Matiə 3:6 - LAWA A BOO SONBORE

⁶ Ǹ nə́ goã golee ǹ sii baraan li min tumaa yɔrɔ-a, bɛ̀ ZAÃ tá batɛmu diɛ ǹ ganaa Zurdɛ̃ tà mu li.

LAWA A BOO SONBORE 2011

⁶ Ǹ nə́ goã golee ǹ sii baraan li min tumaa yɔrɔ-a, bɛ̀ Zaã tá batɛmu diɛ ǹ ganaa Zurdɛ̃ tà mu li.

Matiə 3:6 ပူးပေါင်းရင်းမြစ်များ

Ɛsidrasi 10:1

Ɛsidrasi bɛ́ kuməə-n tán Lawa a kion lɛ yɔrɔ-a, Lawa nyankoe a sii baraan pii ka wuu ni, Izirayeli min gigiã nə́ n sɔkɔn a li, giĩn ni, lɔn nɛ, ka nɛnyaanan nɛ. Zaman lɛ goã wuu pii taãn-taãnɛ.

Loen 32:5

Kanna, má maa sii baraa pɛ n nɛ, ma pii kɔ maa sã lɛ wa. Má pɛ máa: Ma á die ma zɛ̀rɛn piì Dɛnaa Lawa nɛ. Bɛ lɛ n ke, ń maa sii baraa a guĩ saa ń bɔ ma mìi ni. Doa.

Suusun 28:13

Min mɛn bɛ́ a siɛ̃n duri, a sii a bǐɛ̃ koe wa. Min mɛn bɛ́ a siɛ̃n doɛ̃, a nə́ ǹ toɛ walan, maǹ makara boe bɛ ganaa.

Ezekieli 36:25

Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ.

Lawa a wúlu-bɔlen 16:21

Aarɔn nə n gɔnɔn paanan kaa butumu yiikoonaa lɛ mìi ni, a Izirayeli minin lɛn sii baraan tumaa pɛ a lalan, ǹ sã ǹ siin tumaa laanka ǹ Lawa bɔlɔ tii ǹ siin tumaa nɛ, á bɛn kaa butumu lɛ mìi ni. Bɛ kio, ǹ min bɔ a tɔ-a, bɛ loo a wo koa don.

Lawa a wúlu-bɔlen 26:40

Ǹ dinin tá re golee ǹ laanka ǹ digolon lɛn sii baraan li, ǹ bɔ ǹ lɛ-n ǹ pɛ, mà ǹsɛn nə́ sã masɛ ganaa, ǹ nə́ yɔ bɔ masɛ ganaa.

Minin nimi 5:7

A sii baraa mɛn lɛ zɛnaa, a doamaa nɛ a na ka bɛ nɛ. Màn mɛn bɛ́ a zɛ̀rɛ lɛ mìi lɛa, a wɔ min mɛn lɛ lon, a doamaa nɛ, a bɛ tumaa saraa la, a màn lɛ a giɔ̀mɔ a talakɔn sooro goon da la.

Matiə 3:11

Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.

Marki 1:5

Zeruzalɛmu kiwi minin laanka Zudee gána min tumaa soo ǹ nə́ woo a li, ǹ nə́ golee ǹ sii baraan li min tumaa yɔrɔ-a, bɛ̀ ZAÃ tá bɛa batɛmu kɛ lɛ diɛ ǹ ganaa Zurdɛ̃ tà mu li.

Luku 1:16

A nya ǹ dí n die toɛ Zuifun gigiã wusoo, ǹ da ǹ Dɛnaa Lawa ganaa doo.

Luku 3:16

ZAÃ na á goã ǹ tumaa lɛ sii kɛnɛn: «Masɛ n má batɛmu da ka ganaa mu li, sɛnɛ, min tá die, bɛa dɛnaa pàã á gole á la masɛ wɔ nɛ, haalɛ masɛ nə n zuməə, ma a kɔsɔ biɛn fore, masɛ mìi á kiɛɛrɛ bɛ ganaa. Bɛa dɛnaa kɛ lɛ n die ka kiɛ Lawa a zii ni, ka Yiri Fu pàã nɛ, a dɔlɔ bɔ ka tɛ nɛ.

Nya ǹ dín 1:5

ZAÃ na á *batɛmu da minin ganaa mu li, sɛnɛ, kànaa ka boɛɛn nɛ, kasɛn tá re we Lawa a zii ni ka Yiri Fu pàã nɛ.»

Nya ǹ dín 11:16

Masɛ yiri tɔ́n daa ka Dɛnaa a boo kɛ nɛ, a màn mɛn pɛ: «ZAÃ na á *batɛmu da minin ganaa ka mu ni, sɛnɛ, kasɛn man die we Lawa a zii ni ka Yiri Fu pàã nɛ.»

Nya ǹ dín 19:18

Min mɛnɛn nə golee Lawa li, ǹ gigiã nə́ ǹ sii-durii zɛnaan pɛ zaman yɔrɔ-a.

Nya ǹ dín 22:16

Ma nə n yii diɛ wàa la doo? Yoo n Yezu nyankɔ, masɛ *batɛmu da n ganaa, Lawa nə n sii baraan toa n nɛ.»

Korɛnti1 10:2

Ǹ tumaa a goã labara giulun kɛ nɛ, ka ǹ yìsi mu kurii kɛ na á ǹ baa tɔrɔ goon lɛa ka Muizu ni.

Kolɔɔsi minin 2:12

Sonbore ne, ǹ bɛ́ ǹ nə́ *batɛmu da ka ganaa, a n goon ka maǹ nə́ ka bĩ kun ka Krita nɛ, ka yii wusoo á kaa kun ka a din ni, a giala, Lawa pàã mɛn na a yii kaa á bɔ geren bii, ka golee bɛ lɛ li.

Ebrəə 6:2

*Batɛmun kɛn nɛ, gɔn da min mìi-n a Lawa nyankɔ nɛ, ka geren yii kaa laanka dɔlɔ nyabaã kɛ a boo diɛ nɛ.

Ebrəə 9:10

Bɛa Lawa guguru kɔ ǹ siin kɛn lɛn man doa-n màn-biin ganaa, ka màn-miin ni, ka zoo a *gɔ̀ bɔmaganaa tɔrɔ gigiã nɛ, Landa wɔ paǹ li. Bɛn man nə́ goã minin yɔrɔ-a siin lɛa, ǹ nə́ goã n zɛnɛɛ, yǎa Lawa din a wusoo a sii tumaa giala kɔ dii lɛa kɛ a biikoo dɔ.

Zaaki 5:16

Bɛ lɛ taman yii, ka kaa sii baraan pɛ kɔn nɛ, ka Lawa nyankɔ kɔn a lɛa, màn mɛn bɛ́ toɛ, ka kakabaa yɛ. Min mɛn bɛ́ Lawa bɔlɔ sii, pàã tá bɛa dɛnaa a Lawa-nyankɔ nɛ.

Zozoe 7:19

Zozoe tɔ́n pɛ Aakan nɛ: «Maa nɛgiĩ, bǐɛ̃ kɔ n taãn pɛ Dɛnaa Lawa yɔrɔ-a, Izirayeli minin Lawa lɛ. N sii mɛn zɛnaa, bǐɛ̃ kɔ n pɛ ma-n kɛnɛn kɛnɛn, n nyan toa n pɛ mà ma nə n duri masɛ la wa.»

Piɛrɛ1 3:21

Bɛa sii lɛ na á goã *batɛmu kɛ a kɔnboe lɛa. Bɛa batɛmu kɛ lɛ bie gɔ̀nɔn ganaa ǹ *gɔ̀ boe min-a wa, a n din kɔ Lawa la ka foo sonbore-n sii nyɛɛ. Lawa bɛ́ á Yezu Krita yii kaa á bɔ geren bii ke, a na á barka wɔ batɛmu kɛ nɛ, á n ka kirisibiɛ nɛ kanna.

Zaã1 1:9

Sɛnɛ, bɛ̀ wɔ á wɔa sii baraan pii Lawa nɛ, a din nə bɔlɔgoondɛnaa lɛa, a n pepere dɔn. Á re wɔa sii baraan toɛ wɔ nɛ, a wɔ yoreen kɔ sii baraa tumaa ganaa.