Matiə 23:35 - LAWA A BOO SONBORE

³⁵ Bɛ lɛ n toɛ, ka digolon nə Lawa bɔlɔ-silin mɛnɛn dɛ kooro, a saa Lawa bɔlɔ-sili Abeli a dɛ biikoo ganaa a wo Baraaki a nɛgiĩ Zakarii a dɛ biikoo yaa, ǹ nə ǹ mɛn dɛ Lawa a kion, Lawa laanka a wúlu-bɔlen kɔn yɛ ǹ bǎã laanka *wúlu bɔ ǹ bǎã bii ni, bɛ lɛ din tumaa a dɔlɔ á die kasɛn kɛn lɛn kuĩ.

LAWA A BOO SONBORE 2011

³⁵ Bɛ lɛ n toɛ, ka digolon nə Lawa bɔlɔ-silin mɛnɛn dɛ kooro, a saa Lawa bɔlɔ-sili Abeli a dɛ biikoo ganaa a wo Baraaki a nɛgiĩ Zakarii a dɛ biikoo yaa, ǹ nə ǹ mɛn dɛ Lawa a kion, Lawa laanka a wúlu-bɔlen kɔn yɛ ǹ bǎã laanka *wúlu bɔ ǹ bǎã bii ni, bɛ lɛ din tumaa a dɔlɔ á die kasɛn kɛn lɛn kuĩ.

Matiə 23:35 ပူးပေါင်းရင်းမြစ်များ

Siin Giala 4:8

Ǹ kɔn pinaa, Kanyɛ nə́ ǹ diɛ̃ Abeli lɛ bíi á pɛ nɛ mà a daa ǹ nə n ta don. Ǹ bɛ́ ǹ nə́ dɔ don, Kanyɛ yoo á mɛ ǹ diɛ̃ Abeli la, á dɛ á da tán.

Kiin2 21:16

Manaasee zɛrɛbaãnaa gigiã dɔ mà kaa tán, yǎa Zeruzalɛmu gɔ́ɔ̃ yii pã ka mà nɛ. Bɛ̀ á yoo bɛ la, sii mɛn bɛ́ baraa Dɛnaa Lawa yii li, a na á Zudaa minin lɛn kaa bɛa zɛnaa ganaa.

Kiin2 24:4

a goã á zɛ̀rɛbaãnaan mà mɛn kaa á Zeruzalɛmu kiwi gɔ́ɔ̃ pã nɛ, bɛ lɛ dɔ taman yii ni. A giala Dɛnaa Lawa lɛ kɔ á bɛ toa-n wa.

Izayii 14:21

Ka n yɔrɔ bɔ ka a nɛnyaanan dɛ, ǹ díi a sii baraan kɛn tumaa taman yii. Màn mɛn bɛ́ toɛ, ǹ baran n kɔ tán tumaa lɛ ǹ kiwi dadaran dɔ la wa.

Izayii 26:21

A giala, á ke, Dɛnaa Lawa soo kion. A n die dɔlɔ boe minbuiin nɛn ganaa, ǹ sãn taman yii. Mà mɛn kaa, tán tá re toɛ bɛ yɛ. Ǹ min mɛnɛn dɛ, a re bɛn duri doo wa.

Zeremii 2:30

Ma kaa nɛnyaanan dɛ, sɛnɛ a là goon yɛ wa. Ka golee maa doroon li wa. Ka yàra basaã-kɔle bɛ́ lɔn, ka kaa Lawa a dia dí-a wolen yii dɛ.

Zeremii 2:34

Doobaan laanka yii tì-an mà nə n mɔnaan ganaa, a da yaa dɔn n bie n woo ǹ tɔwaa n kiɛnlɛ yiɛ wa.

Zeremii 26:15

Sɛnɛ, ka doamaa-n ka sii goon dɔ̃. Bɛ̀ ka ma dɛ ma gã, kasɛn, Zeruzalɛmu laanka a minin, ka dɔ̃ mà zɛ̀rɛbaãdɛnaa a gɛ̀ n kuĩ ka mìi ni. A giala, Dɛnaa Lawa na á ma dia sonbore mà ma da boo kɛ tumaa pɛ ka nɛ.»

Zeremii 26:23

Ǹ nə́ bɔ ka Uria nɛ Ezipti gána nɛ ǹ nə́ daa nɛ, ǹ nə́ woo-n kii lɛ li. Zozakimu nə ǹ da a dɛ ganaa, ǹ ná a gere zũ geren kaa ǹ nyankɔrɔ gole kɛ nɛ.

Zeremii 26:8

Zeremii bɛ́ á Lawa a boo lɛ da zaman tumaa nɛ á nya, Lawa a wúlu-bɔlen ne, Lawa a boo gii-dalin ni ka zaman lɛ nɛ, ǹ nə́ Zeremii kũ, ǹ nə́ pii ni: «N doamaa-n ka gɛ̀ nɛ!

Zakarii 1:1

Pɛrsin kii Dariyusu a kiibaa lɛ̀ paabaa ǹ wɔ a mui kiwisibaa ǹ wɔ li, Dɛnaa Lawa boo da ka Idoo a nɔ̀ɔn, Lawa a boo gii-dali, Berekia a nɛgiĩ Zakarii ni.

Minin nimi 35:33

Ka bɛ́ re goɛ̃ gána mɛn lɛ nɛ, ka doamaa bie ka bɛ gɔgɔrɛ kɔ wa. Sonbore, gɛ̀-dɛ n sii lɛa, sii mɛn nə́ ke gána gɔgɔrɛ koe. Bɛ̀ ǹ nə́ mà kaa gána lɛ nɛ, màn kɔn ba boe la a bɛ tuturu wa, yǎa mà-kaali lɛ mà.

Luku 11:51

A kũ Abeli a gɛ̀-a a da Zakarii wɔ yaa, ǹ Zakarii mɛn dɛ *wúlu bɔ ǹ bǎã laanka wúlu-bɔlen kɔn yɛ ǹ bǎã bii ni, sonbore, dɔlɔ á die n boe pelo minin kɛn lɛn-a bɛa gɛ̀-dɛ kɛ lɛ tumaa a lɛa.

Nya ǹ dín 5:28

«Táa wɔsɛn nə́ pɛ wɔ́ laa ka ganaa, wáa ka baran minin daraa bɛa tɔ kɛ lɛ ganaa wa. Á ke, ka kaa daraa lɛ wɔ Zeruzalɛmu kiwi minin tumaa yiri ni. Ka ǹ li mà giĩ kɛ lɛ a gɛ̀ dɔlɔ wɔsɛn kũ?»

Ebrəə 11:4

Golee Lawa li na á toa, Abeli *wúlu màn mɛn bɔ á kɔ Lawa la, bɛ́ siĩn kɔ á la Kanyɛ wɔ nɛ. Bɛa golee Lawa li lɛ a lɛa nɛ, Lawa siére pɛ a wɔ gɔn la, mà min pepere ne, a giala, a din na á lɛ kɔ a bǐɛ̃ mànan lɛn ganaa. A golee Lawa li lɛ taman yii, a laanɛ á gã, a n tɔn boo diɛ.

Ebrəə 12:24

Ká n mɔrɔ Yezu ganaa, asɛ mɛn bɛ́ á lɛ kɔ kɔn la dii lɛ a zɛlɛ baa. Ka ǹ ká n mɔrɔ a mà kɛ ganaa min pii, mà mɛn bɛ́ dí gole nyɛɛ á la Abeli wɔ nɛ.

Sii-nyaan 18:24

Dɔlɔ na á n bɔ Baabilonii ganaa, a giala mà ǹ nə́ Lawa a boo gii-dalin laanka a min sonboren dɛ walan. Min mɛnɛn bɛ́ ǹ nə ǹ dɛ tán la, a din kiwi kɛ lɛ a lɛa nɛ.