Matiə 24:48 - LAWA A BOO SONBORE

⁴⁸ Sɛnɛ, bɛ̀ dí-nyali baraa mɛn nɛ, a n pii a din gɔ́ɔ̃ nɛ, maa dɛnaagiĩ a die wusii sisia wa,

LAWA A BOO SONBORE 2011

⁴⁸ Sɛnɛ, bɛ̀ dí-nyali baraa mɛn nɛ, a n pii a din gɔ́ɔ̃ nɛ, maa dɛnaagiĩ a die wusii sisia wa,

Matiə 24:48 ပူးပေါင်းရင်းမြစ်များ

Kiin2 5:26

Sɛnɛ Yiliizee nə́ n toa a ganaa: «Giĩ goon bɛ́ gisĩ fufuu n boe a wotoro la, die n diɛ n lɛ, masɛ n ma bɛ yɛ sii nyaa-n wa? Wɔrɔ yɛ n biikoo n ka kɛ nɛ ń nə́ boe la ń nə́ mɔnaan pii ni, *olivie dan nɛ, *rezɛ̃ dan nɛ, sèren laanka diin ni, bɛ̀rɛgiĩn laanka bɛ̀rɛlɔn nɛ?

Boo-laakalaali 8:11

Nya ǹ dí baraan lɛn dɔlɔ bɛ́ a ba n boe a bǎã-n wa, bɛ lɛ n ke toɛ, sii baraa zɛnaa ǹ foo n minbuiin nɛ-n taãn-taãnɛ.

Izayii 32:6

A giala, baãnaa n baãnaabaa ǹ boo diɛ. A nə n taasɛ sii baraa zɛnaa dinsɔɔ̃ ganaa. A n sii bɔbɔnɛɛn zɛnɛɛ. A n sɔ koe Dɛnaa Lawa ganaa. A ba màn-bii koe bòonaa la wa, A ba mu koe mu borodɛnaa la wa.

Ezekieli 12:22

Minbuiin a nɛ, wàa na á baa ǹ tá suusu kɛ diɛ Izirayeli gána wɔ paǹ li: – Biikoo á ke kiɛ̃, sii nyaa lɛn kɔn nə́ ke a ná a tɔn nə n zɛnaa wa.

Ezekieli 12:27

– Minbuiin a nɛ, Izirayeli tɔrɔn man kɛ pii n wɔ paǹ li: «Giĩ kɛ lɛ yii bɛ́ sii mɛn ganaa, a bɛ́ boo mɛn diɛ, sisia sii bie wa, a wɔlɔ á tɔn sɔsɔɔ.

Matiə 18:32

A mìinaa lɛ tɔ́n bíi, á pɛ nɛ: «Dí-nyali babaraa, masɛ n má giɔ̀mɔ kɛ lɛ din tumaa toa n nɛ, a giala n ma nyankɔ parsiini.

Matiə 24:47

Masɛ n pii ka nɛ, sonbore: A dɛnaagiĩ lɛ á die koɛ a gɔn màn din tumaa mìi la.

Matiə 24:49

a n die yui a bɔ a mɛ ǹ miãn la a n məməə, a màn bii, a màn mi kun ka yɔ-mili babaraan nɛ.

Matiə 25:26

A mìinaa lɛ tɔ́n pɛ nɛ: «Dí naarɛ nyali, yoonaa! Táa n tá doɛ̃ mà ma bɛ́ ma màn tɔrɔ da bǎã mɛn nɛ wa, mà man màn kuri walan?

Marki 7:21

Taasiɛ naarɛn mɛnɛn bɛ́ boe min gɔ́ɔ̃ nɛ, bɛ giala mà a foo ne, bɛn lɛn man diɛ kɔrɔbaa ganaa, wurumabaa nɛ, gɛ̀-dɛ nɛ,

Luku 12:45

Sɛnɛ, bɛ̀ bɛa dí-nyali kɛ lɛ pɛ a din gɔ́ɔ̃ nɛ: «Maa dɛnaagiĩ lɛ a daa á tɔn sɔsɔɔ», á yoo, a tá ǹ miã dí-nyali gialakunun kɛn dii, a giĩ laanka a lɔdɛnan nɛ. A n màn bii, a n màn mii, á n we a yii ni.

Luku 19:22

Á pɛ a dɔ nɛ mà dí-nyali naarɛ ke, mà asɛ n die kiri kuri la, a kɔnpɛ a din lɛ gɔ́ɔ̃ ǹ boon ne. Mà táa á dɔ̃ mà asɛ n min kakaarɛ lɛa, mà asɛ màn mɛn koa wa mà asɛ n bɛ siɛ, asɛ màn mɛn da wa asɛ n bɛ kuri.

Zaã a sɛ́wɔ 13:2

Yezu laanka a kialandɛnan man màn bii biikoo kɔ́n li. Bɛ á zɛnɛɛ bɛ̀ *Sɛtaan nə́ saa lɛlɛ, á wɔ Kariyɔtin Simɔn a nɛgiĩ Zudaasi yiri ni, mà a Yezu kɔ a zɔ́ɔn la.

Nya ǹ dín 5:3

Sɛnɛ, Piɛrɛ pɛ nɛ: «Ananiasi, wàa na á baa ń toa *Sɛtaan nə́ n gɔ́ɔ̃ tii kɛnɛn, á n diɛ soɛ bɔ ganaa Lawa a Yiri Fu ni? Táa ma nə n tán giɔ̀mɔ lɛ kɔ́n bɔ.

Nya ǹ dín 8:22

N taasɛ n golee n sii baraan li, n wusoo n baraabaa kɛ kio, n Dɛnaa nyankɔ. Taasiɛ naarɛ mɛn wɔ n foo-n ke, kɔntan Lawa á re bɛ toɛ n nɛ.

Timəə dí-pɛn 15:9

Haya! Ka yiri bɔ, ka nyan toa ka taasiɛ kooron wɔ ka pɛ mà lɛ̀ sɔbaabaa ǹ wɔ lɛ, giɔ̀mɔ toa ǹ lɛ̀ lɛa, mà bɛ́ dɔ á nya wa. Ka baran n saa bɛa taasiɛ kɛ li, ka n yii baraa bɔ ka dɔɔ̃n doobaa li, ka nu ka màn nɛ wa. Bɛ̀ ká bɛ zɛnaa, bɛ̀ a n lɛ dɛ Dɛnaa Lawa ganaa, a n die sii baraa biɛ ka mìi ni.

Timəə dí-pɛn 9:4

Bɛ̀ kaa Lawa, Dɛnaa Lawa lɛ nə́ ǹ loo á ǹ bɔ ka nyɛɛnɛ ǹ mɛn waáraa, ka baran din gole kɔ ǹ boo da ka pɛ mà ka dinin peperebaa a lɛa nɛ, Dɛnaa Lawa toa ka wɔ gána lɛ nɛ, ka si ka baa kaa wɔ lɛa wa. Sɛnɛ, ka dɔ̃ mà tɔrɔn kɛn lɛn baraabaa a lɛa nɛ, Dɛnaa Lawa á re ǹ lui, a ǹ bɔ ka nyɛɛnɛ.