Matiə 27:42 - LAWA A BOO SONBORE

⁴² «N min kɔsɔn kirisibaa, sɛnɛ, n din ba boe la n nə n din kirisibaa wa! Táa ma n Izirayelin kii lɛa? Gisĩ sisia kəni n nə n bɔ dere ǹ gɔn ganaa, wɔsɛn nə tɔn golee n li.

LAWA A BOO SONBORE 2011

⁴² «N min kɔsɔn kirisibaa, sɛnɛ, n din ba boe la n nə n din kirisibaa wa! Táa ma n Izirayelin kii lɛa? Gisĩ sisia kəni n nə n bɔ dere ǹ gɔn ganaa, wɔsɛn nə tɔn golee n li.

Matiə 27:42 ပူးပေါင်းရင်းမြစ်များ

Matiə 2:2

Ǹ nə́ nɔ̀n da ǹ nə́ pɛ: «Nɛnyaan mɛn bɛ́ á yɛ, a n die Zuifun kii biɛ, a n maa? Wɔ́ n toa wɔa gána nɛ, wɔ́ a leere yɛ á bɔ lɛ̀giala-n, wɔ n wɔ́ daa a guguru kɔ.»

Matiə 27:37

Ǹ dɔlɔ bɔ a ganaa sii mɛn tumaa taman yii, ǹ nə́ bɛn kiɛ̃ màn ganaa, ǹ nə́ dere a mìi la mà "Zuifun kii Yezu lɛ n ka kɛ nɛ".

Matiə 27:40

Maǹ nə́ goã pii ni: «N din mɛn bɛ́ mà nsɛ n die Lawa a Kion wurii, n wusoo n kɔsɔ dɔ lɛawaa sɔɔ gɔ́ɔ̃ nɛ, n din kirisibaa, bɛ̀ ma n Lawa a Nɛgiĩ lɛa sonbore, gisĩ n nə n bɔ dere ǹ gɔn ganaa kəni!»

Matiə 27:41

Lawa a wúlu-bɔlen goledɛnan laanka landa sii-daraalin dɔn nə́ yaa wɔ a ganaa kun ka Zuifun goledɛnan nɛ, ǹ nə́ pɛ:

Marki 15:31

Lawa a wúlu-bɔlen goledɛnan laanka landa sii-daraalin dɔn nə́ yaa wɔ Yezu ganaa, bɛ̀ ǹ nə́ pii kɔn nɛ mà á min kɔsɔn kirisibaa, sɛnɛ, mà a boe la a tá n din kirisibiɛ wa!

Marki 15:32

Bɛ̀ a n Izirayelin kii, Minin Nyin-sili lɛ lɛa sonbore, a gisĩ sisia kəni a n bɔ dere ǹ gɔn ganaa, wɔsɛn nə yɛ, wɔ tɔn golee li. Ǹ min mɛnɛn dere gɔn ganaa a paran li, bɛn dɔn man nə́ goã sɔ kiɛ la.

Luku 19:38

Maǹ nə́ goã pii kɛnɛn: «Kii ke die ka Dɛnaa tɔ nɛ, Lawa barka wɔ bɛ nɛ! Là nyantoro tá lon, gugurubaa goã lon a Lawa gole wɔ lɛa!»

Luku 23:35

Zaman lɛ na á goã golee ne giɛ. Pàã a goledɛnan kɛn sɛn man nə́ goã yaa we bɛ̀ ǹ nə́ pii: «Ń min kɔsɔn nyin si, n din wɔ si sisia kəni, bɛ̀ Nyin-sili kɛ lɛ Lawa n die diɛ, Lawa din a min boe lɛ, bɛ̀ n tá bɛ lɛa sonbore!»

Luku 23:37

Ǹ nə́ pɛ-n dɔn: «Bɛ̀ n tá Zuifun kii lɛ lɛa sonbore, n din nyin si kəni.»

Zaã a sɛ́wɔ 1:49

Bɛ kio, Natanayeli tɔ́n pɛ Yezu ni: «Mìinaa, masɛ dɔ̃ sisia, máa ma n Lawa a Nɛ lɛa, máa ma n Izirayeli minin kii lɛa.»

Zaã a sɛ́wɔ 12:13

Ǹ nə́ sèwo luun goa ǹ nə́ woo n da lɛ, ǹ nə́ goã n lɛ dii: «Lawa da ka n bǐɛ̃ nɛ! Min mɛn bɛ́ die ka Dɛnaa tɔ nɛ, Lawa barka wɔ n nɛ! Lawa barka wɔ Izirayelin kii lɛ nɛ!»

Zaã a sɛ́wɔ 12:47

Bɛ̀ min mɛn tá maa boon kɛn miɛ, a ná a ba ǹ sii wa, ma bie kiri kuri bɛa dɛnaa la wa; a giala, ma bie ma daa kiri kuru kanaa minbuiinin la wa, man má daa ǹ kirisibaa.

Zaã a sɛ́wɔ 9:24

Fariziɛ̃n nə́ yii tere-a zizi lɛ bíi doo ka a paabaa ǹ wɔ nɛ, ǹ nə́ pɛ nɛ: «Nyɛ́ɛ baa Lawa yii ni, n sonbore pɛ dɛ! Wɔsɛn tá doɛ̃ wáa giĩ kɛ lɛ n sii baraa-zɛnaali lɛa.»

Nya ǹ dín 4:14

Bɛ̀ ǹ nə́ ga giĩ kɛ-a golee ne ǹ li, a n kaka, boo ba ǹ lɛ-n ǹ tá ǹ lɛ sii-n wa.