Matiə 5:17 - LAWA A BOO SONBORE

¹⁷ Muizu ka daraa landa siin mɛnɛn ganaa, hinlaa Lawa a boo gii-dalin nə ka daraa boon mɛnɛn ganaa, ka nyan toa ka taasɛ ka masɛ n má daa bɛn sàabaa wa dɛ! Masɛ n má daa ǹ yɔrɔ nyaa ka nɛ, máa ka ǹ giala ma taãnɛ, ma bie má daa ǹ sàabaa wa.

LAWA A BOO SONBORE 2011

¹⁷ Muizu ka daraa landa siin mɛnɛn ganaa, hinlaa Lawa a boo gii-dalin nə ka daraa boon mɛnɛn ganaa, ka nyan toa ka taasɛ ka masɛ n má daa bɛn sàabaa wa dɛ! Masɛ n má daa ǹ yɔrɔ nyaa ka nɛ, máa ka ǹ giala ma taãnɛ, ma bie má daa ǹ sàabaa wa.

Matiə 5:17 ပူးပေါင်းရင်းမြစ်များ

Izayii 42:21

Dɛnaa Lawa a peperebaa taman yii, a na á goã li a na a dí-pɛn baa gole, a ǹ siĩn kɔ.

Matiə 3:15

Yezu tɔ́n pɛ nɛ: «A giala, wɔ doamaa nɛ wɔ Lawa foo sii zɛnaa miɛ̃.» ZAÃ nɔmaa á lɛ kɔ.

Matiə 7:12

Ka bɛ́ zoɛ̃ mà ka miãn nə màn mɛn zɛnaa ka nɛ, ka dɔn nə bɛ lɛ miã zɛnaa ǹ dɔn nɛ. Muizu a landa laanka Lawa a boo gii-dalin sɛ́wɔn man pii, yǎa a n zɛnɛɛ miɛ̃.

Luku 16:17

Lon laanka tán tá re kiɛ̃, a ná a dí din biɛ wa, sɛnɛ, Lawa a boo kɛ a lɛkoro boɛɛn din ba re papaɛ̃ wa.

Zaã a sɛ́wɔ 8:5

Dí-pɛ gɔ́ɔ̃ nɛ, Muizu na á pɛ, mà wɔ bɛ miã lɔn kɛn lɛn dɛ ka kɔlɔ nɛ. Nsɛ dɔ mà lɔn bɛ wɔ gɔn la?»

Nya ǹ dín 18:13

Ǹ nə́ pɛ: «Wɔsɛn landa siin bɛ́ ǹ ba lɛ koe Lawa guguru kɔ ǹ gɔn mɛn-a wa, kɛa giĩ kɛ n giɛ li á minin diɛ bɛ ganaa.»

Nya ǹ dín 21:28

Maǹ nə́ goã n lɛ dii: «Izirayeli gána minin ka da n dɔ wɔsɛn lɛ! Á ke, min mɛn bɛ́ n bibiĩ bǎã tumaa nɛ, á n minin darɛɛ, á n zia diɛ wɔsɛn tɔrɔ ganaa ka Lawa a dí-pɛn kɛn nɛ, ka Lawa a kion kɛ nɛ, a din nə ke. Táa á ke á daa ka tɔrɔ kɔsɔn dɔn dinin ni Lawa a kion lɛ nɛ, á daa bǎã sonbore lɛ ziziɛ̃!»

Nya ǹ dín 6:13

Ǹ nə́ ga siére soɛ-bɔlen li walan, bɛn nə́ pɛ: «Giĩ ke ka yii tá-a, a n boo baraa diɛ biikoo tumaa waáraa Lawa a kion kɛ wɔ gɔn la, ka Lawa dín mɛnɛn pɛ Muizu ni.

Rɔmu minin 10:4

Sonbore, dí-pɛn lɛ piɛ̃ n ka *Krita nɛ. Bɛ̀ min mɛn golee Krita li, Lawa n bɛa Dɛnaa kuĩ min pepere lɛa.

Rɔmu minin 3:31

A bie ka wɔ n li wɔ dí-pɛn lɛn sàabaa ká goleemali pàã-n wa. Haayii! Wɔ n pàã we dí-pɛn lɛn nɛ ká wɔa boon kɛn nɛ.

Rɔmu minin 8:4

Bɛ na á n zɛnaa, màn mɛn bɛ́ toɛ, Lawa a dí-pɛn bɛ́ giɛ màn mɛn li, bɛ boo la a n zɛnaa wɔ nɛ, wɔsɛn mɛnɛn bɛ́, wɔ a tɔ we á kɔnpii dùũ sii babaraan kɛn nɛ doo wa, sɛnɛ, wɔ n tɔ we á kɔnpii ka Lawa a Yiri fu dùũ ni.