Matiə 27:19 - LAWA A BOO SONBORE

¹⁹ Pilati bɛ́ kiri wɔ ǹ bǎã nɛ, a lɔ min dia mà a wo pɛ nɛ: «N nyan toa n nə n sii wɔ giĩ zɛ̀rɛ baãnaa kɛ a sii-n wa. A giala masɛ narɛɛ mɛn wɔ a wɔ gɔn la gunun tèlò-n, á masɛ nɔmaa parsiini.»

LAWA A BOO SONBORE 2011

¹⁹ Pilati bɛ́ kiri wɔ ǹ bǎã nɛ, a lɔ min dia mà a wo pɛ nɛ: «N nyan toa n nə n sii wɔ giĩ zɛ̀rɛ baãnaa kɛ a sii-n wa. A giala masɛ narɛɛ mɛn wɔ a wɔ gɔn la gunun tèlò-n, á masɛ nɔmaa parsiini.»

Matiə 27:19 ပူးပေါင်းရင်းမြစ်များ

Siin Giala 31:11

Narɛɛ lɛ gɔ́ɔ̃ nɛ, Lawa a lon a dia dí-a wole lɛ lɛ dia ma la á pɛ: «Zakɔba!» Má a lɛ si, máa ma á ke.

Siin Giala 31:24

Ǹ kɔn pinaa tèlò-n, Lawa nə́ n din nyaa Siiriin giĩ Laban nɛ ka narɛɛ nɛ, á pɛ nɛ: «N din kũ, n nyan toa n sii kɔ́n zɛnaa Zakɔba-n wa.»

Siin Giala 31:29

Ma á boe la ma sii baraa zɛnaa ǹ nɛ. Sɛnɛ, n díin Lawa na á pɛ ma-n gunun tèlò-n mà man din kũ, ma baran màn kɔ́n zɛnaa n nɛ wa.

Suusun 29:1

Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Minin nimi 12:6

Dɛnaa Lawa nə́ n toa ǹ ganaa: – Ka n too kɔ masɛ a boo ganaa kəni: «Bɛ̀ Lawa a boo gii-dali mɛn tá ka bii, sii-nyaa gòã wuu li ni, masɛ Dɛnaa Lawa n toɛ, bɛ n masɛ doɛ̃. Narɛɛ dɔ gɔ́ɔ̃ nɛ, masɛ n boo diɛ nɛ.

Matiə 1:20

A bɛ́ bɛ lɛ a taasiɛ we, Dɛnaa a dia dí-a wole goon nə́ bɔ lon á n din nyaa nɛ ka narɛɛ nɛ, á pɛ nɛ: «Davida tɔrɔ Zozɛfu ganaa, n baran nyɛ́ɛ baa, n nə n piã ka Mariya a lɔbaa-n wa, a giala, Lawa a Yiri Fu pàã na á toa nɛ kɛ lɛ tá a gɔ́ɔ̃ nɛ.

Matiə 2:19

Erɔdi bɛ́ á gã, bɛ̀ Zozɛfu bɛ́ Ezipti, Dɛnaa a lon a dia dí-a wole goon nə́ n din nyaa nɛ ka narɛɛ nɛ,

Matiə 2:22

A bɛ́ á ma mà Arkelawusu nə ǹ di Erɔdi bǎã nɛ, Zudee gána a kii lɛa, bɛa bǎã lɛ a wo giãmanɛ a nyɛ́ɛ kũ. Lawa bɛ́ á wusoo á n gɔn waa nɛ ka narɛɛ kɔsɔ nɛ, á nɔmaa á dɛ a gòã nɛ yǎa Galilee gána nɛ,

Matiə 27:18

A giala Pilati dɔ̃ parsiini, mà foo a wuu pɛ na á toa ǹ nə́ Yezu wɔ asɛ gɔn.

Matiə 27:24

Pilati bɛ́ á dɔ̃, mà asɛ a die boe la a sii kɔ́n zɛnaa wa, mà màn nə́ tɔn miɛ zaman lɛ a lala diɛ li, á mu saa, á n gɔn pii zaman lɛ yɔrɔ-a, á pɛ: «Ma gòɛ̃ ba giĩ kɛ a gɛ̀ sii-n wa! Ka dinin mìi gɔ́ɔ̃ ǹ sii ni!»

Matiə 27:4

á pɛ ǹ nɛ: «Maa zɛ̀rɛ baãnaa kɔ ka la ke, má sii baraa zɛnaa!» Ǹ nə́ tɔ́n pɛ nɛ: «Wɔsɛn wàa n sii n bɛ nɛ? N din mìi gɔ́ɔ̃ ǹ sii ni!»

Luku 23:41

Wɔsɛn wɔ na a zii li le! Wɔsɛn man wɔa nya ǹ dí a mìi gɔ́ɔ̃ ǹ sii yii. Sɛnɛ, giĩ kɛ sii baraa kɔ́n zɛnaa wa.»

Luku 23:47

Sɔraasin goledɛnaa lɛ bɛ́ á bɛa sii kɛ lɛ yɛ, á Lawa guguru kɔ bɛ̀ á n pii: «Liere ba a-n wa, giĩ kɛ na á goã min pepere lɛa!»

Zaã a sɛ́wɔ 19:13

Pilati bɛa boon lɛn ma lɔn, á Yezu kũ á soo-n kanaa nɛ, á koa tán kiri kuru ǹ bǎã nɛ, ǹ bɛ́ ǹ mɛn bíi mà "kɔlɔ kaa kɔn la ǹ bǎã", *Ebrəə bɔlɔ nɛ mà "Gabaataa".

Nya ǹ dín 12:21

Ǹ lɛawaa mɛn bɔ, bɛ́ dɔ, Erɔdi ná a kii mɔnaan wɔ, á giã kii dankan nɛ, á boo dadaran diɛ zaman nɛ.

Nya ǹ dín 18:12

Galiɔn bɛ́ Grɛki gána mìi la ǹ mɛn waáraa, Zuifun nə́ kaa kun ǹ nə́ yoo Pooli gialaa. Ǹ nə́ kũ ǹ nə́ woo ne kiri wɔ ǹ bǎã nɛ.

Nya ǹ dín 18:16

Galiɔn nə́ ǹ loo á ǹ bɔ a yɔrɔ-a.

Nya ǹ dín 18:17

Ǹ tumaa yoo ǹ nə́ kaa lɛsɔkɔn kion goledɛnaa Sɔstɛnɛ la, ǹ nə́ dɛdɛ kiri-wɔlen lɛn yɔrɔ-a. Sɛnɛ, Galiɔn din baa sii lɛa wa.

Nya ǹ dín 25:10

Pooli pɛ: «Man Rɔmu a kii gole gole lɛ a kiri wɔ ǹ bǎã-n kɛnɛn, masɛ a kiri lɛ nə n kuri kànaa. Zuifun mɛnɛn bɛ́ kànaa ke, ma dɔ din yii bɛ́ a ganaa taãn-taãnɛ, ma màn kɔ́n la ǹ la wa.

Nya ǹ dín 25:17

Bɛ lɛ nɛ ǹ nə́ daa kànaa, man yii da wa, a lɛawaa gɔrɔ, má woo giã kiri wɔ ǹ bǎã nɛ, má pɛ máa ǹ da ka giĩ lɛ nɛ.

Nya ǹ dín 25:6

Fɛstusu a bele bɔ ǹ li Zeruzalɛmu kiwi kiɛ̃ lɛawaa kiwisi hinlaa fù kɛ miã la wa. A bɛ́ á dɔ Sezaaree lɔn gɔrɔ, a lɛawaa, á woo giã kiri-wɔlen bǎã nɛ, á pɛ mà ǹ da ka Pooli ni.

Piɛrɛ1 2:22

Asɛ sii baraa zɛnaa wa, boo kɔkɔrɔ kɔ́n bɔ a lɛ-n wa.

Zaã1 2:1

Maa nɛnyaanan lɛn, man sɛ́wɔ kɛ diɛ ka la, máa ka baran sii baraa zɛnaa wa. Sɛnɛ, ta min mɛn na á sii baraa zɛnaa dinin, min mɛn bɛ́ boo diɛ wɔ a lɛa wɔ Di Lawa li, bɛ tan, Yezu *Krita pepere kɛ nɛ.