Matiə 26:27 - LAWA A BOO SONBORE

²⁷ Bɛ kio, á duvɛ̃ saa paan nɛ, á barka da Lawa nɛ, á kɔ ǹ la, á pɛ ǹ nɛ: «Ka dinin tumaa mi,

LAWA A BOO SONBORE 2011

²⁷ Bɛ kio, á duvɛ̃ saa paan nɛ, á barka da Lawa nɛ, á kɔ ǹ la, á pɛ ǹ nɛ: «Ka dinin tumaa mi,

Matiə 26:27 ပူးပေါင်းရင်းမြစ်များ

Loen 116:13

Ma á die mi ǹ màn koe, ma maa barka da Dɛnaa Lawa nɛ, maa kirisibaa kɛ taman yii.

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Loe kɔɔ̃n kɔɔ̃n 7:9

Má pɛ ma din gɔ́ɔ̃ nɛ: máa yǎa ma dii sèwo da kɛ la, man gɔn diɛ a nɛ ganaa. N nyɔn kɛn die n lùlùù kɔ ma gɔn, ka *rezɛ̃ da nɛ bɛ́ lɔn. Piɛ̃ mɛn bɛ́ soe n lɛ-n, bɛ gìĩn kɔɔ̃nɛ ka da nɛ kɔɔ̃n gìĩ bɛ́ lɔn.

Izayii 25:6

*Siɔn kele la, Dɛnaa Lawa Pàãyiidɛnaa á re màn-bii zɛnɛɛ tɔrɔn tumaa wɔ lɛa, siĩ nyɔɔnaa n la, ka duvɛ̃ kɔɔ̃n nɛ. Siĩ nyɔɔnaa basiɛ̃ n la ka duvɛ̃ sonbore ne.

Izayii 55:1

«Mu boro bɛ́ kasɛn mɛnɛn tumaa ganaa, ka daa! Mu á ke! Ka daa, ta wɔrɔ ba ka lon wa! Ka màn-bii pii ka bii, kooro ne! Ka daa, ta wɔrɔ ba ka lon wa, ka duvɛ̃ laanka bɔ̀nyaa pii!

Matiə 15:36

Bɛ kio, á buuru sɔbaa lɛ laanka zɔ̀ lɛ goa, á barka da Lawa nɛ, á ǹ yiyiɛ kɔn, á ǹ kɔ a kialandɛnan ma la, ǹ nə́ gii zaman lɛ nɛ.

Matiə 26:26

Ǹ bɛ́ màn bii, Yezu buuru saa, á barka da Lawa nɛ, á yiyiɛ kɔn, á kɔ a kialandɛnan la, á pɛ ǹ nɛ: «Ka si ka sɔ̃, masɛ din gɔ̀nɔn nɛ.»

Matiə 26:28

kɛ n masɛ mà lɛa, á kaa minbuiin tumaa a lɛa, màn mɛn bɛ́ toɛ, Lawa nə ǹ sii baraan toa ǹ nɛ. A n nyɛɛ mà Lawa lɛ kɔ kɔn la wɔ ka minbuiinin ni.

Luku 22:20

Màn-bii lɛ á nya kio, á duvɛ̃ dɔ saa paan nɛ á kɔ ǹ la, á pɛ: «Paan ke, masɛ din mà na a nɛ, á kaa kaa lɛa, a n lɛ kɔ kɔn la dii lɛa.»

Korɛnti1 10:16

Ka ga a ganaa: Wɔ bɛ́ mi ǹ màn barkadɛnaa mɛn mii, wɔ n barka diɛ Lawa nɛ, bɛa wɔ kiɛ kun ka Krita mà kɛ-n ma? Wɔ bɛ́ buuru barkadɛnaa mɛn tatalɛ kɔn bɛ̀ wɔ sɔ̃, bɛa wɔ kiɛ kun ka Krita gɔ̀nɔn nɛ wa?

Korɛnti1 11:28

Didie tumaa golee a dinmaa li taãnɛ, a tɔn buuru kɛ sɔ̃ a màn mi paan kɛ nɛ.