Matiə 27:25 - LAWA A BOO SONBORE

²⁵ Zaman lɛ tumaa tɔ́n pɛ: «A gɛ̀ lɛ a koen nə goã wɔsɛn dinin laanka wɔa nɛnyaanan mìi ni!»

LAWA A BOO SONBORE 2011

²⁵ Zaman lɛ tumaa tɔ́n pɛ: «A gɛ̀ lɛ a koen nə goã wɔsɛn dinin laanka wɔa nɛnyaanan mìi ni!»

Matiə 27:25 ပူးပေါင်းရင်းမြစ်များ

Samayeli2 1:16

Ǹ bɛ́ dii, Davida na á goã pii ni: – N gɛ̀ lɛ a koen nə goã n din mìi ni. A giala, n din lɛ na á n da sii ni. A na á pɛ kɛnɛn: «Dɛnaa Lawa kii mɛn bɔ á koa, ma din ni má dɛ.»

Kiin1 2:32

Zoabu gɛ̀ mɛn dɛ, Dɛnaa Lawa n die bɛa dɔlɔ diɛ a mìi ni. A giala, a na á min paa dɛ, ǹ mɛnɛn nə́ ke pepere ǹ nə́ la nɛ, ǹ nə́ soɛ-n dɔn. A na á ǹ dɛ, ma di Davida ná a bɔ a siére-a wa. Bɛa min paa lɛ n ka Nɛɛrɛ a nɛgiĩ Abnɛɛrɛ nɛ, Izirayeli gána a sɔraasin goledɛnaa lɛa, ka Yetɛɛrɛ a nɛgiĩ Amasaa nɛ, Zudaa gána a sɔraasin goledɛnaa lɛa.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Minin nimi 35:33

Ka bɛ́ re goɛ̃ gána mɛn lɛ nɛ, ka doamaa bie ka bɛ gɔgɔrɛ kɔ wa. Sonbore, gɛ̀-dɛ n sii lɛa, sii mɛn nə́ ke gána gɔgɔrɛ koe. Bɛ̀ ǹ nə́ mà kaa gána lɛ nɛ, màn kɔn ba boe la a bɛ tuturu wa, yǎa mà-kaali lɛ mà.

Matiə 21:44

Bɛ̀ min mɛn bɔ á mɛnaa bɛa kɔlɔ kɛ lɛ la, ǹ dɛnaa gù yii n yiyiɛ. Bɛ̀ á bɔ á mɛnaa min mɛn la, a n bɛa dɛnaa yɔyɔrɛ.]

Nya ǹ dín 18:6

Zuifun lɛn bɛ́ n piɛ̃, ǹ nə́ sɔ koe, Pooli nə́ n gɔn pii á bɔ ǹ sii ni. Á pɛ ǹ nɛ: «A n kuĩ ka dinin mìi ni, màn kɔ́n ba boe masɛ li doo wa. Sisia kəni, masɛ n die n yɔrɔ diɛ tɔrɔ kɔsɔn la.»

Nya ǹ dín 5:28

«Táa wɔsɛn nə́ pɛ wɔ́ laa ka ganaa, wáa ka baran minin daraa bɛa tɔ kɛ lɛ ganaa wa. Á ke, ka kaa daraa lɛ wɔ Zeruzalɛmu kiwi minin tumaa yiri ni. Ka ǹ li mà giĩ kɛ lɛ a gɛ̀ dɔlɔ wɔsɛn kũ?»

Nya ǹ dín 7:52

Lawa a boo gii-dali kɛ mɛn nɛ, mà ka digolon manə ǹ fuu nyaa-n wa? Minin mɛnɛn nə goã Min Pepere kɛ a daa boo diɛ, táa ka digolon lɛn nə́ bɛn dɛ ǹ nə́ gã. Sisia, ka dininmaan dɔn nə́ bɛa Min Pepere kɛ lɛ kɔ a zɔ́ɔn la ǹ ná a nyin bɔ.

Timəə dí-pɛn 19:10

Ka die ka zɛnaa miɛ̃, màn mɛn bɛ́ toɛ, kaa Lawa, Dɛnaa Lawa bɛ́ re gána mɛn lɛ koe ka la mà a kaa wɔ baa, zɛ̀rɛbaãnaa mà nyan kaa tán a-n wa. Bɛ bie wa, a sii n goɛ̃ ka dinin mìi ni.

Timəə dí-pɛn 19:13

Ka nyan makara bɔ a ganaa duduu wa. Min mɛn lɛ zɛ̀rɛbaãnaa lɛ mà kaa, ka bɛ lɛ bɔ ka bɔ ka bii, màn mɛn bɛ́ toɛ, kaa wɔ bǐɛ̃ kɔ.

Zozoe 2:19

Bɛ̀ ǹ mɛn soo á n kion lɛ a kiɛnlɛ da a kio, bɛ̀ wɔ bɛ dɛ, bɛa dɛnaa a sii na a din mìi ni, wɔsɛn sii ba bɛ-n wa. Sɛnɛ, min mɛnɛn tumaa bɛ́ kunun n ni kion lɛ nɛ, bɛ̀ wɔ n gɔn da bɛn goon ganaa, bɛa sii n die goɛ̃ wɔsɛn dɔn mìi ni.