Matiə 25:36 - LAWA A BOO SONBORE

³⁶ Ma gɔ̀nɔn kooro bɛ́ á goã, ka mɔnaa wɔ ma ganaa. Ma bɛ́ ma goã lon wa, ka ga ma walan. Ma bɛ́ má goã kòso-n, ka daa n yii kɔ ma ganaa.»

LAWA A BOO SONBORE 2011

³⁶ Ma gɔ̀nɔn kooro bɛ́ á goã, ka mɔnaa wɔ ma ganaa. Ma bɛ́ ma goã lon wa, ka ga ma walan. Ma bɛ́ má goã kòso-n, ka daa n yii kɔ ma ganaa.»

Matiə 25:36 ပူးပေါင်းရင်းမြစ်များ

Izayii 58:7

Ka kaa màn-bii gii kɔn ka bòonaa nɛ, ka kiɛnlɛ bũ doobaan manɛ, ǹ mɛnɛn kion bɛ́ a banban ka mɔnaa wɔ mɔnaa wɛɛnaa ganaa, ka nyan nə n dɔ̀ɔ̃ wɔ ka dɔɔ̃n nɛ wa.

Ezekieli 18:16

A mɛnɛɛ min kɔn la wa, a nɔmɛ giɔ̀mɔ lɛ koa ǹ màn ganaa wa, a wurumu biɛ wa. A n màn-bii koe bòonaa la, a n mɔnaa koe gɔ̀nɔn kooro-a lɛ.

Ezekieli 18:7

A mɛnɛɛ min la wa, a n giɔ̀mɔ lɛ koa ǹ màn koe giɔ̀mɔ-saali la, a wurumu biɛ wa. Bòo bɛ́ min mɛn ganaa, a n màn-bii koe bɛ la, min mɛn gɔ̀nɔn kooro bɛ́ nɛ, a n mɔnaa koe bɛ la.

Ezekieli 34:4

Tɔɔn mɛnɛn pàã bɛ́ á nya, ǹ màn-bii kɔ bɛn la ǹ nə́ pàã yɛ wa. Ǹ mɛn bɛ́ busulə lɛa, ǹ dagòã bɔ bɛ-n wa. Ǹ mɛn gòã bɛ́ á yiɛ, ǹ màn yii bɛ gòã ganaa wa. Ǹ mɛn bɛ́ á n na, ǹ bɛ loo ǹ nə́ daa-n wa. Ǹ mɛn papaã, ǹ wo ga bɛ li ǹ nə́ daa-n wa. Sɛnɛ, maǹ nə́ ǹ lɛduə̃ ka kakaarɛbaa nɛ, ǹ nə́ bɔ ǹ yii ni.

Matiə 25:37

Lawa bɔlɔ-silin lɛn man die pii ni bɛa biikoo li: «Dɛnaa, wɔsɛn man wɔ́ n yɛ biĩ bòo nə́ n ganaa, wɔ́ màn kɔ la n bii, mu boro nə́ n ganaa, wɔ́ mu kɔ n la n mi?

Matiə 25:43

Má goã tii lɛa, ka ma bíi kaa piɛ wa. Ma gɔ̀nɔn kooro bɛ́ á goã, ka mɔnaa wɔ ma-a wa. Ma bɛ́ ma goã lon wa, ka bɛ dɔ nɛ, ma bɛ́ má goã kòso-n, ka da ǹ yii kɔ ma-a wa.»

Luku 3:11

Á tɔ́n pɛ ǹ nɛ: – Bɛ̀ wɔ ǹ dɔnkɛ màn paa tá min mɛn lon, a bɛ́ a ba min mɛn lon wa, a goon kɔ bɛa dɛnaa la. Bɛ̀ màn-bii tá min mɛn lon, a dɔ gii kɔn ka a támalonbaã wole ne.

Nya ǹ dín 20:35

Sii din tumaa gɔ́ɔ̃ nɛ, má nyaa ka nɛ máa min nə siĩni a nɔmaa miɛ̃, a tɔn nə n dɔ doobaan lɛ, bɛ̀ a yiri n Yezu din a boo kɛ nɛ: «Nyɛnyɛɛ tá màn kɔ min la nɛ á la min a màn kɔmala nɛ.»

Ebrəə 10:34

Sonbore, ká kaa wɔ gii yɛ kòso nɛn fuu ni. Ǹ nə́ ka gɔn mànan si ka la, ká lɛ kɔ bɛa mànan kɛn lɛn woo ganaa ka nyɛnyɛɛ nɛ, a giala, ká dɔ̃ mà naforo sonbore nyabaã wolen tá ka lon.

Ebrəə 13:3

Ka n yiri kɔ ka kòso nɛn nɛ, ka n pɛ mà ka dɔn man kòso-n kunun ǹ ni. Ka n yiri kɔ nɔmaa-wɔlen kɛn dɔn nɛ, a giala, ka tá ǹ sii giala miɛ.

Zaaki 1:27

Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.