩ yii die kii lɛa ka tɔn gã.»

Matiə 17:20

Yezu tɔ́n pɛ ǹ nɛ: «A giala, kaa golee Lawa li á kiɛɛrɛ á la yii ni. Masɛ n sonbore pii ka nɛ: Mutarde nàn mɛn din bɛ́ kiɛɛrɛ, bɛ̀ golee Lawa li yɛ ka lon a gole baa dɔ bɛ li, bɛ̀ ka pɛ kele kɛ nɛ mà a yoo a n bɔ kànaa a wo kɛnɛn li, a n yui a woo. Bɛ̀ ka ba re foɛ̃ sii kɔ́n baa lɛ wa. [

Matiə 18:18

«Masɛ n pii ka nɛ, sonbore ne, bɛ̀ ka n piã ka sii mɛn tumaa-n tán, Lawa dɔ á die n piɛ̃ ka bɛ nɛ. Bɛ̀ ka lɛ kɔ sii mɛn tumaa ganaa tán, Lawa dɔ á die lɛ koe bɛ ganaa.

Matiə 18:3

á tɔ́n pɛ: «Man pii ka nɛ, sonbore ne: Bɛ̀ ka kaa tɔ wɔ ǹ gɔn bɔyaa ka n dinin kiɛɛrɛ kɔ ka nɛnyaanan bɛ́ lɔn wa, ka a re we lon a kiibaa-n wa.

Matiə 19:23

Yezu tɔ́n pɛ a kialandɛnan manɛ: «Masɛ n pii ka nɛ, sonbore ne: Pàãma a wɔ lon a kiibaa-n tá re kaka koe!

Matiə 19:28

Yezu tɔ́n pɛ ǹ nɛ: – Masɛ n pii ka nɛ sonbore: Bɛ̀ Min a Nɛgiĩ giã a gugurubaa ǹ kii dankan la, kasɛn min fulupaa mɛn kɔ ma kio lɛ, ka dɔn tá re giɛ̃ kii dankanan la, ka kiri wɔ Izirayeli tɔrɔ fulupaa kɛ lɛ ganaa.

Matiə 21:21

Yezu tɔ́n pɛ ǹ nɛ: – Man pii ka nɛ, sonbore: Bɛ̀ golee Lawa li yɛ ka lon ǹ mɛn pinaa, bɛ̀ ka n gɔ́ɔ̃ baa paa wa, masɛ màn mɛn zɛnaa bɛa gɔ́rɔ da kɛ nɛ, ka a re goɛ̃ bɛ li wa. Haalɛ ta ka n ka pɛ kele kɛ nɛ: «Yoo n nə n bɔ kànaa, n wo n dɔ yìsi mu gole li», a nə n zɛnɛɛ.

Matiə 21:31

Ǹ mɛn na á ǹ díi lɛ foo sii zɛnaa? Ǹ nə́ tɔ́n pɛ: «A bibinaa lɛ nɛ.» Yezu tɔ́n pɛ ǹ nɛ: – Masɛ n pii ka nɛ sonbore: Wusuru-silin laanka lɔ kɔrɔn tá re doe *Lawa a kiibaa ǹ bǎã nɛ ka nyɛɛnɛ.

Matiə 23:36

Man taãn pii ka nɛ: Bɛa gɛ̀-dɛn kɛn lɛn tumaa a dɔlɔ á die pelo minbuiinin lɛn kuĩ!

Matiə 24:2

Yezu tɔ́n pɛ ǹ nɛ: «Ka yii tá kɛ din tumaa a siĩnbaa ganaa? Man sonbore pii ka nɛ: Kɔlɔ kɔ́n ba re goɛ̃ ǹ miã lalan kànaa wa. A din tumaa á re kiɛ.»

Matiə 24:47

Masɛ n pii ka nɛ, sonbore: A dɛnaagiĩ lɛ á die koɛ a gɔn màn din tumaa mìi la.

Matiə 25:12

Lɔ tii ǹ zuũ lɛ tɔ́n pɛ ǹ nɛ: «Aba, sonbore pɛ á pɛsã, masɛ ba ka doɛ̃ wa.»

Matiə 25:40

Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

Matiə 25:45

Kii lɛ á die ǹ lɛ sii kɛnɛn: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa masɛ dɔɔ̃nɔn kɛn kɔ́n nɛ wa, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ dinmaa lɛ-n wa.»

Matiə 5:26

Man pii n ni sonbore, n ba soe n nə n bɔ walan, bɛ̀ n nə́ n ná a tumaa saraa wa, haalɛ a taman goon din ba goɛ̃ kanaa wa.

Matiə 6:16

Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya.

Matiə 6:2

Bɛ̀ ka á doobaan goe ka wɔrɔ nɛ, ka baran n dinin nyaa minin yɔrɔ-a buəbuə, ka gɔ́ɔ̃ tì-an bɛ́ zɛnɛɛ Zuifun lɛsɔkɔn kionən laanka zii giala-an nɛ lɔn wa. Maǹ zɛnɛɛ miɛ̃ mà minin nə ǹsɛn laakalaa. Masɛ n pii ka nɛ, sonbore ne, ká kaa saraa yɛ á nya.

Matiə 8:10

Yezu bɛ́ á bɛa boon lɛn ma lɔn, á n kaãbaa ǹ ganaa parsiini, á tɔ́n pɛ a kiodɛnan lɛn manɛ: «Masɛ n pii ka nɛ sonbore: ma bin kɛa golee Lawa li kɛ miã tɔrɔ yɛ min kɔ́n lon Izirayeli gána-n wa.

Marki 10:15

Man pii ka nɛ ka boo taãn nɛ: Bɛ̀ min mɛn lɛ kɔ Lawa a kiibaa ǹ boo kɛ ganaa ka nɛnyaan bɛ́ lɔn wa, bɛa dɛnaa a re we wa.»

Marki 10:29

Yezu tɔ́n pɛ nɛ: «Man pii n ni, sonbore ne: Bɛ̀ min mɛn màn mɛn toa walan masɛ laanka Boo Tii Kɔɔ̃n kɛ taman yii, a kion ne, ǹ dɔɔ̃nɔn nɛ, ǹ dan laanka ǹ di ni, a nɛnyaanan nɛ, hinlaa a wuru ni, bɛ̀ ǹ dɛnaa bɛa mànan kɛn lɛn toa walan,

Marki 11:23

Man pii ka nɛ sonbore ne: Bɛ̀ min mɛn golee Lawa li, ǹ dɛnaa á boe la a pɛ kele kɛ din ni mà a yoo a n bɔ kànaa, a wo n dɔ yìsi mu gole li, bɛ̀ á golee li ma pɛ lɔn, á die n zɛnɛɛ miɛ̃, bɛ̀ á n gɔ́ɔ̃ baa goon, a nə n zɛnɛɛ nɛ.

Marki 12:43

Yezu tɔ́n a kialandɛnan bíi, á pɛ ǹ nɛ: «Man pii ka nɛ sonbore: Lɔ giɔɔrɔ doobaa kɛ màn mɛn da a nɛ, á la min din tumaa wɔ nɛ.

Marki 13:30

Masɛ n pii ka nɛ, sonbore ne: Pelo minin kɛn lɛn ba re giɛ̃ ǹ nya, bɛ̀ bɛa sii kɛ tumaa ná a n zɛnaa wa.

Marki 14:18

Ǹ bɛ́ tán màn bii, Yezu pɛ: «Masɛ n pii ka nɛ, sonbore ne: Ka dinin min goon nə die masɛ we maa zɔ́ɔn gɔn, min mɛn din bɛ́ màn bii kun ka masɛ nɛ.»

Marki 14:25

Masɛ n pii ka nɛ, sonbore ne: Ma a duvɛ̃ mii doo duduu wa, yǎa *Lawa a kiibaa ǹ bǎã nɛ, ma tɔn duvɛ̃ dii mii.»

Marki 14:30

Yezu tɔ́n pɛ Piɛrɛ nɛ: «Man pii n ni, ka boo taãn nɛ: Pelo tèlò-n dinin, koo laan bɛ̀ a wuu pɛ gunyin paa, bɛ̀ n nə́ n piã ka masɛ nɛ á dɔ gunyin sɔɔ.»

Marki 14:9

Masɛ n pii ka nɛ sonbore, ka bɛ́ re Boo Tii Kɔɔ̃n pii kanaa paǹ mɛn tumaa nɛ, lɔ kɛ sii mɛn zɛnaa, ǹ tá re bɛ dɔ laakalɛɛ walan, ǹ minin yiri da a sii ni.»

Marki 3:28

«Masɛ n pii ka-n sonbore, minbuiinin sii baraa tumaa á re n toɛ ǹ nɛ, ka ǹ Lawa tɔ ziziɛ̃ ǹ boon dinin tumaa nɛ.

Marki 6:11

Bɛ̀ bǎã mɛn a minin nə́ n piã, mà ka baran n yu ǹsɛn la wa. Bɛ̀ ǹ nə́ n piã, ǹ nə n too kɔ ka lon wa, ka n gòã gusuũ duduu, ka soo ka n bɔ walan: Bɛ n gɔn waa ǹ sii lɛa ǹ wɔ paǹ li.»

Marki 8:12

Yezu piɛ̃ gole baã ka fɔɔ, á pɛ ǹ nɛ: «Wàa na á baa sisia minin kɛn tá zoɛ̃ kaãbaa ǹ sii li? Masɛ n pii ka nɛ sonbore, kaãbaa ǹ sii kɔ́n din ba re n nyɛɛ ka-n wa!»

Marki 9:1

Yezu tɔ́n pɛ ǹ nɛ doo: «Masɛ n pii ka nɛ sonbore, min tɛn tá ka bii kànaa dinin, ǹ tá re goɛ̃ ǹ yii n koo yǎa *Lawa a kiibaa kɛ die ka pàã nɛ, a die ǹ yiɛ.»

Marki 9:41

Min mɛn bɛ́ re mu sii paan din ni kooro a kɔ ka la a giala mà ka ǹ masɛ wɔn lɛa, man pii ka nɛ sonbore ne, ǹ dɛnaa ba re foɛ̃ a saraa li wa.

Luku 11:51

A kũ Abeli a gɛ̀-a a da Zakarii wɔ yaa, ǹ Zakarii mɛn dɛ *wúlu bɔ ǹ bǎã laanka wúlu-bɔlen kɔn yɛ ǹ bǎã bii ni, sonbore, dɔlɔ á die n boe pelo minin kɛn lɛn-a bɛa gɛ̀-dɛ kɛ lɛ tumaa a lɛa.

Luku 12:37

Bɛa dɛnaagiĩ lɛ a dí-nyalin mɛnɛn bɛ́, á re die yiɛ ǹ yii n koo, bɛn foo á re kɔɔ̃n koe. Sonbore, masɛ n pii ka nɛ, dɛnaagiĩ lɛ din nə die n yɔrɔ boe, a ǹ dininmaan kaa tán, a màn-bii kɔ ǹ la.

Luku 13:35

Haya, ka tá re soe ka kaa Lawa a kion kɛ toa walan ka lenlen. Masɛ n pii ka nɛ, máa ka a re masɛ yii doo wa yǎa biikoo doe, ka bɛ́ re pii biikoo mɛn li: «Min mɛn bɛ́ die ka wɔa Dɛnaa tɔ nɛ, Lawa barka wɔ bɛ nɛ!»

Luku 16:17

Lon laanka tán tá re kiɛ̃, a ná a dí din biɛ wa, sɛnɛ, Lawa a boo kɛ a lɛkoro boɛɛn din ba re papaɛ̃ wa.

Luku 18:17

Masɛ n pii ka nɛ sonbore, bɛ̀ min mɛn lɛ kɔ Lawa a kiibaa lɛ ganaa ka nɛnyaan bɛ́ lɛ koe sii-a lɔn wa, bɛa dɛnaa a boe la a wɔ Lawa a kanaa dii kɛ-n wa.»

Luku 18:29

Yezu nə́ ǹ lɛ si á pɛ ǹ nɛ: «Sonbore, masɛ n pii ka nɛ, min mɛn yii soo a ná a kion toa walan, a lɔ nɛ, ǹ dɔɔ̃nɔn nɛ, a yɛ wolen hinlaa a nɛnyaanan, Lawa a kiibaa ǹ dí kɛ a lɛa,

Luku 23:43

Yezu ná a lɛ si: «Masɛ n pii ni sonbore, pelo kɛ lɛ din ni, n tá re goɛ̃ kun ka masɛ nɛ Lawa a piɛ.»

Luku 4:24

Yezu wusoo á suusu kɔsɔ da: – Masɛ n pii ka nɛ sonbore, «Lawa a boo gii-dali kɔ́n ba gugurubaa yii a din a kiwi wa.»

Zaã a sɛ́wɔ 1:51

Á tɔ́n pɛ doo: «Ka boo taãn nɛ, masɛ n pii ka nɛ, ka á re lon lɛ buĩ yii, ka Lawa a lon a dia dí-a wolen yɛ dii bɛ̀ ǹ nə́ gisĩ Min a Nɛgiĩ lalan.»

Zaã a sɛ́wɔ 10:1

Yezu pɛ: «Man taãn pii ka nɛ, min mɛn bɛ́ a ba we sèren kion ka a kiɛnlɛ-n wa, yǎa a kungɔn nɛ, wurumu n ka bɛa dɛnaa nɛ, mɛnaa minin la wole ne.

Zaã a sɛ́wɔ 10:7

Yezu wusoo á pɛ doo: «Man taãn pii ka nɛ, masɛ n sèren kiɛnlɛ lɛa.

Zaã a sɛ́wɔ 12:24

Masɛ n taãn pii ka nɛ, bɛ̀ *belee nàn mɛnaa tii li á gã wa, a n goɛ̃ a dinsɔɔ̃. Sɛnɛ, bɛ̀ á gã, a n nàn gigiã boe.

Zaã a sɛ́wɔ 13:16

Man taãn pii ka nɛ, bɛ̀rɛ kɔ́n ba gole á la ǹ Dɛnaagiĩ-n wa, dia dí-a wole kɔ́n dɔ a gole á la a dia wole-n wa.

Zaã a sɛ́wɔ 13:38

Yezu pɛ nɛ: «N tá lɛ koe sonbore, mà n tá n din nyin koe masɛ a lɛa? Man taãn pii n ni, koo laan bɛ̀ a wuu pɛ, bɛ̀ n nə́ n piã ka masɛ nɛ, á dɔ gunyin sɔɔ.»

Zaã a sɛ́wɔ 14:12

Man taãn pii ka nɛ, bɛ̀ min mɛn nə́ golee masɛ li, ma bɛ́ siin mɛnɛn zɛnɛɛ, ǹ dɛnaa dɔ á die bɛn miãn zɛnɛɛ. A tá re mànan dinin zɛnɛɛ ǹ la bɛn manɛ, a giala, masɛ n woe maa Díi li.

Zaã a sɛ́wɔ 16:20

Man taãn pii ka nɛ: Ka á re wuu pii ka n lala da, bɛ̀ kanaa minin kɛn tá yaa we. Ka yɔrɔ á re kɔsɛ, sɛnɛ, kaa yɔrɔ-kɔsiɛ á die n bɔyɛɛ a nyɛnyɛɛ baa.

Zaã a sɛ́wɔ 16:23

«Bɛ̀ bɛa pinaa dɔ, ka a re nɔ̀n diɛ masɛ la ka sii kɔ́n nɛ doo wa. Man taãn pii ka nɛ: Bɛ̀ ka màn mɛn nyankɔ maa Díi lon ka masɛ tɔ nɛ, á re bɛ koe ka la.

Zaã a sɛ́wɔ 21:18

Man taãn pii n ni: N bɛ́ nɛnyaan lɛa ǹ mɛn waáraa, n din ni n maabɛlɛ yii, bǎã mɛn bɛ́ kɔɔ̃nɛ n ganaa n soo bɛ̀ n wo walan. Sɛnɛ, bɛ̀ n zizi kɔ ǹ mɛn waáraa, n tá re n gɔnɔn goɛ lon, min kɔsɔ n die yii, n bɛ́ n ba li n wo bǎã mɛn nɛ wa, a n kũ a wo n ne walan.»

Zaã a sɛ́wɔ 3:11

Masɛ n pii n ni, sonbore ne: Wɔsɛn bɛ́ màn mɛn doɛ̃, wɔ n boo diɛ bɛ wɔ gɔn la, wɔ bɛ́ wɔ́ màn mɛn yɛ, wɔ n siére biɛ bɛ wɔ gɔn la, sɛnɛ, ka bɛ́ ka a lɛ koe wɔsɛn boo-a wa.

Zaã a sɛ́wɔ 3:3

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ wa, ǹ dɛnaa a boe la a *Lawa a kiibaa yɛ wa.»

Zaã a sɛ́wɔ 3:5

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ Lawa wɔ baa-n ka mu laanka Yiri Fu pàã-n wa, ǹ dɛnaa a boe la a wɔ Lawa a kiibaa-n wa.

Zaã a sɛ́wɔ 5:19

Yezu wusoo á n lɛ da boo lɛ nɛ, á pɛ ǹ nɛ: «Man taãn pii ka nɛ: Díi bɛ́ dí mɛn tumaa nyɛɛ, a din lɛ nɛ a Nɛgiĩ dɔ á nyɛɛ. A boe la a sii kɔ́n zɛnaa a din ganaa wa.

Zaã a sɛ́wɔ 6:26

Yezu tɔ́n pɛ ǹ nɛ: «Man taãn pii ka nɛ, ka bɛ́ ka buuru sɔ̃ ka kã, bɛ lɛ na á toa, ka tá giɛ masɛ li, a bie ka ka n ka kaãbaa ǹ siin kɛn giala ma wa.

Zaã a sɛ́wɔ 6:32

Yezu tɔ́n pɛ ǹ nɛ: «Man taãn pii ka nɛ, Muizu bie á lon a buuru lɛ kɔ ka la wa, sɛnɛ, masɛ a Díi n lon a buuru taãn koe ka la.

Zaã a sɛ́wɔ 6:47

Masɛ n taãn pii ka nɛ, bɛ̀ min mɛn golee masɛ li, nyin nyabaã n bɛa dɛnaa wɔ lɛa.

Zaã a sɛ́wɔ 6:53

Yezu tɔ́n pɛ ǹ nɛ: «Man taãn pii ka nɛ: Bɛ̀ ka bie ka Min a Nɛgiĩ siĩ sɔ̃, ka a mà mi wa, ka a re yiikoonaabaa yii wa.

Zaã a sɛ́wɔ 8:34

Yezu tɔ́n pɛ ǹ nɛ: «Man taãn pii ka nɛ, min mɛn bɛ́ sii baraa zɛnɛɛ, bɛa dɛnaa n sii baraa a bɛ̀rɛ lɛa.

Zaã a sɛ́wɔ 8:51

Man taãn pii ka nɛ, bɛ̀ min mɛn masɛ a boo si, bɛa dɛnaa a giɛ̃ duduu wa.»

Zaã a sɛ́wɔ 8:58

Yezu tɔ́n pɛ ǹ nɛ: «Man taãn pii ka nɛ, Abrahamu laan bɛ̀ a yɛ, bɛ̀ masɛ tan.»

Piɛrɛ1 1:25

Sɛnɛ, Dɛnaa Lawa a boo kɛ n goɛ̃ a tan yǎa duduu. Bɛa boo kɛ lɛ na á goã á n pɛ ka nɛ, ka Boo Tii Kɔɔ̃n bɛ́ lɔn.

Sii-nyaan 20:11

Má wusoo má kii dankan fu gole yɛ, ka ǹ dɛnaa ná a nɛ. Lon laanka tán baa si ǹ nə́ papaã a nyɛɛnɛ, min wusoo á ǹ yɛ wa.