Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiə 26:63 - LAWA A BOO SONBORE

63 Sɛnɛ, Yezu nə́ n lɛ tã. Wúlu-bɔlen kiã tɔ́n pɛ nɛ: «Ká Lawa yiikoonaa tɔ nɛ, bɛ̀ n din ni Minin Nyin-sili lɛa, bɛ̀ Lawa a Nɛgiĩ n ka n din lɛ nɛ, a pɛ wɔsɛn manɛ.»

အခန်းကိုကြည့်ပါ။ ကော်ပီ

LAWA A BOO SONBORE 2011

63 Sɛnɛ, Yezu nə́ n lɛ tã. Wúlu-bɔlen kiã tɔ́n pɛ nɛ: «Ká Lawa yiikoonaa tɔ nɛ, bɛ̀ n din ni Minin Nyin-sili lɛa, bɛ̀ Lawa a Nɛgiĩ n ka n din lɛ nɛ, a pɛ wɔsɛn manɛ.»

အခန်းကိုကြည့်ပါ။ ကော်ပီ




Matiə 26:63
42 ပူးပေါင်းရင်းမြစ်များ  

Kii lɛ wusoo á nɔ̀n da Misee la: «Ma doa nɛ ma n da liɛ ganaa gunyin gia? Ka Dɛnaa Lawa tɔ nɛ, Boo goon pɛ ma nɛ.»


Sɛnɛ, Akaabu pɛ nɛ: «Ma gunyin gia nə n diɛ liɛ ganaa máa n sonbore pɛ ma nɛ Dɛnaa Lawa wɔ lɛa!»


Ee Lawa, mu boro bɛ́ yuùn kuĩ lɔn, n dɔ sii n masɛ kuĩ miɛ̃.


Min mɛn bɛ́ n naɛ kɔn ka wurumu ni, a n mɛnɛɛ a din la, Lawa bíi mɛn bɛ́ a kio á bɛ doɛ̃, sɛnɛ a ba wurumu lɛ giala diɛ kanaa wa.


Ǹ nə́ fuu nyaa nɛ, ǹ ná a yii puusə kɔ sɛnɛ, á lɛ kɔ bɛ ganaa a lɛ n tumu, ka sère nɛ mɛn bɛ́ ǹ nə́ woe ne a dɛ ǹ bǎã nɛ, ka sère mɛn bɛ́ ǹ tá a ka kuri a lɛ n tumu.


Bɛ̀ min na á sii yɛ a yii ni, hinlaa a na á ma, bɛ kio, ǹ bɛ́ sii lɛ a kiri we, bɛ̀ a lɛ kɔ a ná a taãn pɛ wa, ǹ dɛnaa na á sii baraa zɛnaa. A din tá re n toɛ̃ ka a sii baraa a guĩ ni.


Simɔn mɛn tɔ bɛ́ Piɛrɛ, bɛ tɔ́n nə n toa: «Ma n Minin Nyin-sili lɛa, Lawa bɛ́ a pɛ mà asɛ á re ǹ mɛn lɛ diɛ, ma n Lawa yiikoonaa a Nɛ lɛa.»


Wúlu-bɔlen kiã tɔ́n yoo á pɛ Yezu ni: «Minin lɛn bɛ́ n gialaa ka boo mɛn nɛ, boo ba n lɛ-n, n tá ǹ lɛ sii-n wa?»


Bɛ kio, Lawa a wúlu-bɔlen goledɛnan laanka Zuifun goledɛnan kɔsɔn bɛ́ a zɛ̀rɛ biɛ, a boo kɔ́n da wa.


Sɛnɛ, Yezu na a lɛ si ka bɛ kɔ́n nɛ wa. Bɛ lɛ na á gánadɛnaa tɔwaa parsiini.


Maǹ nə́ goã pii ni: «N din mɛn bɛ́ mà nsɛ n die Lawa a Kion wurii, n wusoo n kɔsɔ dɔ lɛawaa sɔɔ gɔ́ɔ̃ nɛ, n din kirisibaa, bɛ̀ ma n Lawa a Nɛgiĩ lɛa sonbore, gisĩ n nə n bɔ dere ǹ gɔn ganaa kəni!»


N foo doa Lawa ganaa n pɛ, mà nsɛ n Lawa a Nɛgiĩ lɛa. Haya! Bɛ̀ Lawa lɛ a n narɛ kəni, a n kirisibaa sisia, wɔsɛn nə yɛ!»


Rɔmun sɔraasin goledɛnaa laanka sɔraasin mɛnɛn nə́ goã Yezu lɛduĩ, bɛn nə́ tán a bìn-diɛ lɛ yɛ, kun ka sii mɛn tumaa nə́ n zɛnaa, nyɛ́ɛ nə́ ǹ kũ parsiini, ǹ nə́ tɔ́n pɛ: «A na á goã Lawa a Nɛgiĩ lɛa sonbore!»


Da minin gɔ́ɔ̃ li wole lɛ tɔ́n nə́ n zɔ̃ á dɔ a li, á pɛ nɛ: «Bɛ̀ ń tá Lawa a Nɛgiĩ lɛa sonbore, a pɛ kɔlɔn kɛn manɛ, mà ǹ nə n bɔyaa ǹ nə n baa màn-bii lɛa.»


Sɛnɛ, Yezu nə́ n lɛ tã, a boo kɔ́n da wa. Lawa a wúlu-bɔlen kiã wusoo á nɔ̀n da la: «N din lɛ n Minin Nyin-sili lɛa? Lawa sonbore kɛa Nɛgiĩ nə n nɛ?»


Ma din yii na á Yiri Fu lɛ yɛ gisĩ la, bɛ lɛ n toɛ ma tá a siére pii máa giĩ kɛ lɛ, Lawa a Nɛgiĩ ni.»


Bɛ kio, Natanayeli tɔ́n pɛ Yezu ni: «Mìinaa, masɛ dɔ̃ sisia, máa ma n Lawa a Nɛ lɛa, máa ma n Izirayeli minin kii lɛa.»


Zuifun nə́ woo a lɛnpɛnɛ, ǹ nə́ pɛ nɛ mà a n die toɛ ǹsɛn nə n yii da miɛ̃ yǎa biĩ? Mà Minin Nyin-sili lɛ, mà bɛ̀ a din ni, mà a pɛ ǹsɛn manɛ foaãnɛ!


Sɛnɛ, Lawa bɛ́ á masɛ mɛn bɔ, á ma dia kanaa kɛ gɔ́ɔ̃ nɛ, a n siɛ lɔn ka tá pii, mà masɛ n Lawa tɔ ziziɛ̃, a giala, mà man má pɛ mà man Lawa a Nɛgiĩ lɛa?


Pilati tɔ́n pɛ nɛ mà a n kii lɛa le? Yezu ná a lɛ si: «N din nə pii mà man kii lɛa. Masɛ n má yɛ má daa sonbore nyaa kanaa gɔ́ɔ̃ nɛ. Min woo min tá sonborebaa ǹ zii tɔ we, bɛa dɛnaa nə n too koe masɛ a boo ganaa.»


Zuifun lɛn mà Pilati ganaa mà landa kɔ́n tá ǹsɛn lon, mà a kɔnpɛ ka bɛa landa kɛ lɛ nɛ, mà a doamaa-n ka gɛ̀ nɛ, a giala, mà a na á n din baa Lawa a Nɛgiĩ lɛa!


Á wusoo á woo wɔ kion doo á nɔ̀n da Yezu la mà asɛ kɛ lɛ, mà a n boe maa? Yezu na a lɛ si ka boo kɔ́n nɛ wa.


Sɛnɛ, ǹ mɛnɛn boo bɛ́ a nɛ, bɛn man nə́ n kiɛ̃ màn mɛn bɛ́ toɛ, ka waa la mà Yezu n Minin Nyin-sili lɛa, Lawa a Nɛgiĩ ni, ka bɛ dɔ nɛ, bɛ̀ ká waa la, ka yiikonaabaa taãn yɛ ka a din tɔ nɛ.


Wɔsɛn nə́ golee li, wɔ́ dɔ̃ dɔn, wáa Lawa din a dia dí-a wole sonbore nə n ne.»


Ǹ nə́ tɔ́n pɛ mà asɛ n die lɛa bɔrɔ? Yezu tɔ́n pɛ ǹ nɛ: «Masɛ bɛ́ boo mɛn lɛ pii ka nɛ baraabaraa, haalɛ a saa a giala kɔ waáraa ganaa, bɛ lɛ nɛ.


A giala masɛ nɛ, ka Silaasi laanka Timote ne, wɔ Lawa a Nɛ Yezu Krita mɛn boo laakalaa kaa piɛ, a bie á goã pii mà «Hiĩ», a da yaa «Haayii» na a gɔ́ɔ̃-n wa. Ka bɛ-n dinin, a na á goã Lawa a «Hiĩ» lɛa.


Maǹ nə́ goã sɔ kiɛ la, a ba a dòo koe wa. A bɛ́ fuu yii ke, a boo baraa da min-a wa, sɛnɛ, a na á goã a din a sii toɛ Lawa kiri pepere wɔle kɛ gɔn.


Izirayeli minin lɛn nə́ nɔmaa bɛa pinaa kɛ lɛ nɛ, a giala, Sayulu nə́ n liɛ á da ǹ bɔlɔ-a kɛnɛn: «Min mɛn bɛ́ re màn-bii we a lɛ-n, wasa ná a tɔn mɛn wa, masɛ n ma tɔn dòo bɔ maa zɔ́ɔn ganaa wa, koe die a bɔ bɛa dɛnaa ganaa.» A bɛ miɛ̃, min kɔn nə yɛ kun ka zaman lɛ nɛ, á màn boɛɛn wɔ a lɛ-n wa.


Sɔraasin lɛn bɛ́ ǹ nə́ wɔ daã lɛ nɛ ǹ mɛn waáraa, bɛ̀ zoo nyɔɔ lɛ á ke baa si tán a nɛ. Sɛnɛ, min kɔn gɔn wo a lɛ-a wa, a giala, zaman lɛ na á goã nyɛ́ɛ biɛ Sayulu a liɛ lɛ nɛ.


Zaman lɛ a min goon nə́ n toa Zonaatan ganaa kɛnɛn: «Táa n di na á liɛ wɔ, á da zaman lɛ bɔlɔ-a mà min mɛn bɛ́ re màn bii pelo, mà koe die a bɔ bɛa dɛnaa ganaa. A da yaa zaman lɛ dɔ n ke á goã nɔmaa nɛ.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ