Matiə 24:29 - LAWA A BOO SONBORE

²⁹ Bɛa nɔmaa lɛawaan kɛn lɛn kiɛ̃ kio gɔrɔ, wasa á die n biɛ nuunaa nɛ, mui ba re a folon kiɛ doo wa, leeren tá re boe lon ǹ kaa, lon màn pàãdɛnan dinin tumaa á re n lɔlɛkɔn.

LAWA A BOO SONBORE 2011

²⁹ Bɛa nɔmaa lɛawaan kɛn lɛn kiɛ̃ kio gɔrɔ, wasa á die n biɛ nuunaa nɛ, mui ba re a folon kiɛ doo wa, leeren tá re boe lon ǹ kaa, lon màn pàãdɛnan dinin tumaa á re n lɔlɛkɔn.

Matiə 24:29 ပူးပေါင်းရင်းမြစ်များ

Boo-laakalaali 12:2

Bɛa biikoo li, n tá re goɛ̃ wɔlɔ tì li, ka wasa a fólon na á nimi, ka mui laanka leeren man nə́ kũ, ǹ nə́ tii, ka la n bara goɛ la a kaa kio.

Izayii 13:10

Leeren laanka leere kurun kɛn ba re folon kiɛ doo wa. Wasa n die tii a bɔ tán waáraa. Mui a re folon kiɛ doo wa.

Izayii 24:23

Sìi á re mui kuĩ, sìi á re n koe wasa lɛ. A giala, Dɛnaa Lawa Pàãyiidɛnaa n die kii biɛ Zeruzalɛmu, *Siɔn kele la. Dɛnaa Lawa a gugurubaa n die tɛ pii kiwi, min golen yɔrɔ-a.

Izayii 34:4

Leere kurun kɛn man pɔpɔsɛ kiɛ. Lon nə n muni ka sɛ́wɔ bɛ́ lɔn. Lon màn tɛ-pɛle dadaran kɛn man mɛnɛɛ, ka luu gere bɛ́ boe lon mɛnɛɛ lɔn hinlaa ka da nɛ mərə bɛ́ niɛ̃ mɛnɛɛ lɔn.

Zowɛli 2:10

Tán nə bìn diɛ ǹ nyɛɛnɛ, lon nə ka a n die niɛ̃ a mɛnaa, wasa laanka mui ba folon kiɛ doo wa, leeren ba tɛ-pii doo wa.

Amɔɔsi 5:20

Dɛnaa Lawa a lɛawaa kɛ lɛ, ka á re n boe a nɛ? A n die tèlò biɛ tì biribiri, wɔlɔ fúlu boo bie wa.

Amɔɔsi 8:9

Dɛnaa Lawa wusoo á pɛ kɛnɛn: Bɛa pinaa kɛ lɛ nɛ, ma á re wasa diɛ yii-sã ganaa penleen tiɛɛ̃n nɛ. Ma á re wɔlɔ tii tán la wasa yii ni.

Matiə 24:21

A giala, bɛa biikoo lɛ a nɔmaa lɛ á die gole koe parsiini, a kũ kanaa diɛ biikoo ganaa a da pelo ǹ yaa, min tɔn nə ǹ miã yɛ ka a yii-n wa, min ba re ǹ miã kɔsɔ yii ka a yii-n doo duduu wa.

Matiə 24:8

Bɛ din tumaa ná a giala kɔ ǹ gɔn lɛa, ka lɔ a nɔɔ̀rɔ kɔ ǹ gɔn bɛ́ lɔn.

Piɛrɛ2 3:10

Dɛnaa a lɛawaa lɛ a daa n die goɛ̃ ka wurumu wɔ bɛ́ lɔn, min yiri ná a ba li wa. Bɛa pinaa kɛ nɛ, lon nə die nyɛɛ ka nyɛ́ɛ da ǹ màn wuu gole ne, a màn tumaa n die kuĩ ǹ papaã. Kanaa laanka a gɔ́ɔ̃gɔ́ɔ̃ ǹ mànan tumaa á re nyɛɛ.

Sii-nyaan 8:12

Lon a dia dí-a wole siibaa ǹ wɔ dɔ tɔ́n a bɛn pɛ. Wasa laanka mui ka leeren talakɔn sɔɔbaa ǹ wɔ gã, ǹ folon dɔ a talakɔn sɔɔbaa ǹ wɔ nimi. Bɛ tɔ́n toa baayɛlɛ ka tèlò a talakɔn sɔɔbaa ǹ wɔ́ goã wɔlɔ tì lɛa.