Matiə 25:10 - LAWA A BOO SONBORE

¹⁰ Baãnaan lɛn bɛ́ nyɔɔ pii ǹ bǎã nɛ, lɔ tii ǹ zuũ lɛ daa ǹ kio. Nɛniɛ sooro mɛn bɛ́ ǹ nə́ n yii toa koo, bɛn nə́ kaa kun ni kɔn wɔ ǹ kion, ǹ nə́ kiɛnlɛ kũ ǹ nə́ sɔɔ.

LAWA A BOO SONBORE 2011

¹⁰ Baãnaan lɛn bɛ́ nyɔɔ pii ǹ bǎã nɛ, lɔ tii ǹ zuũ lɛ daa ǹ kio. Nɛniɛ sooro mɛn bɛ́ ǹ nə́ n yii toa koo, bɛn nə́ kaa kun ni kɔn wɔ ǹ kion, ǹ nə́ kiɛnlɛ kũ ǹ nə́ sɔɔ.

Matiə 25:10 ပူးပေါင်းရင်းမြစ်များ

Siin Giala 7:16

A tɔrɔ tumaa, a sà laanka ǹ dan na á goã we, ka Lawa bɛ́ á goã á pɛ Nowee-n lɔn. Bɛ kio, Lawa goo lɛ a kiɛnlɛ tã Nowee lɛ.

Loen 95:11

Bɛ lɛ na á toa, maa foo-yoo gɔ́ɔ̃ nɛ, má n liɛ máa ǹ ba re we maa susu ǹ gána kɛ-n wa.

Matiə 24:42

Bɛ lɛ taman yii, ka n yii toa koo, a giala ka ba kaa Dɛnaa a daa pinaa doɛ̃ wa.

Matiə 24:43

Bɛ̀ kiondɛnaa n wurumu a da tèlò-n biikoo doɛ̃, a nə n yii dɔrɛɛ, a ba re toɛ a na a kiɛnlɛ yiɛ wa.

Matiə 24:44

Bɛ lɛ taman yii, ka dɔn nə n yii dɔraa, a giala, ka yiri bɛ́ a ba biikoo mɛn li wa, Min a Nɛgiĩ n die die bɛa biikoo lɛ li.

Matiə 25:6

Làan bɛ́ á kɔ, ǹ nə́ n lɛ dɛ: «Lɔ tii ǹ zuũ lɛ á ke! Ka soo ka n da lɛ!»

Matiə 7:21

Min mɛn din tumaa bɛ́ masɛ bíi: «Dɛnaa, Dɛnaa,» bɛ tumaa bie re we lon a kiibaa-n wa. Ma Di Lawa foo sii zɛnaalin dininsɔɔ̃nɔn man die we.

Luku 12:35

«Ka n yii dɔraa ka koa, ka kaa bolonən toa kuĩ.

Luku 13:25

Bɛ̀ kiondɛnaa yoo á kiɛnlɛ tã, bɛ̀ ǹsɛn nə́ kanaa, maǹ die a giala koe ǹ kiɛnlɛ dɛ, bɛ̀ ǹ nə́ pii: «Dɛnaa, kiɛnlɛ bũ wɔsɛn manɛ.» Bɛa waáraa, kiondɛnaa lɛ n die ǹ lɛ sii mà asɛ ba ǹ bɔ ǹ bǎã doɛ̃ wa.

Kolɔɔsi minin 1:12

ka boo la ka barka da Díi Lawa nɛ ka foo kɔɔ̃n nɛ. Lawa mɛn bɛ́ á zii bũ ka nɛ, a bɛ́ màn mɛn koɛ a minin manɛ, a din a wɔlɔ fúlu kɛ nɛ, a die a toa ka kaa wɔ gii yɛ bɛ nɛ.

Timote2 4:8

Kanna kəni, gɔ̀lɔ̀baa ǹ saraa tá ma duĩ. Min mɛnɛn tɔ wɔ ǹ gɔn bɛ́ pepere, Lawa n die saraa lɛ koe bɛn la, Dɛnaa kiri pepere wɔle n die bɛa saraa lɛ koe ma la kiri-kurii pinaa. A bie re koe ma dinsɔɔ̃ la wa. Min mɛnɛn bɛ́ n yii diɛ a wusoo a daa la parsiini, a n die a din saraa goon lɛ koe bɛn dɔn la.

Piɛrɛ1 1:13

Bɛ lɛ tɔ ganaa, ka n yiri toa bǎã goon ne, dí nyɛɛ a lɛa. Ka n yii dɔraa, ka n foo tumaa doa Lawa a bǐɛ̃baa ǹ màn kɛ ganaa, á n die koe ka la, Yezu Krita a daa pinaa.

Sii-nyaan 1:7

Ka ga a ganaa! Yezu n die labaran bii! Min tumaa á re yii, haalɛ min mɛnɛn bɛ́ ǹ nə́ fɔ̃. Kanaa a tɔrɔn tumaa la á re paparɛ a lɛa. Hiĩ, a n miɛ̃!

Sii-nyaan 19:7

Ka daa wɔ n nyɛnyaa wɔ goã ka foo kɔɔ̃n nɛ, wɔ gugurubaa kɔ la! A giala Sère Nɛ a kɔn-wɔ ǹ zɔ́n dɔ, a bɛ́ kɔn-we ka min mɛn dɔ nɛ, bɛ dɔ nə́ n yɔrɔ bɔ.

Sii-nyaan 22:20

Min mɛn bɛ́ golee sɛ́wɔ kɛ a boon taãnbaa li, ǹ dɛnaa n pii: «Hiĩ. Ma á die sisia!» A n baa miɛ̃. Dɛnaa Yezu, daa!