Matiə 28:6 - LAWA A BOO SONBORE

⁶ A ba kànaa wa, a yii kaa á n bɔ geren bii, ka a bɛ́ á pɛ lɔn. Ǹ naa tán bǎã mɛn nɛ, ka da ga a bǎã ganaa.

LAWA A BOO SONBORE 2011

⁶ A ba kànaa wa, a yii kaa á n bɔ geren bii, ka a bɛ́ á pɛ lɔn. Ǹ naa tán bǎã mɛn nɛ, ka da ga a bǎã ganaa.

Matiə 28:6 ပူးပေါင်းရင်းမြစ်များ

Matiə 12:40

Zonaasi bɛ́ á lɛawaa sɔɔ laanka tèlò sɔɔ zɛnaa zɔ̀ gole gɔ́ɔ̃-n lɔn, Min a Nɛgiĩ dɔ n die lɛawaa sɔɔ laanka tèlò sɔɔ zɛnɛɛ yala-n miɛ̃.

Matiə 16:21

A saa bɛa biikoo lɛ ganaa, Yezu ná a giala kɔ á nyaa a kialandɛnan manɛ ka a fubaa nɛ, á pɛ: «Masɛ doamaa nɛ ma wo Zeruzalɛmu, ma nɔmaa Zuifun sii yɔrɔ-bɔlen gɔn parsiini: ǹ goledɛnan nɛ, ǹ Lawa a wúlu-bɔlen goledɛnan nɛ ka ǹ landa sii-daraalin ni. Ǹ tá re ma dii, maa gɛ̀ lɛawaa sɔɔ, ma yii á die kiɛ.»

Matiə 17:23

Ǹ tá re ma dii, maa gɛ̀ lɛawaa sɔɔ, ma yii á die kiɛ.» Bɛa boo lɛ yɔrɔ kɔsiɛ da a kialandɛnan lɛn ganaa parsiini.

Matiə 17:9

Ǹ bɛ́ gisĩ ǹ boe kele lɛ la ǹ mɛn waáraa, Yezu nə́ n gɔn waa ǹ nɛ: «Sii mɛn nə́ n nyaa ka-n ke, ka nyan toa ka a boo da min kɔ́n yii-n wa, yǎa Min a Nɛgiĩ yii kiɛ a n boe geren bii.»

Matiə 20:19

Ǹ tá re ma koe tɔrɔ kɔsɔn la. Bɛn tá re yaa we ma ganaa, ǹ ma duwəə ka sɛ̌n nɛ, ǹ ma dere gɔn ganaa. Ma a gɛ̀ lɛawaa sɔɔ, ma yii á die kiɛ.»

Matiə 27:63

ǹ nə́ pɛ: «Goledɛnaa, wɔsɛn yiri tá a nɛ minin yiri-sãli kɛ lɛ pɛ, bɛ̀ a yii bɛ́ tɔn koo mà asɛ a gɛ̀ lɛawaa sɔɔ, mà asɛ yii á die kiɛ.

Marki 16:6

Sɛnɛ, á tɔ́n pɛ ǹ nɛ: «Ka baran nyɛ́ɛ baa wa, ma á doɛ̃ máa minin nə Nazarɛtin Yezu mɛn dere gɔn ganaa, máa ka n giɛ bɛ lɛ li. A yii wusoo á kaa, a ba kànaa wa. A n da bǎã mɛn nɛ, á ke, ka ga a ganaa.

Marki 8:31

Bɛ kio, sii mɛn bɛ́ Yezu nyɛɛnɛ, a ná a giala kɔ á pɛ a kialandɛnan manɛ: «Min a Nɛgiĩ doamaa nɛ a nɔmaa parsiini, Zuifun sii yɔrɔ-bɔlen tumaa á re n piɛ̃ nɛ: Ǹ goledɛnan nɛ, ka ǹ Lawa a wúlu-bɔlen goledɛnan nɛ, ka ǹ landa sii-daraalin ni. Ǹ tá re dii, sɛnɛ, lɛawaa sɔɔ bɛ kio, a yii á die kiɛ.»

Luku 24:12

Sɛnɛ, Piɛrɛ sɛ yoo á baa si á woo yala lɛ lɛ-a. A bɛ́ á n zuməə á n yii kɔ a nɛ, a na á mɔnaa gɔnɔn dininsɔɔ̃nɔn yɛ. A dɔ́ nə́ n kaãbaa bɛa sii kɛ lɛ a zɛnaa ganaa, á wusoo á woo piɛ.

Luku 24:23

ǹ na a gere lɛ yɛ wa. Ǹ nə́ wusoo ǹ nə́ daa pɛ, mà ǹsɛn nə́ lon a dia dí-a wolen yɛ, mà bɛn nə́ pɛ mà Yezu lɛ yii á koo.

Luku 24:44

Bɛ kio á pɛ ǹ nɛ: «Á ke man má goã má boon kɛn pɛ ka nɛ, bɛ̀ ma bɛ́ kun ka nɛ. Màn mɛn tumaa nə n kiɛ̃ masɛ wɔ gɔn la Muizu a dí-pɛn sɛ́wɔ nɛ, Lawa a boo gii-dalin wɔn nɛ, ka Loen sɛ́wɔ nɛ, yǎa bɛ lɛ tumaa lɛ piɛ̃.»

Zaã a sɛ́wɔ 10:17

«Maa Díi tá ma narɛ, a giala, masɛ n ma din nyin koe, màn mɛn bɛ́ toɛ, ma wusoo ma si.

Zaã a sɛ́wɔ 2:19

Yezu tɔ́n pɛ ǹ nɛ: «Ka Lawa a kion kɛ wuru, masɛ n wusii ma dɔ lɛawaa sɔɔ gɔ́ɔ̃ nɛ.»

Nya ǹ dín 2:24

Lawa gɔsɛ gɛ̀ gɔn á si, á wusoo á yiikoonaabaa kɔ la. A giala, pàã goã gɛ̀ lon a Yezu lɛ kurəə wusoo a da yiikoonaabaa ganaa wa.