Matiə 28:7 - LAWA A BOO SONBORE

⁷ Ka wo pɛ a kialandɛnan manɛ fufuu: «A yii kaa á n bɔ geren bii, á die woe ǹ nyɛɛnɛ Galilee gána-n sisia, ǹ tá re woe yiɛ walan.» Boo mɛn bɛ́ masɛ lɛ-n ma pɛ ka nɛ, bɛ lɛ-n ka kɛ nɛ.

LAWA A BOO SONBORE 2011

⁷ Ka wo pɛ a kialandɛnan manɛ fufuu: «A yii kaa á n bɔ geren bii, á die woe ǹ nyɛɛnɛ Galilee gána-n sisia, ǹ tá re woe yiɛ walan.» Boo mɛn bɛ́ masɛ lɛ-n ma pɛ ka nɛ, bɛ lɛ-n ka kɛ nɛ.

Matiə 28:7 ပူးပေါင်းရင်းမြစ်များ

Izayii 44:8

Kasɛn maa zaman, nyɛ́ɛ nyan ka kũ wa. Ka gɔ̀nɔn nyan bìn da wa. Má a boo da ka nɛ, má pɛ ka nɛ a biikoo ná a kànaa wa. Ka ǹ maa siéren lɛa. Lawa kɔsɔ tan masɛ kio? Haayii! Ma din ni kaa gɛ̀fu kaka lɛa. Ma a kɔsɔ doɛ̃ wa.

Izayii 45:21

Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

Matiə 24:25

Masɛ á ke má pɛ ka nɛ bɛ̀ a biikoo baa doe.

Matiə 26:32

Sɛnɛ, Yezu mà bɛ̀ asɛ yii wusoo á kaa, mà asɛ á die woe ǹ nyɛɛnɛ Galilee gána nɛ.

Matiə 28:10

Yezu tɔ́n pɛ ǹ nɛ: «Ka baran nyɛ́ɛ baa wa. Ka wo pɛ ma dɔɔ̃nɔn manɛ, mà ǹ wo Galilee gána nɛ, ǹ tá re die masɛ yiɛ walan.»

Matiə 28:8

Ǹ nə́ n nanaa, ǹ nə́ n bɔ yala lɛ lɛ-a, nyɛ́ɛ nə́ ǹ ganaa taãn-taãnɛ, nyɛnyɛɛ gole dɔ nə́ ǹ foo ne. Ǹ nə́ baa si ǹ nə́ woo boo lɛ pɛ Yezu a kialandɛnan manɛ.

Marki 14:28

Sɛnɛ, bɛ̀ ma yii wusoo á kaa, man die woe ka nyɛɛnɛ Galilee gána nɛ.

Marki 16:10

Min mɛnɛn bɛ́ ǹ nə́ goã kun ka Yezu ni, Mariya woo a laakalaa bɛn manɛ. Ǹ yɔrɔ kɔsiɛmaa nɛ, ǹ nə́ goã wuu pii.

Marki 16:13

Bɛn dɔn nə́ n bɔyaa ǹ nə́ daa pɛ ǹ miãn manɛ, sɛnɛ, ǹ golee ǹ dɔn boo li wa.

Luku 24:34

Bɛn nə́ pɛ bɔ zii-n wolen lɛn manɛ: «Sonbore ne, Dɛnaa lɛ yii kaa á n bɔ geren bii. Á n din nyaa Simɔn nɛ.»

Zaã a sɛ́wɔ 14:29

Man sii lɛ a boo diɛ ka nɛ sisia bɛ̀ a ná a tɔn nə n zɛnaa wa, màn mɛn bɛ́ toɛ, bɛ̀ á n zɛnaa ǹ mɛn waáraa ka golee masɛ li.

Zaã a sɛ́wɔ 16:4

Sɛnɛ, masɛ n má kɛ pɛ ka nɛ, màn mɛn bɛ́ toɛ, bɛ̀ ǹ biikoo dɔ, ka yiri goã a nɛ mà masɛ goã má pɛ ka nɛ. Ma bɛ pɛ ka nɛ a giala kɔ waáraa wa, a giala, má goã kun ka nɛ.

Korɛnti1 15:4

Ǹ nə́ bĩ, a lɛawaa sɔɔbaa ǹ wɔ pinaa, a yii kaa, ka Lawa a sɛ́wɔ bɛ́ á pɛ lɔn.

Korɛnti1 15:6

Bɛ kio doo, á n din nyaa a kialandɛnaa biɛsooro (500) ne kun. Ǹ gigiã yii á tɔn koo, ǹ tɛnɛn nə́ gã.