Matiə 3:2 - LAWA A BOO SONBORE

² A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔ bii sisia.»

LAWA A BOO SONBORE 2011

² A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔ bii sisia.»

Matiə 3:2 ပူးပေါင်းရင်းမြစ်များ

Kiin1 8:47

bɛ̀ ǹ nə́ n toa bɛa gána kɛ lɛ nɛ, ǹ bɛ̀rɛbaa gɔ́ɔ̃ nɛ, ǹ nə́ n taasɛ, ǹ nə́ n gɔ́ɔ̃ dɔn bii, ǹ nə́ gòã-kũ da n ganaa ǹ nə́ pɛ: «Wɔ sii baraa zɛnaa, wɔ baraabaa zɛnaa, wɔ n zɛ̀rɛdɛnan lɛa,»

Zɔbu 39:12

N tá boe la n nə n foo doa a ganaa, mà á re n wii goɛ a da-n piɛ? Á re goɛ a da sɔkɔn a tamaa ǹ bǎã nɛ?

Zɔbu 42:6

Bɛ lɛ nɛ, ma nə n gɔ́ɔ̃ bii maa da ǹ boon lɛ-a, man lɛ koe maa san ganaa ma á n gɔ́ɔ̃ bii, ma giã tan tii laanka ton li foo ziziɛ̃ gɔn.

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Matiə 10:7

Ka n toa woe, bɛ̀ ka tá Lawa a boo laakalɛɛ ka n pii: «Lon a kiibaa lɛ a biikoo diri!»

Matiə 11:20

Bɛ kio, Yezu bɛ́ á na a kaãbaa ǹ sii lɛ a gigiã zɛnaa kiwin mɛnɛn nɛ, a ná a giala kɔ á yoo bɛn gialaa, a giala ǹ minin nə ǹ tɔ wɔ ǹ gɔn bɔyaa wa. Á pɛ:

Matiə 12:41

Kiri kurii pinaa, Ninivu kiwi minin kɛn tá re yui ǹ golee kɔn yɔrɔ-a ka pelo minin kɛn nɛ, ǹ zɛnaa ǹ sii á re pelo minin kɛn biɛ koe, a giala Zonaasi bɛ́ á woo Boo Tii Kɔɔ̃n pɛ Ninivu, a minin nə́ n taasɛ ǹ nə́ wusoo ǹ sii baraan kio. Màn tá kànaa á gole á la Zonaasi-n dɛ!

Matiə 13:11

Yezu tɔ́n pɛ ǹ nɛ: – Lon a kiibaa a sii-duriin kɛn, Lawa na á bɛn nyaa kasɛn manɛ. Sɛnɛ, a nyaa ǹsɛn man wa.

Matiə 13:24

Yezu wusoo á boo giməə kɔsɔ da ǹ nɛ: – Lon a kiibaa lɛ a kɔnboe n ka kɛ nɛ: Giĩ goon na á màn tɔrɔ sonbore da a wuru-n.

Matiə 13:31

Yezu wusoo á boo giməə kɔsɔ da ǹ nɛ doo: «Lawa a kiibaa ǹ dí lɛ bɛ́ woe nyɛɛn lɔn, a n kɔnboe ka mutardə we ne, giĩ goon nə́ saa á woo da a wuru-n.

Matiə 13:33

Yezu wusoo á boo giməə kɔsɔ da ǹ nɛ: «Lawa a kiibaa lɛ n kɔnboe ka yɔ bù ni. Lɔ goon na á saa á kaa buuru wusu ya gigiã li, yǎa a din tumaa yoo.»

Matiə 13:47

«Lawa a kiibaa lɛ n die kɔnboe ka zɔ̀ɔ-n doo, ǹ nə́ zũ tà mu li, a n zɔ̀ tɔrɔ din tumaa kuĩ.

Matiə 13:52

Á tɔ́n pɛ ǹ nɛ: «Bɛ lɛ na á toa, landa sii-daraalin tá re yii, ǹ Lawa dɔ̃ ǹ kii lɛa. Bɛn lɛn man kɔnboe ka kiondɛnaa kɔ́n nɛ, gɔn màn dii laanka a zizi boe a naforo ne.»

Matiə 18:23

Bɛ gɔ́ɔ̃ nɛ, *Lawa a kiibaa lɛ a sii a kɔnboe n ka kɛ nɛ: Kii kɔ́n na á yoo ǹ kɔ́n pinaa, mà asɛ na a wɔrɔ sii yɔrɔ boe kun ka a dí-nyalin ni.

Matiə 20:1

Lawa a dí lɛ a nya ǹ gɔn a kɔnboe n ka kɛ nɛ: Kɛdɛnaa goon na á da wuru bɔ, bɛa da lɛ tɔ n *rezɛ̃ da. Ǹ kɔ́n pinaa, á yoo baayɛlɛ yiisoone, a n giɛ dí-nyalin li ǹ kiɛ a nɛ.

Matiə 22:2

– Lon a kiibaa lɛ a kɔnboe n ke: Kii goon ne, a ná a nɛgiĩ a kɔn wɔ ǹ màn-bii zɛnaa.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Matiə 25:1

Bɛ̀ Lawa ná a kiibaa ǹ dí lɛ nya a ná a lɛ pã ǹ mɛn waáraa, a kɔnbɔ ǹ sii n ka kɛ nɛ: Nɛniɛ fù kɔ́n nɛ, ǹ nə́ bólonən goa, mà ǹsɛn man woe n diɛ lɔ tii ǹ zuũ lɛ.

Matiə 25:14

*Lawa a kiibaa ǹ dí lɛ a kɔnbɔ ǹ sii kɔsɔ n ke: A n goon ka giĩ kɔ́n nɛ, a bɛ́ re woe zii ni, a ná a dí-nyalin bíi, á n gɔn màn koa ǹ li.

Matiə 4:17

A kũ a da Galilee biikoo lɛ ganaa, Yezu ná a giala kɔ á Boo Tii Kɔɔ̃n pɛ. A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔsɛn bii sisia.»

Matiə 4:23

Yezu na á goã n bibiĩ Galilee gána din tumaa nɛ, bɛ̀ a minin daraa Zuifun lɛsɔkɔn kionən ne. Á goã lon a kiibaa ǹ Boo Tii Kɔɔ̃n lɛ pii. A na á goã minin busu tɔrɔ din tumaa nyɛɛ bɛ̀ a bɔ ǹ ganaa.

Matiə 5:10

Ǹ bɛ́ min mɛnɛn nɔmiɛ peperebaa taman yii, Lawa á re barka diɛ bɛn ganaa, a giala lon a kiibaa lɛ n bɛn wɔ lɛa.

Matiə 5:3

– Min mɛnɛn bɛ́ ndinin doɛ̃ doobaan lɛa Lawa wɔ paǹ li, Lawa á re barka diɛ bɛn ganaa, a giala lon a kiibaa lɛ nə ǹ dinin wɔ lɛa!

Matiə 6:10

Toa n kiibaa daa, n foo sii bɛ́ n zɛnɛɛ lon lɔn ke, toa a n zɛnaa tán dɔn miɛ̃.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Marki 1:15

a na á goã pii: «Biikoo lɛ pã kəni, Lawa n die a kiibaa ǹ dí lɛ nyɛɛ wɔsɛn bii sisia. Ka n taasɛ, ka wusoo kaa sii baraan kio, ka lɛ kɔ Lawa a Boo Tii Kɔɔ̃n kɛ ganaa.»

Marki 1:4

Bɛa yɔrɔ kɛ lɛ la, ZAÃ daa diə gole ne, á goã *batɛmu diɛ minin ganaa, á goã pii ǹ ni: «Ka n taasɛ ka wusoo kaa sii baraan kio, ma batɛmu da ka ganaa, màn mɛn bɛ́ toɛ, Lawa kaa sii baraan toa ka nɛ.»

Marki 6:12

A kialandɛnan lɛn nə́ woo ǹ nə́ pɛ minin manɛ, mà ǹ doamaa nɛ ǹ nə n taasɛ, ǹ wusoo ǹ sii baraan kio.

Luku 1:16

A nya ǹ dí n die toɛ Zuifun gigiã wusoo, ǹ da ǹ Dɛnaa Lawa ganaa doo.

Luku 11:20

Sɛnɛ, bɛ̀ masɛ n nɔ̀ɔnɔn lɛn lui ka Lawa pàã nɛ, haya, *Lawa a kiibaa lɛ na á n giala kɔ ka li.

Luku 13:3

Haayii! Masɛ n pii ka nɛ, bɛ̀ ka n taasɛ ka wusoo kaa sii baraan kio wa, ka dɔn man die bɔ̀n biɛ miɛ̃.

Luku 13:5

Haayii. Masɛ n pii ka nɛ, bɛ̀ ka n taasɛ ka wusoo kaa sii baraan kio wa, ka dɔn man die bɔ̀n biɛ miɛ̃.»

Luku 15:10

Masɛ n pii ka nɛ, bɛ̀ sii baraa-zɛnaali goon toto wusoo a sii baraan kio á golee Lawa li, bɛa yɔrɔ kɛ lɛ la, nyɛnyɛɛ tá Lawa a dia dí-a wolen li lon, bɛa dɛnaa lɛ a lɛa.»

Luku 15:7

Man pii ka nɛ, nyɛnyɛɛ n Lawa a piɛ bɛa yɔrɔ kɛ lɛ la, biikoo woo biikoo, bɛ̀ sii baraa-zɛnaali goon toto wusoo a sii baraan kio á golee Lawa li. Nyɛnyɛɛ tá Lawa a piɛ bɛa lɛa, á la din baa min pepere lɛa wole pɔmanangɔrɔwen manangɔrɔ nɛ, a giala bɛn man taasɛ, mà ǹsɛn laadoo ba a ganaa, ǹ wusoo ǹ sii baraan kio wa.

Luku 16:30

Pàãma lɛ mà Díi Abrahamu ganaa, mà bɛa sii lɛ a boe wa. Sɛnɛ, mà bɛ̀ min yii kaa á bɔ geren bii á woo ǹ li, mà bɛa waáraa mà ǹ tá re wusii ǹ sii baraan kio ǹ golee Lawa li.

Luku 21:31

Bɛa yɔrɔ kɛ lɛ la, bɛ̀ ka dɔn nə́ bɛa siin kɛn lɛn yɛ n zɛnɛɛ, ka dɔ̃, mà Lawa a kiibaa lɛ a daa diri.

Luku 24:47

Maǹ die a giala koe Zeruzalɛmu ganaa, ǹ Lawa a boo pɛ ka a din tɔ nɛ tɔrɔn tumaa nɛ, mà ǹ wusoo ǹ sii baraan kio, ǹ golee Lawa li, màn mɛn bɛ́ toɛ, Lawa nə ǹ sii baraan toa ǹ nɛ.

Luku 6:20

Yezu nə́ n yii saa lon á doa a kialandɛnan lɛn la, á pɛ ǹ nɛ: «Kasɛn mɛnɛn bɛ́ doobaan lɛa, Lawa á re barka diɛ ka ganaa, a giala *Lawa a kiibaa lɛ n ka dinin wɔ lɛa.

Luku 9:2

Yezu na á ǹ dia mà ǹ wo *Lawa a kiibaa ǹ dí nyɛɛ boo da, ǹ busulən kaka kɔ.

Nya ǹ dín 11:18

Min mɛnɛn bɛ́ n too koe Piɛrɛ lon, ǹ bɛ́ ǹ nə́ boo kɛ ma, ǹ foo waa. Ǹ nə́ barka da Lawa-n kɛnɛn: «Á ke, Lawa zii kɔ tɔrɔ kɔsɔn kɛn dɔn la, ǹ nə́ wusoo ǹ sii baraan kio, ǹ nə́ golee Lawa li. Bɛa tɔ wɔ ǹ gɔn bɔyaa kɛ nə ǹ kiɛ yiikoonaabaa taãn-taãn nɛ.»

Nya ǹ dín 17:30

Á ke, Lawa ga bɛa sii-doɛ̃baã biikoon kɛn ganaa wa. Sɛnɛ, sisia a n pii min din tumaa nɛ, bǎã tumaa nɛ, mà ǹ doamaa nɛ ǹ nə n bɔyaa ǹ golee asɛ li.

Nya ǹ dín 2:38

Piɛrɛ nə́ ǹ lɛ si: «Ka wusoo kaa sii baraan kio. Kaa didie lɛ kɔ, wɔsɛn nə batɛmu kɛ da ka ganaa ka Yezu *Krita tɔ nɛ, màn mɛn bɛ́ toɛ, Lawa kaa sii baraan toa ka nɛ. Bɛa biikoo li, Lawa á die a Yiri Fu gisĩ ka la.

Nya ǹ dín 20:21

Masɛ a siérebaa toa Zuifun laanka tɔrɔ kɔsɔn nə́ n bɔyaa, ǹ nə́ daa Lawa ganaa, ǹ nə́ golee wɔa Dɛnaa Yezu li.

Nya ǹ dín 26:20

Man má Lawa a boo pɛ bǎã tumaa nɛ, Damaasi kiwi bɔrɔ, bɛ kio Zeruzalɛmu kiwi, ka Zudee gána din tumaa nɛ, ma tɔ́n daa dɔ tɔrɔ kɔsɔn ganaa. Man má pɛ máa minin nə n taasɛ, ǹ wusoo ǹ sii baraan kio, ǹ golee Lawa li, ǹ dí nya màn mɛn nə́ nyɛɛ, maǹ nə́ wusoo n sii baraan kio.

Nya ǹ dín 3:19

Ka wusoo kaa sii baraan kio ka da Lawa ganaa, màn mɛn bɛ́ toɛ, Lawa kaa sii baraan tuturu.

Korɛnti2 7:10

A giala, Lawa bɛ́ foo-ziziɛ̃ mɛn li, bɛ lɛ n min a giã ǹ gɔn bɔyɛɛ, a wo da kirisibaa nɛ, a ná a ba bǎã koe gɔ́ɔ̃ bii la wa. Sɛnɛ, wɔ dinin minbuiinbaa ǹ foo-ziziɛ̃n kɛn man woe wɔ-n gɛ̀ ganaa.

Kolɔɔsi minin 1:13

Sonbore, Lawa na á wɔ bɔ wɔlɔ tì a goledɛnaa *Sɛtaan pàã giulun, á wɔ kaa a din a Nɛgiĩ narɛɛ wole kɛ a kiibaa nɛ.

Timote2 2:25

Min mɛnɛn bɛ́ a boo liere koe, a doamaa nɛ, a bɛn doroo ka sabarabaa nɛ. Kɔntan, Lawa á die n doe ǹ lɛ, ǹ wusoo ǹ zɛnaa ǹ siin kio, ǹ sonbore dɔ̃.

Ebrəə 6:1

Haya, ka daa, daraa giala kɔ ǹ bǎã siin kɛn *Krita wɔ gɔn la, wɔ bɛn na wɔ wo nyɛɛnɛ, wɔ dɔ daraa ǹ sii dadaran ganaa. Ka daa wɔ baran golee giala wɔ ǹ siin kɛn daraa la doo wa: Wusoo zɛnaa ǹ sii kooron kio n golee Lawa li ni,

Piɛrɛ2 3:9

Dɛnaa nə n lɛ kɔ ka a daa boo mɛn nɛ, a bie n nyɔnyoɛ bɛa zɛnaa li, ka min tɛnɛn bɛ́ taasɛ lɔn wa. Sɛnɛ, a nə́ n foo kuĩ, á ka dinin sii sii a ganaa, a giala, a giɛ li mà min kɔ́n bɔ̀n baa wa, sɛnɛ, a n giɛ li minin tumaa wusoo ǹ sii baraan kio, ǹ da Lawa ganaa.

Sii-nyaan 2:21

Má biikoo kɔ la máa a wusoo a sii baraan kio, sɛnɛ, a lɛ koe a tá a kɔrɔbaa ǹ siin lɛn kiɛ wa.

Sii-nyaan 2:5

N yiri koa n bɔ a mɛnaa ǹ bǎã kɛ li! N wusoo n sii baraan kio, ka n sii zɛnaa nɛ, ka n bɛ́ ń goã zɛnɛɛ lɔn lɛlɛ. Bɛ̀ bɛ bie wa, ma á re die n gialaa, ma n bolon koa ǹ bǎã kɛ saa ma bɔ a bǎã nɛ.