Matiə 26:70 - LAWA A BOO SONBORE

⁷⁰ Sɛnɛ, Piɛrɛ ná a liere kɔ min tumaa yɔrɔ-a, á pɛ: «Masɛ din yii ba n boo lɛ a woo ǹ bǎã-a wa.»

LAWA A BOO SONBORE 2011

⁷⁰ Sɛnɛ, Piɛrɛ ná a liere kɔ min tumaa yɔrɔ-a, á pɛ: «Masɛ din yii ba n boo lɛ a woo ǹ bǎã-a wa.»

Matiə 26:70 ပူးပေါင်းရင်းမြစ်များ

Suusun 28:26

Min mɛn foo bɛ́ doa nɛ a din ganaa, yiriwɛɛnaa nɛ. Sɛnɛ min mɛn bɛ́ sii-dɔ̃lin giã we, á re kirisibiɛ baraa ganaa.

Suusun 29:23

Min mɛn bɛ́ n din gole koe, bɛa dɛnaa á re boɛɛn koe. Sɛnɛ, min mɛn bɛ́ n din boɛɛn koe bɛa dɛnaa tɔ á re boe.

Suusun 29:25

Nyɛ́ɛ n kan lɛa min kuĩ. Sɛnɛ, min mɛn bɛ́ n din sii we Dɛnaa Lawa gɔn, bɛa dɛnaa tamaamaa nɛ.

Izayii 57:11

Die na á goã nyɛ́ɛ gole diɛ n ganaa n soɛ bɔ ma nɛ, n yiri bɔ ka ma nɛ. N ba n yiri koɛ ma li doo wa? Man má goã n lɛ tiɛ̃ haalɛ bibi. Bɛ lɛ na á toa n ba ma guguru koe wa.

Zeremii 17:9

Màn kɔn ba baraa á dɔ minbuiin nɛ foo li wa. Min kɔn ba boe la a na a kaka kɔ wa, min kɔn ba doɛ̃ a nya wa.

Matiə 26:51

Min mɛnɛn bɛ́ kun ka Yezu ni, bɛn goon ná a gɔya sa bɔ, á yoo Lawa wúlu-bɔlen kiã a dí-nyali gialaa, a ná a too na, á bɔ a ganaa.

Matiə 26:56

Sɛnɛ, kɛ din tumaa na á n zɛnaa, màn mɛn bɛ́ toɛ, Lawa a boo gii-dalin nə́ màn mɛn kiɛ̃ Lawa a boo ne, bɛ lɛ lɛ pã.» Bɛa biikoo li, a kialandɛnan tumaa baa si ǹ nə́ toa walan.

Matiə 26:58

Piɛrɛ ná a din bii lui Yezu ganaa, á kɔ lɛ, yǎa Lawa a wúlu-bɔlen kiã a sumu-n ka kɔ̃. Á wɔ sumu-n, á giã tán kun ka dí-nyalin ni, n yii diɛ sii lɛ a giala nyɔmɔɔ ǹ gɔn la.

Matiə 26:69

Piɛrɛ na á goã giã-n tán kanaa sumu-n. Wúlu-bɔlen kiã a lɔn dí-nyali goon nə́ n zɔ̃ á dɔ a li, á pɛ nɛ: «Nsɛ kɛ dɔ goã kun ka Galileen giĩ Yezu kɛ lɛ nɛ.»

Matiə 26:71

Bɛ kio, á soo sumu-n á woo kiɛnlɛ-a. Lɔ dí-nyali kɔsɔ dɔ yɛ, min mɛnɛn bɛ́ walan, bɛ́ tɔ́n pɛ bɛn manɛ: «Kɛ dɔ́ goã kun ka Nazarɛtin Yezu lɛ nɛ.»

Luku 22:57

Sɛnɛ, Piɛrɛ ná a liere kɔ. Mà lɔ lɛ ganaa, mà asɛ a giĩ lɛ doɛ̃ wa.

Rɔmu minin 11:20

Sonbore ne. Maǹ nə́ ǹ kuru a giala, ǹ golee Lawa li wa. Nsɛ dɔ n doa nɛ, golee Lawa li barka nɛ. N baran toa din gole kɔ wɔ n foo-n wa. Sɛnɛ, nyɛ́ɛ baa Lawa nɛ.

Korɛnti1 10:12

Bɛa yɔrɔ kɛ lɛ la kəni, min mɛn bɛ́ taasɛ mà asɛ n golee-n lon, bɛ nə n doa a nyan toa a bɔ a mɛnaa wa.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»