Matiə 26:41 - LAWA A BOO SONBORE

⁴¹ Ka n yii toa koo, ka Lawa nyankɔ, màn mɛn bɛ́ toɛ, ka baran mɛnaa damagɔ́ɔ̃ li ǹ sii-n wa. Sii sonbore zɛnaa ǹ foo tá minbuiin nɛ lon, sɛnɛ, a zɛnaa ǹ pàã na a ba a lon wa.

LAWA A BOO SONBORE 2011

⁴¹ Ka n yii toa koo, ka Lawa nyankɔ, màn mɛn bɛ́ toɛ, ka baran mɛnaa damagɔ́ɔ̃ li ǹ sii-n wa. Sii sonbore zɛnaa ǹ foo tá minbuiin nɛ lon, sɛnɛ, a zɛnaa ǹ pàã na a ba a lon wa.

Matiə 26:41 ပူးပေါင်းရင်းမြစ်များ

Loen 119:1

Min mɛnɛn tɔ wɔ ǹ gɔn bɛ́ pepere, ǹ nə́ tɔ we á n kɔnpii ka Dɛnaa Lawa a landa boon kɛn nɛ, Lawa á re barka diɛ bɛn ganaa.

Loen 119:115

Min baraan lɛn, ka n yɔrɔ bɔyaa ka bɔ ma la, ma boo la ma maa Lawa a landa boon kɛn tamaa.

Loen 119:117

N dɔ ma lɛ, n ma kirisibaa. Ma á re n foo sii zɛnɛɛ biikoo tumaa li.

Loen 119:32

Man baa sii n dí-pɛn kɛn kio, a giala ń ma yiri bũ.

Matiə 24:42

Bɛ lɛ taman yii, ka n yii toa koo, a giala ka ba kaa Dɛnaa a daa pinaa doɛ̃ wa.

Matiə 25:13

Yezu tɔ́n pɛ ǹ nɛ: – Ka n yii toa koo, a giala, ka a bɛa pinaa doɛ̃ wa, ka ba a biikoo dɔ doɛ̃ wa.

Matiə 26:38

Á tɔ́n pɛ ǹ nɛ: «Foo-ziziɛ̃ n die masɛ dii. Ka giã tán kànaa, ka n yii toa koo kun ka masɛ nɛ.»

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Marki 14:38

Ka n yii toa koo, ka Lawa nyankɔ, màn mɛn bɛ́ toɛ, ka baran mɛnaa damagɔ́ɔ̃ li ǹ sii-n wa. Sii sonbore zɛnaa ǹ foo tá minbuiin nɛ lon, sɛnɛ, a zɛnaa ǹ pàã na a ba a lon wa.»

Luku 11:4

Wɔa sii baraan toa wɔ nɛ, a giala wɔ dɔn dininmaan tá wɔ miãn tumaa zɛ̀rɛn toɛ ǹ nɛ. Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa.»

Luku 21:36

Sɛnɛ, ka n yii dɔraa, ka Lawa nyankɔ biikoo tumaa waáraa, màn mɛn bɛ́ toɛ, pàã yɛ ka lon, ka n bɔ bɛa biɛ̃ ǹ siin kɛn lɛn nɛ, ka boo la ka golee biɛ̃ ka foo tãbaa nɛ Min a Nɛgiĩ yɔrɔ-a kiri kuru ǹ bǎã nɛ.»

Luku 22:40

Yezu bɛ́ á dɔ walan á pɛ ǹ nɛ mà ǹ Lawa nyankɔ, màn mɛn bɛ́ toɛ, ǹ nyan mɛnaa damagɔ́ɔ̃li ǹ sii gɔ́ɔ̃-n wa.

Luku 22:46

Á pɛ ǹ nɛ: «Wàa na á baa ka á nyuù we? Ka yoo ka Lawa nyankɔ, màn mɛn bɛ́ toɛ, ka nyan mɛnaa damagɔ́ɔ̃li ǹ sii-n wa.»

Luku 8:13

Min tɛnɛn dɔn man goon ka bǎã mɛn bɛ́, a tataã a sɔsɔɔ wa. Maǹ boo lɛ miɛ, ǹ si ka nyɛnyɛɛ nɛ. Sɛnɛ, ǹ ba toɛ boo lɛ giã ǹ wɔlɔ taãn yɛ ǹ foo-n wa. Ǹ golee Lawa li lɛ n biikoo boɛɛn kooro siɛ. Bɛa dɛnan lɛn, bɛ̀ sii kaka nə́ ǹ yɛ lɔn gɔrɔ, maǹ wusii ǹ golee Lawa li kio.

Rɔmu minin 8:3

Wɔa Lawa a dí-pɛn doɛ̃ kɛ bie toɛ wɔ n si sii baraa la wa, a giala, wɔ boo la wɔ bɛa dí-pɛn kɛn lɛn bɔlɔ si wa. Sɛnɛ, Lawa na á dí kɔsɔ nya wɔa kirisibaa ǹ wɔ lɛa. Sii baraa mɛn bɛ́ dùũ sii babaraan nɛ, á bɛ pàã nya. A na á ná a Nɛgiĩ dia bɛ lɛ zɛnɛɛ. Yezu lɛ dɔ na á daa ka minbuiin nɛ dùũ siin ni a lon. Asɛ a gɛ̀ barka nɛ, Lawa na á kiri kuru sii baraa la dùũ siin kɛn lɛn nɛ.

Korɛnti1 10:13

Ka damagɔ́ɔ̃li ǹ siin mɛnɛn yɛ, bɛn man nə́ n zɛnaa minbuiinin man miɛ̃ lɛlɛndun. Lawa n bɔlɔgoondɛnaa lɛa. A re toɛ damagɔ́ɔ̃li la ka pàã yii-n wa. A din tá re pàã koe ka la, ka boo la ka damagɔ́ɔ̃li lɛ si ka ganaa, ka tɔn pàã yɛ ka soo a nɛ.

Korɛnti1 16:13

Ka n yii dɔraa, ka goã doa-n sɔnbɔraa nɛ goleemali gɔ́ɔ̃ nɛ. Ka toa ka goã min kakan lɛa, ka foo n tã.

Korɛnti1 9:27

Man ma din gɔ̀nɔn kuĩ doɛ̃, ma ná a lɛduĩ kaka, ń giɛ, ma din nyan goã kooro, maa minin daraa kɛ kio wa.

Galaasi minin 5:24

Min mɛnɛn bɛ́ Yezu Krita wɔn lɛa, bɛn man nə́ ǹ gɔ̀nɔn foo sii kɛn dere gɔn ganaa, kun ka ǹ lɛ mui ǹ sii baraan nɛ.

Efɛɛzi minin 6:18

Ka bɛa sii lɛ tumaa zɛnaa Lawa nyankɔ gɔ́ɔ̃ nɛ, ka dɔmalɛ nyankɔ Lawa lon. Ka Lawa nyankɔ sii tumaa gɔ́ɔ̃ nɛ, Yiri Fu n ka nyɛɛnaan boe. A bɛ́ miɛ̃, ka goã ka gòãn la, ka n yii kaka kɔ, ka goã bɔlɔgoondɛnan lɛa ka wo ne. Ka Lawa nyankɔ Lawa a zaman min din tumaa a lɛa.

Piɛrɛ1 4:7

Màn din tumaa a giala-nyɔmiɛ biikoo diri. Ka ka dinin yiri kũ, ka n yii dɔraa, màn mɛn bɛ́ toɛ, ka boo la ka Lawa nyankɔ.

Piɛrɛ1 5:8

Ka n yii dɔraa, ka ka dinin kũ. Kaa zɔ́ɔ *Sɛtaan lɛ n kɔɔ̃nɛɛ, ka yàra wɔɔsaa-wɔle bɛ́ lɔn. A n giɛ, a bɛ́ re doe min mɛn-a a kũ.

Piɛrɛ2 2:9

Bɛ n nyɛɛ, mà Dɛnaa din lɛ kɔ min mɛnɛn ganaa min peperen lɛa, mà pàã tá a lon sonbore a bɛn bɔ fuu ni, sɛnɛ, a babaraan kɛn, a n bɛn koɛ á n die dɔlɔ boe ǹ ganaa kiri kurii pinaa.

Sii-nyaan 16:15

Á ke, Dɛnaa boo mɛn da: «Man die ka tɔwɛɛ ka wurumu wɔ bɛ́ lɔn. Min mɛn bɛ́ n yiri koɛ a din li, a ná a mɔnaan we, bɛa dɛnaa wɔ á bǐɛ̃ koe, a re woe ka a gɔ̀nɔn kooro ne, ǹ na a sìi yɛ kanaa wa.»

Sii-nyaan 3:10

A giala n nə́ n foo kũ, ń maa boo kɛ kũ doɛ̃. Bɛ lɛ nɛ, koe bɛ́ re boe kanaa tumaa ganaa biikoo mɛn li, a n fuu nyɛɛ ǹ nɛ, bɛa biikoo li, ma dɔ á re n lɛduĩ.