Matiə 26:28 - LAWA A BOO SONBORE

²⁸ kɛ n masɛ mà lɛa, á kaa minbuiin tumaa a lɛa, màn mɛn bɛ́ toɛ, Lawa nə ǹ sii baraan toa ǹ nɛ. A n nyɛɛ mà Lawa lɛ kɔ kɔn la wɔ ka minbuiinin ni.

LAWA A BOO SONBORE 2011

²⁸ kɛ n masɛ mà lɛa, á kaa minbuiin tumaa a lɛa, màn mɛn bɛ́ toɛ, Lawa nə ǹ sii baraan toa ǹ nɛ. A n nyɛɛ mà Lawa lɛ kɔ kɔn la wɔ ka minbuiinin ni.

Matiə 26:28 ပူးပေါင်းရင်းမြစ်များ

Zeremii 31:31

«Ǹ kɔn pinaa, man die lɛ kɔ kɔn la dii we ka Izirayeli minin laanka Zudaa minin ni. Dɛnaa Lawa a da ǹ boo ne.

Lawa a wúlu-bɔlen 17:11

A giala, màn yiikoonaa tumaa a yiikoonaabaa na a mà nɛ. Masɛ dɔ n má mà lɛ kɔ ǹ la, má ǹ nə ǹ dinin sii baraa sawaa ǹ wúlu bɔ nɛ, wúlu bɔ ǹ bǎã kɛ lalan. Mà lɛ n toɛ min a sii baraan nə n toa nɛ, a giala, yiikoonaabaa lɛ n mà nɛ.

Zakarii 9:11

Dɛnaa Lawa pɛ: «Maa lɛ kɔ kɔn la kɛ taman yii má wɔ kɔn ka ka nɛ, mà na a siére lɛa, min mɛnɛn bɛ́ kòso ne, nyankɔrɔ gole ne, mu ná a ba a-n wa, man die bɛn wɛɛ, ma ǹ kaa.

Matiə 20:28

Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Matiə 26:27

Bɛ kio, á duvɛ̃ saa paan nɛ, á barka da Lawa nɛ, á kɔ ǹ la, á pɛ ǹ nɛ: «Ka dinin tumaa mi,

Matiə 26:29

Man pii ka nɛ, sonbore: A kũ sisia ganaa, ma a bɛa duvɛ̃ lɛ mii doo wa, yǎa maa Díi *Lawa a kiibaa ǹ bǎã nɛ, ma bɛ́ re duvɛ̃ dii mii kun ka nɛ ǹ mɛn pinaa.»

Matiə 6:12

Wɔ zɛ̀rɛn toa wɔ nɛ, ka wɔ dɔn bɛ́ wɔ miãn wɔn toɛ ǹ nɛ lɔn.

Marki 1:4

Bɛa yɔrɔ kɛ lɛ la, ZAÃ daa diə gole ne, á goã *batɛmu diɛ minin ganaa, á goã pii ǹ ni: «Ka n taasɛ ka wusoo kaa sii baraan kio, ma batɛmu da ka ganaa, màn mɛn bɛ́ toɛ, Lawa kaa sii baraan toa ka nɛ.»

Marki 14:24

Yezu tɔ́n pɛ ǹ nɛ: «Masɛ mà n ka kɛ nɛ, á kaa minbuiin tumaa a kirisibaa a lɛa, á n nyɛɛ mà Lawa lɛ kɔ kɔn la wɔ ka minbuiinin ni.

Luku 22:19

Bɛ kio á buuru saa, a bɛ́ á barka da Lawa nɛ a ganaa á nya, á yiyiɛ kɔn á kɔ ǹ la, bɛ̀ a n pii: «Masɛ din gɔ̀nɔn nə ka kɛ nɛ, ma á koe kaa lɛa. Ka die ka bɛa sii kɛ lɛ zɛnaa masɛ kio, ka n yiri gisĩ masɛ nɛ.»

Luku 22:20

Màn-bii lɛ á nya kio, á duvɛ̃ dɔ saa paan nɛ á kɔ ǹ la, á pɛ: «Paan ke, masɛ din mà na a nɛ, á kaa kaa lɛa, a n lɛ kɔ kɔn la dii lɛa.»

Rɔmu minin 5:15

Sɛnɛ, Aadã laanka bɛa min kɛ lɛ ba goon yɔrɔ tumaa la wa. A giala, Lawa bǐɛ̃baa ǹ màn mɛn kɔ wɔ la kooro ke, bɛ á tɔtɔ ka Aadã a sii baraa kɛ nɛ. Aadã goon toto kɛ a Lawa bɔlɔ-tii a lɛa nɛ, minbuiin tumaa á giɛ̃. Sɛnɛ, Yezu Krita goon toto kɛ dɔ barka nɛ, Lawa bǐɛ̃ zɛnaa wɔsɛn tumaa nɛ á la yii ni.

Rɔmu minin 5:19

Min goon toto a bɔlɔ-tii a lɛa nɛ, min tumaa sii baraa-zɛnaali baa. Bɛa yɔrɔ lɛ la, min goon toto a bɔlɔ-sii a lɛa nɛ, min tumaa bii á re kɔɔ̃n koe kɔn ka Lawa nɛ.

Korɛnti1 11:25

A din yii goon ne, ǹ bɛ́ ǹ nə́ màn bii ǹ nə́ nya, á paan saa á pɛ: «Paan ke, masɛ din mà na a nɛ, a n lɛ kɔ kɔn la dii lɛa. Bɛ̀ ka á mii lɔn, ka n yiri koa ka masɛ din ni.»

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Kolɔɔsi minin 1:14

A Nɛgiĩ lɛ barka nɛ, á wɔ si sii baraa la, á wɔa sãn toa wɔ nɛ.

Kolɔɔsi minin 1:20

á tán laanka lon mànan tumaa bii kɔɔ̃n kɔ kɔn ka a din ni, a Nɛgiĩ lɛ barka nɛ. Lawa a Nɛgiĩ mà lɛ, á kaa dere ǹ gɔn ganaa, bɛ na á daa ka là nyantoro ne.

Ebrəə 10:29

Sɛnɛ, min mɛn bɛ́ Lawa a Nɛgiĩ kɛ puusə koe, á n giɛ Lawa a lɛ kɔ kɔn la ǹ mà kɛ lɛ ganaa sàn kɔ ǹ màn lɛa, mà mɛn bɛ́ a ná a yoreen kɔ, á n boo baraa diɛ Lawa a bǐɛ̃baa ǹ Yiri Fu kɛ ganaa, ka a taasɛ mà bɛ doamaa-n ka dɔlɔ baraa-n wa?

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Zaã1 2:2

A din na á n din baa *wúlu màn lɛa, ń giɛ, wɔsɛn sii baraan tá n toɛ wɔ nɛ. Wɔsɛn dininsɔɔ̃nɔn wɔn lɛa bie wa, sɛnɛ kanaa din tumaa wɔn lɛa nɛ.

Sii-nyaan 7:14

Má tɔ́n pɛ nɛ: «Giĩ gole, n din tá doɛ̃!» Á tɔ́n pɛ ma nɛ: «Maǹ boe damagɔ́ɔ̃li a fuu yɛ ǹ bǎã gole kɛ nɛ. Maǹ nə́ ǹ dɔnkɛn lɛn pii ka Sère Nɛ kɛ mà nɛ, ǹ nə́ fu kɔ.

Sii-nyaan 7:9

Bɛ kio, má zaman gole yɛ, min kɔ́n ná a boe la a tá ǹ nimii wa. Ǹ nə́ golee ǹ gòãn la, kii dankan kɛ yɔrɔ-a ka Sère Nɛ kɛ nɛ, mɔnaa fufun ni ǹ ganaa ka gɔ̀lɔ̀baa ǹ da luun nə́ ǹ gɔn. Maǹ zaman gigiã lɛa, ǹ nə́ boe gána tumaa nɛ, ǹ nə́ tɔrɔ tumaa lɛa, ǹ nə́ bɔlɔ totoro tumaa pii.