Matiə 25:21 - LAWA A BOO SONBORE

²¹ A mìinaa tɔ́n pɛ nɛ: «Á siĩni, dí-nyali sonbore, bɔlɔgoondɛnaa. Ma n nə́ n bɔlɔgoondɛnaa baa sii boɛɛn nɛ, bɛ lɛ taman yii, masɛ á die n koɛ sii gole mìi la. Da n nyɛnyɛɛ kun ka masɛ nɛ.»

LAWA A BOO SONBORE 2011

²¹ A mìinaa tɔ́n pɛ nɛ: «Á siĩni, dí-nyali sonbore, bɔlɔgoondɛnaa. Ma n nə́ n bɔlɔgoondɛnaa baa sii boɛɛn nɛ, bɛ lɛ taman yii, masɛ á die n koɛ sii gole mìi la. Da n nyɛnyɛɛ kun ka masɛ nɛ.»

Matiə 25:21 ပူးပေါင်းရင်းမြစ်များ

Suusun 14:35

Dí-nyali yiridɛnaa n kɔɔ̃n kii ganaa. Sɛnɛ min mɛn bɛ́ sìi diɛ a ganaa, a foo n yui bɛ li.

Suusun 28:20

Barka n die n diɛ bɔlɔgoondɛnaa ganaa. Sɛnɛ, min mɛn bɛ́ n nanaɛ̃ mà asɛ pàãma baa, ǹ ta re dɔlɔ diɛ a mìi ni ǹ kɔn pinaa.

Matiə 24:45

Dí-nyali mɛn nə yiridɛnaa lɛa, á n bɔlɔgoondɛnaa dɔ lɛa? Ǹ mɛn bɛ́ a dɛnaagiĩ bɔ a koa ǹ miã dí-nyalin mìi la bɛ̀ a bɛ́ re woe zii ni, mà a ga ǹ walan, bɛ̀ a màn-bii kɔ ǹ la a biikoo li.

Matiə 24:47

Masɛ n pii ka nɛ, sonbore: A dɛnaagiĩ lɛ á die koɛ a gɔn màn din tumaa mìi la.

Matiə 25:23

A mìinaa tɔ́n pɛ nɛ: «Á bǐɛ̃ kɔ, dí-nyali sonbore, bɔlɔgoondɛnaa. Ma n nə́ n bɔlɔgoondɛnaa baa sii boɛɛn nɛ, bɛ lɛ taman yii, ma á die n koɛ sii gole mìi la. Da n nyɛnyɛɛ kun ka masɛ nɛ.»

Matiə 25:46

Bǎã mɛn bɛ́ a nɔmaa ná a ba nyɛɛ wa, bɛn tá re woe walan, min peperen tá re nyin nyabaã yii.

Luku 12:44

Masɛ n pii ka nɛ sonbore, dɛnaagiĩ lɛ á die bɛa dí-nyali lɛ koɛ a gɔn màn din tumaa mìi la.

Luku 16:10

«Bɛ̀ min mɛn tá foo doa ǹ min lɛa sii boɛɛn gɔ́ɔ̃ nɛ, bɛa dɛnaa n foo doa ǹ min biɛ sii gole dɔ gɔ́ɔ̃ nɛ. Bɛ̀ min mɛn ba foo doa ǹ min lɛa sii boɛɛn gɔ́ɔ̃-n wa, Ǹ dɛnaa ba foo doa ǹ min biɛ sii gole dɔ-n wa.

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Zaã a sɛ́wɔ 14:3

Bɛ̀ má woo bǎã zɛnaa má koa ka nɛ, ma á re wusii ma daa, ma ka goa ma wo ka nɛ ma din li, màn mɛn bɛ́ toɛ, ma bɛ́ bǎã mɛn nɛ, ka dɔn nə goã walan.

Zaã a sɛ́wɔ 17:24

Maa Díi, n min mɛnɛn kɔ masɛ la, ma din bɛ́ re goɛ̃ bǎã mɛn nɛ, man giɛ li, ǹ dɔn nə goã walan kun ka masɛ nɛ. N din gugurubaa mɛn kɔ masɛ la, ǹ bɛ yɛ, a giala, ń masɛ narɛ, haalɛ bɛ̀ kanaa tɔn nə n zɛnaa wa.

Rɔmu minin 2:29

Gɔ́ɔ̃ wɔ n min biɛ Zuifu taãn lɛa, kurii n boe foo li, Lawa a Yiri Fu barka nɛ, sɛnɛ Lawa a boo kiɛ̃ kɛ dinsɔɔ̃ barka bie wa. Bɛa Zuifu taãn kɛ a tɔ bɔ bie boe minbuiinin li wa sɛnɛ, a n boe Lawa li.

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Korɛnti2 10:18

Ka boo taãn nɛ, min mɛn bɛ́ n din laakalɛɛ, ǹ dɛnaa a tɔ sonbore yii wa, sɛnɛ, Dɛnaa bɛ́ min mɛn laakalɛɛ, bɛ n tɔ sonbore yii.

Korɛnti2 5:9

Sɛnɛ, ta ma tá ma gɔ̀nɔn kɛ nɛ, ta ma ba a-n wa, man giɛ li, máa ma a din foo sii zɛnaa màn tumaa nyɛɛnɛ.

Filipi minin 1:23

Bɛa sii màn paa kɛ n ma yiri baɛ̃ kɔn. Man taasɛ máa man bɔ yiikoonaabaa kɛ nɛ, ma wo giã kun ka Krita nɛ, bɛ n kɔɔ̃n ma ganaa á la a yii ni.

Timote1 3:13

A giala, min mɛnɛn bɛ́ Lawa a sɔmɔ dí nyɛɛ sɔnbɔraanɛ, bɛn tá re gugurubaa yii, ǹ boo la ǹ boo da ka foo tãbaa gole ne, wɔa golee Yezu *Krita li gɔ́ɔ̃ nɛ.

Timote2 2:12

Bɛ̀ wɔ́ nɔmaa si wɔ ganaa, wɔ á re kii biɛ kun ni. Bɛ̀ wɔ́ n piã nɛ, a dɔ á re n piɛ̃ ka wɔ dɔn nɛ.

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Sii-nyaan 2:10

Boɛɛnɛ, Sɛtaan lɛ á re n diɛ ka gɔ́ɔ̃ li. A n die kaa min tɛnɛn kuĩ a ǹ zũ kòso-n. Ka á re fuu yii lɛawaa fù gɔ́ɔ̃ nɛ. Bɛa fuu kɛ lɛ nyan nyɛ́ɛ da n ganaa wa. Goã bɔlɔgoondɛnaa lɛa haalɛ ta a n doe n gɛ̀ ganaa. Ma á re nyin nyabaã koe n la, ka a gɔ̀lɔ̀baa ǹ kii bafolo lɛa.

Sii-nyaan 21:7

Min mɛnɛn bɛ́ re gɔ̀lɔ̀baa yii, ma din nə die bǐɛ̃ kɛ biɛ ǹ nɛ, ma á re ǹ Lawa biɛ, ǹ dɔn tá re n biɛ maa nɛnyaanan lɛa.

Sii-nyaan 3:21

«Min mɛn bɛ́ re gɔ̀lɔ̀ biɛ, ma á re lɛ koe la, a giã kun ma nɛ maa kii dankan nɛ, ka ma dɔ bɛ́ má gɔ̀lɔ̀baa yɛ, má woo giã maa Díi li a kii dankan nɛ lɔn.

Sii-nyaan 7:17

A giala, Sère Nɛ mɛn bɛ́ golee-n kii dankanan kɛn bii, bɛ á re ǹ lɛduĩ, á re woe ǹ ne yiikoonaabaa ǹ mu yala lɛa. Lawa á re ǹ yii mu tumaa tuturi a bɔ ǹ yɔrɔ nɛ.»