Matiə 23:37 - LAWA A BOO SONBORE

³⁷ Zeruzalɛmu kiwi ganaa, nsɛ mɛn bɛ́ Lawa a boo gii-dalin dii, bɛ̀ n Lawa a dia dí-a wolen dɛ ka kɔlɔ nɛ ǹ gã. Ma gunyin damata n ke giɛ li, ma tá n minin lɛ soekɔn ma din li, ka koo dan bɛ́ a nɛn lɛ soekɔn-a a nyàa kan giulun lɔn, sɛnɛ, ka bɛ́ ka lɛ kɔ wa!

LAWA A BOO SONBORE 2011

³⁷ Zeruzalɛmu kiwi ganaa, nsɛ mɛn bɛ́ Lawa a boo gii-dalin dii, bɛ̀ n Lawa a dia dí-a wolen dɛ ka kɔlɔ nɛ ǹ gã. Ma gunyin damata n ke giɛ li, ma tá n minin lɛ soekɔn ma din li, ka koo dan bɛ́ a nɛn lɛ soekɔn-a a nyàa kan giulun lɔn, sɛnɛ, ka bɛ́ ka lɛ kɔ wa!

Matiə 23:37 ပူးပေါင်းရင်းမြစ်များ

Nehemii 9:26

Sɛnɛ, ǹ nə́ n kurəə ǹ nə́ n gòãn dii n ganaa, ǹ nə́ n dí-pɛ lɛ da ǹ gɔn dɔ̀ɔ̃ nɛ. N boo gii-dalin mɛnɛn dɔn nə goã miɛ ǹ ganaa mà ǹ wusoo ǹ da n ganaa, ǹ nə́ bɛn dɛ, ǹ nə́ sã dadaran wɔ.

Loen 17:8

N bɛ́ n din yii nàn tamaɛ lɔn, ma tamaa miɛ̃. Ma duru n din nyàa giulun.

Loen 36:7

N peperebaa lɛ n yii ka kele dadaran bɛ́ lɔn. N kiri kurii lɛ n zuzulu ka nyankɔrɔ gole bɛ́ lɔn. Dɛnaa Lawa, n din nə minbuiinin laanka tɔɔn tamaɛ.

Loen 57:1

LOE-saalin goledɛnaa loe mɛn lɔ. A nə n loe kɛnɛn: N baran toa n ziziɛ̃ wa. Davida a loe goon ne. A bɛ́ á baa si, á woo n dɔ yala kɔrɔ nɛ, màn mɛn bɛ́ toɛ, a la kii Sayulu la, Davida n boo diɛ bɛ wɔ gɔn la.

Loen 63:7

Bɛ̀ ma á waa-n tán maa piì la, yǎa ma yiri gisĩ n ni, ma nə n taasɛ ka n din ni tèlò lɛ tumaa gɔ́ɔ̃ nɛ.

Loen 91:4

Á re n tamaɛ a din li, n tá re duru ǹ bǎã yii a din li, ka koon nɛ bɛ́ n duri koo dan nyàa giulun lɔn. A din a kɔn-narɛɛ gole kɛ á re goóro biɛ n síã, a n tamaa.

Izayii 5:4

Má n parsii tumaa bɔ maa rezɛ̃ wuru kɛ taman yii, ma ba boe la ma kiɛ̃ kɛ la doɛ̃ doo wa. Má goã n yii diɛ rezɛ̃ nɛ sonbore la, sɛnɛ, rezɛ̃ da lɛ na á nɛ pipiã kɔ. Bɛ giala n ka wàa-n kəni?

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Zeremii 2:30

Ma kaa nɛnyaanan dɛ, sɛnɛ a là goon yɛ wa. Ka golee maa doroon li wa. Ka yàra basaã-kɔle bɛ́ lɔn, ka kaa Lawa a dia dí-a wolen yii dɛ.

Zeremii 26:23

Ǹ nə́ bɔ ka Uria nɛ Ezipti gána nɛ ǹ nə́ daa nɛ, ǹ nə́ woo-n kii lɛ li. Zozakimu nə ǹ da a dɛ ganaa, ǹ ná a gere zũ geren kaa ǹ nyankɔrɔ gole kɛ nɛ.

Zeremii 32:31

Taãn nɛ, a kũ Zeruzalɛmu a giala kɔ ganaa a da kaa pelo lɛ, bɛa kiwi kɛ ma foo yoo. Bɛ lɛ nɛ, ma ba li ma yɛ ma yɔrɔ-a doo wa.

Zeremii 35:15

Biikoo tumaa li, má maa dí-nyalin maa Lawa a boo gii-dalin dia ka la. Kɔn kio ganaa, maǹ nə́ goã pii ka nɛ: «Didie tumaa na a giã ǹ gɔn baraa kaa. Ka sii zɛnaa a yɔrɔ li. Ka nyan kɔ dì kɔsɔn lɛ ka ǹ guguru kɔ wa. Ma gána mɛn kɔ ka laanka ka digolon la, ka á re boe la ka giã bɛ-n kəni.» Sɛnɛ, ka n too da wa, ka n too kɔ ma lon wa.

Zeremii 36:26

Á zii kɔ a nɛgiĩ Zerameyeli la, Azireyeli a nɛgiĩ Seraya nɛ, ka Abdeyeli a nɛgiĩ Selemia nɛ mà ǹ sɛ́wɔ-kiɛ̃li Baruku kũ ka Lawa a boo gii-dali Zeremii ni. Sɛnɛ, Dɛnaa Lawa nə́ ǹ koa tamaa-n bǎã sonbore ne.

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Zeremii 44:4

A da yaa, biikoo tumaa li, má maa dí-nyalin, Lawa a boo gii-dalin dia ka la. Ǹ nə́ pɛ ka nɛ kɔn kio mà ka sabara baa, mà kaa sii bɔbɔnɛɛn kɛn tìĩ a boe-n ma nɛ, mà ka nyan bɛ zɛnaa wa.

Zeremii 6:8

Zeruzalɛmu, lɛ kɔ maa doroon ganaa, bɛ bie wa, man die n lɛ boe n ganaa, ma n baa diə gole lɛa, tán lɛa min ná a boe la a giã la wa.

Ozee 11:2

Bɛ ǹ tá ǹ bíi, maǹ woe sɔsɔɔ bɛa waáraa. Ǹ nə́ goã wúlu boe Baalin ganaa, ǹ nə́ da yon gìĩ kɔɔ̃n tiɛ̃ dìn ganaa.

Ozee 11:7

Maa zaman lɛ gɔn nə tɔn paraa nɛ ǹ piã ǹ siin lɛn ganaa. Maǹ nə́ ǹ bii woe lon, sɛnɛ ǹ kɔn ba yui wa.

Ozee 7:13

Ǹ wɔ n ka bɔ̀n nɛ! A giala maǹ baa sii ma nyɛɛnɛ. Ǹ wɔ na á ziziɛ̃! A giala, ǹ nə́ n gòãn dii masɛ ganaa. Bɛ̀ ma doamaa-n ma ǹ si ma ǹ kaa, sɛnɛ, ǹ ba taãn pii maa wɔ paǹ li wa!

Zakarii 1:4

Ka nyan ka digolon lɛn zɔɔ̃ wa. Lɛlɛ, maa boo gii-dalin nə́ boo da ǹ nɛ, mà ǹ nə ǹ giã ǹ gɔn baraa kɛ kaa, kɔnlɛ ka ǹ sii bɔnɛɛ zɛnaan kɛn nɛ. Sɛnɛ, ǹ nə n too kɔ ma lon wa, ǹ nə n yiri koa ma li wa. Dɛnaa Lawa a da ǹ boo ne.

Matiə 22:3

A ná a dí-nyalin dia mà ǹ wo minin bíi ǹ da kɔn wɔ ǹ màn bii. Sɛnɛ, bɛn nə́ n piã mà ǹsɛn ba die wa.

Matiə 22:6

gialakunun lɛn nə́ kii lɛ a dí-nyalin lɛn kũ, ǹ nə́ fuu nyaa ǹ yii ni, yǎa ǹ nə́ gã.

Matiə 23:30

Ka n wusii pii doo: «Bɛ̀ wɔsɛn man wɔ tan wɔ digolon wɔa biikoo li, wɔsɛn ba n gòɛ̃ diɛ kunun ǹ ni, wɔ Lawa a boo gii-dalin kɛn mà kaa wa.»

Matiə 23:31

Bɛa yɔrɔ lɛ la, ka dinin man siére boe ka dinin wɔ gɔn la, kasɛn man Lawa a boo gii-dalin dɛlen lɛn tɔrɔn lɛa.

Matiə 5:12

Ka n nyɛnyɛɛ, ka foo goã kɔɔ̃nɛ, a giala, saraa gole tá ka duĩ lon, Lawa a piɛ. Lawa a boo gii-dalin mɛnɛn nə da ka nyɛɛnɛ, minin man nə́ bɛn dɔn nɔmaa miɛ̃.

Luku 15:28

Nɛgiĩ goledɛnaa lɛ foo yoo, á n piã mà asɛ a we kion wa. Ǹ di soo a ná a nyankɔ.

Tesaloniki1 2:15

ǹsɛn Zuifun kɛn lɛn, maǹ nə́ wɔa Dɛnaa Yezu laanka Lawa a boo gii-dalin dɛ ǹ nə́ gã. Ǹ dinin lɛn man nə́ fuu nyaa wɔ dɔn manɛ. Ǹ sii a kɔɔ̃n Lawa ganaa wa! Maǹ min tumaa a zɔ́ɔn lɛa!

Sii-nyaan 17:6

Má yɛ, ǹ Lawa a min sonboren mɛnɛn dɛ, bɛn mà na á goã lɔ lɛ yii-a. Min mɛnɛn nə́ foo doa ǹ min baa Yezu wɔ gɔn la, lɔ lɛ na á bɛn mà mi, a ná a yii-a ka yɔ bɛ́ lɔn. Ma bɛ́ má yɛ lɔn, tɔwaa gole ma kũ.

Uruti 2:12

N sii mɛn zɛnaa, Dɛnaa Lawa die n sarɛɛ nɛ. Dɛnaa Lawa lɛ, Izirayeli minin Lawa lɛa, n da kaa Lawa mɛn lɛ yele, bɛ die a n saraa lɛ piɛ̃ kɔ n la.»