Matiə 25:35 - LAWA A BOO SONBORE

³⁵ A giala, bòo na á ma kũ, ka màn-bii kɔ ma la ma bii. Mu boro na á ma kũ, ka mu kɔ ma la má mi. Má goã tii lɛa, ka ma kũ doɛ̃ kaa kion.

LAWA A BOO SONBORE 2011

³⁵ A giala, bòo na á ma kũ, ka màn-bii kɔ ma la ma bii. Mu boro na á ma kũ, ka mu kɔ ma la má mi. Má goã tii lɛa, ka ma kũ doɛ̃ kaa kion.

Matiə 25:35 ပူးပေါင်းရင်းမြစ်များ

Kiin1 17:11

Lɔ giɔɔrɔ lɛ woo mu lɛ si. Yilii lɛ dia la doo á pɛ nɛ: «Bǐɛ̃ kɔ n wo ga màn-bii kɔn li, n da kɔ ma la.»

Zɔbu 31:32

Tii goã lɛ wɛɛ kanaa maa kiɛnlɛ-a wa, man má goã maa kiɛnlɛ buĩ zii tɔ-wɔlen manɛ.

Suusun 14:21

Min mɛn bɛ́ ǹ miãn pɔpɔsɛ, a n sii baraa zɛnɛɛ. Min mɛn bɛ́ din boɛɛn kɔ wolen tá kɔɔ̃n a ganaa, bɛ n min foo kɔɔ̃naa lɛa.

Suusun 14:31

Min mɛn bɛ́ mɛnɛɛ doobaa la, a n sɔ koe a zɛnaali ganaa. Sɛnɛ, doobaa makara bɛ́ boe min mɛn ganaa, bɛ n gugurubaa koe la.

Suusun 19:17

Min mɛn bɛ́ doobaa goe, a n giɔ̀mɔ diɛ Dɛnaa Lawa ganaa. Dɛnaa Lawa á re sarɛɛ.

Suusun 22:9

Min mɛnɛn bɛ́ bǐɛ̃ biɛ, barka nə ǹ ganaa, a giala maǹ doobaa toe.

Suusun 25:21

Bɛ̀ bòo tá n zɔ́ɔ ganaa, màn-bii kɔ la a bii. Bɛ̀ mu boro tá a ganaa, n mu kɔ la a mi.

Ezekieli 18:16

A mɛnɛɛ min kɔn la wa, a nɔmɛ giɔ̀mɔ lɛ koa ǹ màn ganaa wa, a wurumu biɛ wa. A n màn-bii koe bòonaa la, a n mɔnaa koe gɔ̀nɔn kooro-a lɛ.

Ezekieli 18:7

A mɛnɛɛ min la wa, a n giɔ̀mɔ lɛ koa ǹ màn koe giɔ̀mɔ-saali la, a wurumu biɛ wa. Bòo bɛ́ min mɛn ganaa, a n màn-bii koe bɛ la, min mɛn gɔ̀nɔn kooro bɛ́ nɛ, a n mɔnaa koe bɛ la.

Misee 6:8

E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Matiə 25:40

Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

Matiə 26:11

A giala, doobaan tá kun ka nɛ biikoo tumaa li, sɛnɛ, ka a re masɛ yii kun ka nɛ biikoo tumaa li wa.

Marki 14:7

A giala, doobaan tá kun ka nɛ biikoo tumaa li, bɛ̀ ka á li ka bǐɛ̃ zɛnaa ǹ nɛ ǹ mɛn pinaa, ka á boe la ka zɛnaa ǹ nɛ. Sɛnɛ, masɛ bie re goɛ̃ kun ka-n miɛ̃ wa.

Luku 11:41

Bɛ̀ ka tá kaa paanan laanka kaa kununun lɛn gɔ́ɔ̃gɔ́ɔ̃ ǹ mànan koe doobaan la, kaa màn din tumaa á die yoreen koe: Kaa paanan nɛ, kaa kununun ni, ka ka dininmaan foon dɔn nɛ.

Zaã a sɛ́wɔ 13:29

Ǹ wɔrɔ màn bɛ́ á goã Zudaasi din gɔn, bɛ lɛ nɛ, ǹ tɛn goã taasɛ, mà Yezu na á pɛ nɛ mà a wo ǹsɛn laadoo màn pii zɔ́n lɛ taman yii, hinlaa, mà a màn kɔ́n kɔ doobaan la.

Nya ǹ dín 10:31

Á pɛ ma-n kɛnɛn: «Nsɛ Kɔrnɛyi, Lawa nə́ n nyankɔ lɛ yɛ ka n bǐɛ̃ zɛnaan kɛn nɛ doobaan manɛ.

Nya ǹ dín 11:29

Lawa-nyankɔlen lɛn Antiɔsi kiwi, ǹ nə́ da kɔn nɛ mà ǹsɛn dɔɔ̃nɔn mɛnɛn bɛ́ Zudee gána nɛ, mà ǹsɛn man die màn boboe a kɔnpɛ ka didie pàã nɛ, ǹsɛn nə dia bɛa dɔɔ̃nɔn lɛn la.

Nya ǹ dín 16:15

A din laanka a kiondɛnan bɛ́ ǹ nə́ *batɛmu yɛ, á pɛ wɔ nɛ: «Ka dinin bɛ́ giɛ a ganaa, masɛ golee Dɛnaa li, ka da giã masɛ a piɛ.» Á n laa wɔ ganaa yǎa wɔ́ lɛ kɔ.

Nya ǹ dín 4:32

Minbuiin gigiã mɛn din tumaa golee Lawa li, bɛn gɔ́ɔ̃n laanka ǹ taasiɛn man nə́ goã goon, ǹ kɔ́n dɔ goã giɛ a din gɔn màn kɔn-a a din wɔ lɛa wa, sɛnɛ, ǹ tumaa na á goã ǹ gɔn màn yii kiɛ kun.

Rɔmu minin 12:13

Ka n doa ka Lawa-nyankɔlen laadoo bǐɛ̃ kɔ, ka tiin kũ doɛ̃ sɔnbɔraanɛ.

Rɔmu minin 12:20

Lawa a boo n pii dɔn: «Bɛ̀ bòo tá n zɔ́ɔ ganaa, màn kɔ la a bii, bɛ̀ mu boro tá a ganaa, mu kɔ la a mi. A giala, bɛ̀ n tá zɛnɛɛ miɛ̃, a n goon ka ma n sìi diɛ a ganaa!»

Rɔmu minin 16:23

Gayusu mɛn bɛ́ masɛ laanka Lawa a sɔmɔ minin tumaa a zaàtiingiĩ lɛa, bɛ á fòo diɛ ka nɛ. Kiwi lɛ a wɔrɔ-koali Erasti á fòo diɛ ka nɛ, ka wɔ dɔɔ̃n Kartusu dɔ nɛ.

Efɛɛzi minin 4:28

Bɛ̀ min mɛn tá wurumu biɛ, a wurumubaa lɛ da, a dí nya ka a din gɔnɔn nɛ, a n din too ne peperebaa la, a màn yɛ a doobaan dɔn gɔ.

Timote1 5:10

Yǎa a tɔ goɛ̃ boe-n sii sonbore zɛnaa gɔ́ɔ̃ nɛ, a goã a ná a nɛnyaanan too sɔnbɔraanɛ. Min mɛnɛn bɛ́ die a piɛ a bɛn kũ doɛ̃, á n din gisĩ ǹ dí nyɛɛ Lawa a minin manɛ, a nə́ n doe nɔmaa-wɔlen lɛ, á n sii sonbore tɔrɔ tumaa zɛnɛɛ.

Filemɔn 1:7

Ma dɔɔ̃n-giĩ Filemɔn, n dɔɔ̃nɔn narɛɛ lɛ foo kɔɔ̃nbaa gole laanka foo tãbaa sonbore kɔ ma la. Bɛa kɔn-narɛɛ lɛ na á dɔɔ̃nɔn lɛn tumaa foo kɔɔ̃n kɔ.

Ebrəə 13:16

Ka yiri baran bɔ bǐɛ̃ zɛnaa kɔn nɛ laanka dɔkɔnlɛ-n wa. A giala, bɛ miã siin lɛn zɛnaa á kɔɔ̃n Lawa ganaa, maǹ ka wúlu mànan bɛ́ lɔn.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

Zaaki 1:27

Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.