Matiə 4:4 - LAWA A BOO SONBORE

⁴ Yezu tɔ́n pɛ nɛ: – A tá kiɛ̃-n Lawa a boo-n kɛnɛn: «Màn-bii dinsɔɔ̃ bie minbuiin nɛ toe wa. Boo woo boo tá boe Lawa lɛ-n, bɛ lɛ n min toe.»

LAWA A BOO SONBORE 2011

⁴ Yezu tɔ́n pɛ nɛ: – A tá kiɛ̃-n Lawa a boo-n kɛnɛn: «Màn-bii dinsɔɔ̃ bie minbuiin nɛ toe wa. Boo woo boo tá boe Lawa lɛ-n, bɛ lɛ n min toe.»

Matiə 4:4 ပူးပေါင်းရင်းမြစ်များ

Bɔ bɛ̀rɛbaa nɛ 16:15

Izirayeli nɛnyaanan lɛn nə́ ga a ganaa, ǹ nə́ pɛ kɔn nɛ kɛnɛn: «Kɛ n wàa lɛa?» A giala, a bɛ́ màn mɛn lɛa, ǹ goã bɛ doɛ̃ wa. Muizu pɛ ǹ nɛ: – Màn-bii ni, Dɛnaa n koe ka la mà ka bii.

Bɔ bɛ̀rɛbaa nɛ 16:35

Izirayeli nɛnyaanan lɛn man nə́ maánə bii lɛ̀ pusi gɔ́ɔ̃ nɛ, yǎa ǹ nə́ woo dɔ giã ǹ gána kɔ́n nɛ, bɛ n ka Kanaan gána nɛ.

Bɔ bɛ̀rɛbaa nɛ 23:15

Bibinaanɛ: *Yɔ bùbaã buuru zɔ́n nɛ. Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. Bɛ nə n zɛnaa mui bibinaa kɛ nɛ, ka ma bɛ́ ma pɛ ka-n lɔn. A giala, ka n ka soo bɛa mui kɛ lɛ nɛ, ka n bɔ Ezipti gána nɛ. Ka baran da masɛ guguru kɔ ǹ bǎã dɔ nɛ ka ka gɔn kooro-n wa.

Matiə 15:11

Màn mɛn bɛ́ we minbuiin nɛ lɛ-n, bɛ bie a gɔgɔrɛ koe wa. Sɛnɛ, màn mɛn bɛ́ boe a lɛ-n, bɛ lɛ na a gɔgɔrɛ koe.»

Matiə 4:10

Yezu tɔ́n pɛ nɛ: – N tan n nə n bɔ kànaa, Sɛtaan! A giala, a kiɛ̃maa tá Lawa a boo ne: «Kaa tán n Dɛnaa Lawa dinsɔɔ̃ yɔrɔ-a n na a guguru kɔ.»

Matiə 4:7

Yezu tɔ́n pɛ nɛ: – Lawa a boo lɛ pɛ dɔn: «N baran n da n Dɛnaa Lawa gɔ́ɔ̃ li wa.»

Marki 7:20

Á tɔ́n wusoo á pɛ ǹ nɛ: «Màn mɛn bɛ́ boe min ni, bɛ lɛ na a gɔgɔrɛ koe.

Luku 4:12

Yezu tɔ́n pɛ Sɛtaan nɛ: «A na á n pɛ mà n baran n da n Lawa, Dɛnaa Lawa gɔ́ɔ̃ li ka sii kɔ́n nɛ wa.»

Luku 4:4

Yezu Sɛtaan a boo lɛ si kɛnɛn: «A tá kiɛ̃ nɛ Lawa a boo ne mà minbuiin nɛ ba re n din toe ka màn-bii dinsɔɔ̃-n wa.»

Luku 4:8

Yezu pɛ nɛ: «A tá kiɛ̃ nɛ mà n kaa tán n Dɛnaa Lawa dinsɔɔ̃ yɔrɔ-a, n na a guguru kɔ.»

Zaã a sɛ́wɔ 15:26

Ma bɛ́ re n toɛ maa Díi li, ma Dɔmalɛ Wole mɛn dia ka la, Yiri Fu sonbore-pɛle kɛ lɛ boe maa Díi li, bɛ̀ bɛ lɛ daa ǹ mɛn waáraa, á die siére biɛ masɛ a lɛa.

Zaã a sɛ́wɔ 6:63

Lawa a Yiri Fu n yiikoonaabaa koe; minbuiin nɛ a boe la a sii kɔ́n bǐɛ̃ kɔ bɛ gɔ́ɔ̃-n wa. Ma boon mɛnɛn pɛ ka nɛ, maǹ boe Lawa a Yiri Fu ni, bɛa boon lɛn man yiikoonaabaa koe.

Rɔmu minin 15:4

A da yaa, màn mɛn yii nə n kiɛ̃ lɛlɛ, bɛ na á n kiɛ̃ wɔa yiri kɔmala a lɛa, màn mɛn bɛ́ toɛ, Lawa a boo lɛ wɔ foo taã, a sii simaa kɔ wɔ la, wɔ foo boo la a goã doa nɛ.

Efɛɛzi minin 6:17

Bɛ din tumaa kio, ka lɛ kɔ Lawa a minin kirisibaa kɛ ganaa, ka bɛ baa ziabaa ǹ bafolo lɛa. Yiri Fu bɛ́ Lawa a boo mɛn diɛ ka nɛ, ka bɛ baa gɔya sa lɛa.

Timəə dí-pɛn 8:3

A bɛ́ á fuu nyaa ka nɛ, á toa bòo ka kũ, a din wusoo á *maánə kɔ ka la. Bɛ n màn-bii lɛa, ka goã doɛ̃ wa, ka digolon dɔn dinin nə goã doɛ̃ wa. A na á zɛnaa miɛ̃ á nyaa ka nɛ, mà màn-bii dinsɔɔ̃ bie minbuiin nɛ toe wa, sɛnɛ, boo woo boo boe Lawa lɛ-n, bɛ lɛ n min toe.