Matiə 4:24 - LAWA A BOO SONBORE

²⁴ Yezu tɔ bɔ gána lɛ din tumaa nɛ, yǎa á woo dɔ Siirii gána nɛ. Bɛ lɛ na á toa min mɛnɛn bɛ́ ǹ nə́ goã nɔmaa-n busu tɔrɔ gigiã gɔn, busii n die ǹ dii, ǹ nə́ daa ka bɛn nɛ a li. Nɔ̀ɔnɔn bɛ́ ǹ nə́ goã min mɛnɛn ganaa, gigirisandɛnan nɛ, ka min paǹ paa gere-an nɛ, ǹ nə́ daa ka bɛ din tumaa nɛ, Yezu nə́ ǹ busu nya.

LAWA A BOO SONBORE 2011

²⁴ Yezu tɔ bɔ gána lɛ din tumaa nɛ, yǎa á woo dɔ Siirii gána nɛ. Bɛ lɛ na á toa min mɛnɛn bɛ́ ǹ nə́ goã nɔmaa-n busu tɔrɔ gigiã gɔn, busii n die ǹ dii, ǹ nə́ daa ka bɛn nɛ a li. Nɔ̀ɔnɔn bɛ́ ǹ nə́ goã min mɛnɛn ganaa, gigirisandɛnan nɛ, ka min paǹ paa gere-an nɛ, ǹ nə́ daa ka bɛ din tumaa nɛ, Yezu nə́ ǹ busu nya.

Matiə 4:24 ပူးပေါင်းရင်းမြစ်များ

Samayeli2 8:6

Davida minin bɔ á ǹ koa Siirii minin lɛn mìi la Damaasi kiwi. Siirii minin lɛn nə́ nɔmaa ǹ nə́ Davida a dí-nyalin baa, ǹ nə́ goã nyin giɔ̀mɔ sarɛɛ Davida la. Davida goã woe bǎã mɛn tumaa nɛ, Dɛnaa Lawa na á goã gɔ̀lɔ̀baa koe la miɛ̃.

Kiin1 10:1

Lɔ mɛn bɛ́ Saabaa gána a kii lɛa, bɛ ma mà Lawa barka nɛ, mà Salomɔn tɔ soo. Bɛ lɛ nɛ, á tɔ́n daa ga a giala-a ka boo giməən ne.

KZS1 14:17

Davida tɔ nə́ n daa gána din tumaa la, Dɛnaa zɛnaa gána tumaa nyɛ́ɛ baa Davida nɛ.

Bɔ bɛ̀rɛbaa nɛ 15:26

Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»

Matiə 12:22

Bɛa biikoo li, minin nə́ daa giĩ goon kɔ Yezu la, a giala nɔ̀ɔnɔn man a ganaa, a yii tã, a boe boo diɛ dɔ la wa. Yezu ná a busu nya, yǎa a boo la á boo da, a yii dɔ wɔlɔ yɛ.

Matiə 14:1

Bɛa waáraa lɛ nɛ, Erɔdi mɛn bɛ́ Galilee gánadɛnaa lɛa, bɛ́ Yezu boo ma minin lɛ-n.

Matiə 15:22

Kanaan lɔ goon dɔ goã giã-n walan, á daa Yezu li á n lɛ dɛ a ganaa: «Mìinaa, kii Davida tɔrɔ, makara bɔ masɛ ganaa! Nɔ̀ɔnɔn man maa nɛlɔ ganaa, a giã ǹ gɔn ba siĩn duduu wa!»

Matiə 17:15

á pɛ nɛ: «Dɛnaa, makara bɔ maa nɛgiĩ ganaa. Gigirisanan man a ganaa, á nɔmaa-n parsiini. Ǹ tɛn nɛ, a n boe bɛ̀ a mɛnaa tɛ-n, ǹ tɛn nɛ, a n boe bɛ̀ a n dɔ mu li.

Matiə 17:18

Yezu yoo nɔ̀ɔnɔn lɛn gialaa, ǹ nə́ n bɔ nɛ lɛ ganaa, a busu nya a din bǎã-n gɔrɔ.

Matiə 4:23

Yezu na á goã n bibiĩ Galilee gána din tumaa nɛ, bɛ̀ a minin daraa Zuifun lɛsɔkɔn kionən ne. Á goã lon a kiibaa ǹ Boo Tii Kɔɔ̃n lɛ pii. A na á goã minin busu tɔrɔ din tumaa nyɛɛ bɛ̀ a bɔ ǹ ganaa.

Matiə 8:28

Yezu bɛ́ á dɔ tà kio, Gadaaraa minin gána nɛ, giĩ min paa kɔ́n yoo geren bĩ ǹ bǎã nɛ, ǹ nə́ daa n da lɛ. Nɔ̀ɔnɔn man nə́ goã ǹ ganaa. Ǹ nə́ goã baraa á la yii ni, haalɛ min kɔ́n din yii ba we á boe ka bɛa zii lɛ-n wa.

Matiə 8:33

Biriin-lɛduə̃lin lɛn nə́ baa si, ǹ nə́ woo kiwi gɔ́ɔ̃ nɛ, ǹ nə́ sii lɛ din tumaa laakalaa walan. Sii mɛn bɛ́ á n zɛnaa nɔ̀ɔn babaraa dɛnan lɛn manɛ, ǹ nə́ bɛ dɔ laakalaa.

Matiə 8:6

a ná a nyankɔ: «Mìinaa ganaa, maa dí-nyali n waa-n tán piɛ, a boe yoo la wa, á nɔmaa-n parsiini.»

Matiə 9:26

Bɛa boo nə́ n da wɔlɔ la bɛa gána lɛ din tumaa nɛ.

Matiə 9:35

Yezu goã n bibiĩ kiwi dadaran laanka kiwi bisinin ni; a na á goã minin darɛɛ ǹ lɛsɔkɔn kionən ne, bɛ̀ a lon a kiibaa ǹ Boo Tii Kɔɔ̃n pɛ, bɛ̀ a busu tɔrɔ din tumaa nya bɛ̀ a bɔ minin ganaa.

Marki 1:28

Bɛa siin kɛn lɛn zɛnaa gɔ́ɔ̃ nɛ, Yezu tɔ bɔ Galilee gána tumaa nɛ fufuu.

Marki 1:32

Wasa yii a sã kio, minin nə́ daa Yezu li ka busulən tumaa nɛ ka nɔ̀ɔndɛnan nɛ.

Marki 2:3

Bɛa biikoo li, min sii daa ka giĩ paǹ tumaa gere-a goon ne Yezu li.

Marki 2:4

Sɛnɛ, zaman lɛ taman yii, ǹ ba boe la ǹ tá n mɔrɛ a ganaa wa. Yezu bɛ́ kion mɛn nɛ, ǹ nə́ nɔmaa ǹ nə́ dii bɛ lɛ a kala la, ǹ ná a baã bii fɔ̃ Yezu din mìi la. Ǹ bǎã mɛn lɛ fɔ̃, ǹ nə́ giĩ paǹ tumaa gere-a lɛ dia Yezu la ka bɛ lɛ nɛ, a n naa nɛ a piì la.

Marki 2:9

Boo màn paa kɛ bii, ǹ mɛn a pɛ n naanaa? Ma á boe la ma pɛ giĩ paǹ tumaa gere-a lɛ nɛ: «N sii baraan nə́ n toa n nɛ», hinlaa «Yoo, n nə n piì saa n tɔ wɔ.»

Luku 2:2

Bɛa minin-nimii lɛ na a bibinaa lɛa, a na á n zɛnaa bɛ̀ Kirinusu n Siirii gána mìi la.

Luku 4:14

Yezu bɛ́ ka Yiri Fu pàã lɛ ná a nɛ, á wusoo á daa Galilee gána nɛ. A tɔ bɔ bɛa bǎã lɛ a wɔlɔ yii ni.

Luku 4:38

Yezu soo á n bɔ lɛsɔkɔn kion, á woo Simɔn a piɛ. Gɔ̀nɔn wɛ̃ kaka kɔ́n na á goã Simɔn n dàãlɔ ganaa. Ǹ nə́ Yezu nyankɔ mà a na a busu nya.

Luku 5:15

A laan Yezu nə́ n dan da nɛ, a tɔ sonbore na á goã n diɛ wɔlɔ la woe. Zaman gigiã na á goã n lɛ soekɔn-a a li, bɛ̀ ǹ nə n too kɔ a boo-a, bɛ̀ ǹ nə ǹ busun dɔn nyaa nɛ mà a ǹ nya.

Luku 5:24

Sonbore, màn mɛn bɛ́ toɛ, ka dɔ̃ mà pàã tá Min a Nɛgiĩ lon kanaa dɔ nɛ ma sii baraa toa minin manɛ, man pii bɔlɔka lɛ-n: «Yoo lon n nə n katara saa n wo piɛ.»

Luku 7:17

Zudee gána tumaa nɛ ka a lɛkoro lɛ-a bǎã nɛ, Yezu a dí lɛ a boo kaa minin too ne.

Zaã a sɛ́wɔ 10:21

Sɛnɛ, ǹ gialakunun man nə́ goã pii mà nɔ̀ɔndɛnan boo da ǹ gɔn bie ke wa dɛ. Mà nɔ̀ɔnɔn tá boe la ǹ yii tere-a yiin bũ koɛ?

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.

Nya ǹ dín 15:23

Ǹ nə́ tɔ́n sɛ́wɔ kɛ kɔ ǹ la a n kiɛ̃-n kɛnɛn: «Dɔɔ̃nɔn lɛn, kasɛn mɛnɛn bɛ́ tɔrɔ kɔsɔn lɛa, ka golee Lawa li, ka n Antiɔsi kiwi ka Siirii laanka Siliisii gána nɛ, wɔsɛn dia dí-a wolen ne, nyɛɛnaandɛnan nɛ, ka Lawa-nyankɔlen tá fòo diɛ ka nɛ.

Nya ǹ dín 15:41

Á Siirii gána wɔsɔ ka Siliisii gána nɛ, á Lawa a sɔmɔ minin foo taã mà ǹ goã golee Lawa li gɔ́ɔ̃ nɛ.

Nya ǹ dín 28:9

Bɛ kio, gána lɛ a min mɛn tumaa goã busulə lɛa, bɛn man nə́ goã die Pooli li, bɛ̀ ǹ gogoonmaa kaka kɔ.

Nya ǹ dín 8:7

Sonbore, nɔ̀ɔn babaraa gigiã na á goã n boe nɔ̀ɔndɛnan ganaa, bɛ̀ ǹ nə́ n lɛ dii parsiini. Bɔlɔka gigiã laanka siməə wole gigiã dɔ a busu nya.

Zozoe 6:27

Dɛnaa Lawa goã kun ka Zozoe ne. Zozoe tɔ bɔ gána lɛ paǹ tumaa nɛ.