Matiə 24:39 - LAWA A BOO SONBORE

³⁹ Ǹ nə n gɔ́ɔ̃ bii ka sii kɔ́n nɛ wa, yǎa mu gole lɛ daa, á ǹ yii goa á kiɛ̃ ǹ nɛ. A n die n biɛ miɛ̃ Min a Nɛgiĩ a daa pinaa dɔ nɛ.

LAWA A BOO SONBORE 2011

³⁹ Ǹ nə n gɔ́ɔ̃ bii ka sii kɔ́n nɛ wa, yǎa mu gole lɛ daa, á ǹ yii goa á kiɛ̃ ǹ nɛ. A n die n biɛ miɛ̃ Min a Nɛgiĩ a daa pinaa dɔ nɛ.

Matiə 24:39 ပူးပေါင်းရင်းမြစ်များ

Siin Giala 7:23

Dɛnaa na á zɛnaa miɛ̃, á màn yiikoonaa tumaa papaã á bɔ tán la: minbuiinin ni, màn yiikoonaan nɛ, a dadaran nɛ ka a bɔnboɛɛnɛn nɛ, ka bàanan dinin ni. Lawa nə́ ǹ tumaa papaã, á ǹ bɔ tán la. Nowee dinsɔɔ̃ na á la, kun ka a minin ni, ka màn mɛn tumaa bɛ́ goo lɛ-n kunun ǹ ni.

Suusun 23:35

Ń tá re taasɛ mà maǹ nə́ n dɛ, sɛnɛ mà n paǹ kɔn ba busi wa, mà maǹ nə́ n məə sɛnɛ, mà a wɔ n ganaa wa. N yii á re kiɛ fufuu, n wusoo n nɔ̀n da duvɛ̃ li, n mi.

Suusun 24:12

Kɔntan n tá re pii mà n ba sii kɔn siére-a wa. Sɛnɛ, min mɛn bɛ́ sii tumaa doɛ̃, bɛ á doɛ̃. A n giɛ n ganaa, á re didie sarɛɛ a kɔnpɛ ka a zɛnaa ǹ siin ni.

Suusun 29:7

Min pepere nə n yiri koɛ doobaa li, bɛa yiri ba min baraa lon wa.

Izayii 42:25

Bɛ lɛ nɛ, Dɛnaa Lawa na a foo yoo baraa kɛ kaa ǹ la, ka zia baraa nɛ. Bɛa zia lɛ tɛ da ǹ paǹ yii ganaa a ná a lɛnpɛnɛ nɛ, sɛnɛ, Izirayeli na a giala ma wa; á kũ, sɛnɛ a baa a parsii lɛa wa.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Matiə 24:3

Yezu bɛ́ giã-n tán *Olivie dan kele la, a kialandɛnan nə́ n zɔ̃ ǹ nə́ dɔ a li ǹ dininsɔɔ̃nɔn, ǹ nə́ nɔ̀n da la: – Bɛ n die n zɛnɛɛ biĩ? Sii mɛn dɔ n die nyɛɛ mà n wusoo a daa biikoo dɔ, mà kanaa a nya biikoo dɔ? Bɛ pɛ wɔsɛn manɛ.

Matiə 24:30

Bɛa biikoo li, Min a Nɛgiĩ a daa a sii a kɔnbɔ á die soe lon. Kanaa a tɔrɔn tumaa á re n lala diɛ. N tá re Min a Nɛgiĩ yii labaran la, ka pàã gole laanka gugurubaa gole ne.

Matiə 24:37

A n baa lɔn Nowee a biikoo li, a n die n biɛ miɛ̃ Min a Nɛgiĩ a daa pinaa.

Matiə 24:40

Giĩ min paa á re goɛ̃ wuru-n kun, goon tá re n siɛ, goon nə n toa walan.

Luku 19:44

Ǹ tá re n yui lenlen, n din laanka n gɔ́ɔ̃gɔ́ɔ̃ ǹ minin ni. Ǹ ba re kɔlɔ toɛ ǹ miã la n gɔ́ɔ̃-n wa. A giala, Lawa biikoo mɛn bɔ á daa, mà a nə n sii sii la, n bɛa biikoo lɛ dɔ̃ wa.»

Zaã a sɛ́wɔ 3:20

Sonbore ne, min mɛn bɛ́ sii baraa zɛnɛɛ, wɔlɔ fúlu a kɔɔ̃n bɛa dɛnaa ganaa wa, a soe wɔlɔ fúlu li, n na a sii baraan yaa kiɛ̃ boe kanaa wa.

Nya ǹ dín 13:41

«Ka ga a ganaa, kasɛn min piɛ̃-bɔlen lɛn. Ka n kaãbaa ka papaã! A ka yii toa koo, man die dí goon nyɛɛ, bɛ̀ a nə n zɛnɛɛ ka kio, min ná a laakalɛɛ ka nɛ, bɛ̀ ka a golee li wa.»

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Piɛrɛ2 3:5

Bɛ̀ ǹ tá bɛ pii, maǹ nə n dinin yiri boe woone, mà Lawa na á lon laanka kanaa da lɛlɛ ka a boo barka nɛ. A na á kanaa bɔ mu bii, á tamaa mu bii.

Sii yɔrɔ-bɔlen 20:34

Bɛa yɔrɔ lɛ la, giĩ duu fù, ǹ mɛnɛn tɔ bɛ́ á bɔ zia la, bɛn man nə́ n bɔ Izirayeli minin lɛn tumaa bii, ǹ nə́ woo golee Gibeya yɔrɔ-a. Zia lɛ baraa kɔ, sɛnɛ, Bɛnzamɛn tɔrɔn lɛn nə goã doɛ̃ mà bɔ̀n nə die ǹsɛn yii wa.