Matiə 25:40 - LAWA A BOO SONBORE

⁴⁰ Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

LAWA A BOO SONBORE 2011

⁴⁰ Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

Matiə 25:40 ပူးပေါင်းရင်းမြစ်များ

Samayeli2 9:1

Ǹ kɔn pinaa, Davida nɔ̀n da: «Min tá tɔn yii Sayulu a kion a yii n koo má n boe la ma bǐɛ̃ zɛnaa nɛ, Zonaatan taman yii?»

Samayeli2 9:7

Davida tɔ́n pɛ nɛ: «N baran nyɛ́ɛ goon baa wa. Man giɛ li ma bǐɛ̃ zɛnaa n nɛ, n di Zonaatan lɛ taman yii. Bǎã mɛn tumaa bɛ́ n digolo Sayulu wɔ lɛa, man die wusii ma bɛ tumaa kɔ n la. N dinmaa kɛ n die màn bii kun ka masɛ nɛ biikoo tumaa li.»

Kiin2 4:10

Toa wɔ waa ǹ kion boɛɛn dɔ kalan, wɔ piì da a nɛ, tabala nɛ, dankan nɛ, bólon da ǹ bǎã nɛ, Yiliizee wɔ lɛa, màn mɛn bɛ́ toɛ, bɛ̀ á daa wɔ li, a boo la a giã walan.»

Suusun 14:31

Min mɛn bɛ́ mɛnɛɛ doobaa la, a n sɔ koe a zɛnaali ganaa. Sɛnɛ, doobaa makara bɛ́ boe min mɛn ganaa, bɛ n gugurubaa koe la.

Suusun 19:17

Min mɛn bɛ́ doobaa goe, a n giɔ̀mɔ diɛ Dɛnaa Lawa ganaa. Dɛnaa Lawa á re sarɛɛ.

Zeremii 39:17

Sɛnɛ, bɛa biikoo lɛ li, ma á re n kanbiɛ, ma din Dɛnaa Lawa a da ǹ boo ne. N bɛ́ nyɛ́ɛ biɛ min mɛnɛn manɛ, ma a re n we ǹ gɔn wa.

Matiə 10:40

Bɛ̀ min mɛn nə́ ka kũ doɛ̃ bɛa dɛnaa na á masɛ kũ doɛ̃; bɛ̀ min mɛn masɛ kũ doɛ̃ bɛa dɛnaa na á masɛ a dia wole kũ doɛ̃.

Matiə 10:42

Masɛ n pii ka nɛ, sonbore, bɛ̀ min mɛn nə́ mu nyantoto kɔ masɛ a kialandɛnan kɛn kiɛɛrɛdɛnaa mɛn la á mi, masɛ a kialandɛnaabaa lɛ taman yii, haalɛ ta paan yii goon ne, bɛa dɛnaa á die a saraa yii.

Matiə 18:10

«Ka n dinin kũ, ka nyan toa ka golee masɛ li wole tiin kɛn kɔn yii puusə kɔ wa. A giala masɛ n pii ka nɛ, ǹ lon a dia dí-a wolen tá n toɛ̃ ka ǹ mìi gɔ́ɔ̃ ǹ sii ni baraabaraa masɛ Di lon a Lawa yɔrɔ-a. [

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Matiə 25:39

Wɔsɛn man wɔ́ n yɛ biĩ, n nə́ n ba lon wa, hinlaa n nə́ kòso-n, wɔ́ woo n yii kɔ n ganaa?»

Matiə 25:45

Kii lɛ á die ǹ lɛ sii kɛnɛn: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa masɛ dɔɔ̃nɔn kɛn kɔ́n nɛ wa, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ dinmaa lɛ-n wa.»

Matiə 28:10

Yezu tɔ́n pɛ ǹ nɛ: «Ka baran nyɛ́ɛ baa wa. Ka wo pɛ ma dɔɔ̃nɔn manɛ, mà ǹ wo Galilee gána nɛ, ǹ tá re die masɛ yiɛ walan.»

Marki 9:41

Min mɛn bɛ́ re mu sii paan din ni kooro a kɔ ka la a giala mà ka ǹ masɛ wɔn lɛa, man pii ka nɛ sonbore ne, ǹ dɛnaa ba re foɛ̃ a saraa li wa.

Luku 19:38

Maǹ nə́ goã pii kɛnɛn: «Kii ke die ka Dɛnaa tɔ nɛ, Lawa barka wɔ bɛ nɛ! Là nyantoro tá lon, gugurubaa goã lon a Lawa gole wɔ lɛa!»

Zaã a sɛ́wɔ 20:17

Yezu tɔ́n pɛ nɛ: «N baran n gɔn paraa masɛ ganaa wa! A giala, ma bie zii la woe maa Díi li bɔrɔ wa. Sɛnɛ, wo pɛ ma dɔɔ̃nɔn manɛ mà ma á re dii ma wo maa Díi li kəni, ǹ mɛn lɛ bɛ́ ka dɔn Díi lɛa, ma á re woe Lawa li kəni, ǹ mɛn lɛ bɛ́ ka dɔn Lawa lɛa.»

Rɔmu minin 8:29

A giala, Lawa din bɛ́ á saa lɛlɛ á min mɛnɛn bɔ, a din na á bɛn kaa ǹ gɔrɔn. A na á ǹ baa a Nɛgiĩ a kɔnboen lɛa, ǹ nə́ ǹ diɛ̃n lɛa, màn mɛn bɛ́ toɛ, Nɛgiĩ lɛ goã gole ǹ bii.

Korɛnti2 4:5

Sonbore, bɛ̀ ma á boo laakalɛɛ, ma bie ma din boo diɛ wa: Yezu Krita mɛn bɛ́ Dɛnaa lɛa, man bɛ boo diɛ ka nɛ. Masɛ n kaa dí-nyali dinsɔɔ̃ lɛa Yezu taman yii.

Galaasi minin 5:13

Kasɛn wɔ paǹ li, ma dɔɔ̃nɔn lɛn, Lawa na á kasɛn bíi mà ka goã ka gɔn wìi a lɛa. Sɛnɛ, ka bɛ́ ka dinin gɔn wìi a lɛa ke, ka nyan taasɛ, mà ka á boe la ka sii tumaa zɛnaa kanna, a kɔnpɛ ka ka gɔ̀nɔn foo siin kɛn nɛ wa. Sɛnɛ, ka n dɔ kɔn lɛ ka kɔn-narɛɛ nɛ.

Galaasi minin 5:22

Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Efɛɛzi minin 5:30

A giala, wɔ na a gɔ̀nɔn lɛ a gùn lɛa.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Zaã1 4:20

Bɛ̀ min pɛ, mà asɛ á Lawa narɛ, ǹ dɔɔ̃n dɔ tìĩ n boe-n a nyin ni, soɛ-bɔle ne. Lawa mɛn bɛ́ a yii ba a ganaa wa, a boe la a bɛ narɛ, bɛ̀ ǹ dɔɔ̃n mɛn bɛ́ a yii ná a ganaa, bɛ̀ a ná a bɛ narɛ wa.

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»

Sii-nyaan 19:16

Ǹ nə́ tɔ kiɛ̃ a dɔnkɛ ganaa ka a gisi goon ne kɛnɛn: «Kiin Kii, dɛnaan Dɛnaa.»