Matiə 23:23 - LAWA A BOO SONBORE

²³ «Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n Lawa wɔ gii boe ka dù luu buruu bisin tumaa nɛ. Sɛnɛ, Lawa a dí-pɛn lɛn mɛnɛn dinin sii bɛ́ kaka, ka peperebaa á ke lɔn, ka makara bɔ min ganaa laanka bɔlɔgoondɛnaabaa nɛ, ka a bɛn diɛ sii li wa. Bɛ̀ ka doamaa nɛ, ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

LAWA A BOO SONBORE 2011

²³ Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n Lawa wɔ gii boe ka dù luu buruu bisin tumaa nɛ. Sɛnɛ, Lawa a dí-pɛn lɛn mɛnɛn dinin sii bɛ́ kaka, ka peperebaa á ke lɔn, ka makara bɔ min ganaa laanka bɔlɔgoondɛnaabaa nɛ, ka a bɛn diɛ sii li wa. Bɛ̀ ka doamaa nɛ, ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Matiə 23:23 ပူးပေါင်းရင်းမြစ်များ

Suusun 21:3

Giã ǹ gɔn sonbore, a n pepere, á kiɛ Dɛnaa Lawa foo la á la *wúlu màn nɛ.

Izayii 28:25

Sɛnɛ, a n wuru lɛ gɔ́ɔ̃ zɛnɛɛ bɔrɔ, bɛ kio, a n nigɛli laanka kumɛ̃ diɛ, bɛ kio, a tɔn *belee laanka *ɔrzi da, a tɔn a gɔn nyɔmɔɔ ka màn tɔrɔ kɔsɔ nɛ wuru lɛ lɛkoro-a.

Zeremii 22:3

Dɛnaa Lawa bɛ́ boo mɛn diɛ, á ke: «Ka kiri pepere wɔ, ka goã sonbore la. Ǹ bɛ́ mɛnɛɛ min mɛnɛn la, ka bɛn si ka ǹ kaa. Ka nyan mɛnaa tiin la wa, nɛ toenən ne ka lɔ giɔɔrɔn nɛ. Ka nyan kakaarɛbaa zɛnaa ǹ ganaa wa. Ka nyan yii tì-a mà kaa kànaa wa.

Ozee 6:6

Sii zɛnaa ka kɔn-narɛɛ nɛ, bɛ á kɔɔ̃n ma ganaa á la wúlu mànan kɛn manɛ. Ma dɔ̃ Lawa lɛa, bɛ á kɔɔ̃n ma ganaa á la *wúlu màn tiɛ̃n kɛn manɛ.

Lawa a wúlu-bɔlen 27:30

Tán-kɔsiɛ màn tumaa ka da nɛn nɛ, ǹ fùbaa ǹ wɔ n Dɛnaa Lawa wɔ gii lɛa. Bɛ lɛ doamaa nɛ a dɔ a ganaa.

Misee 6:8

E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Matiə 12:7

Lawa a boo na á pɛ: «Man giɛ li ka makara bɔ minin ganaa, ma bie giɛ li ka *wúlu mànan kɔ ma la wa. Bɛ̀ ka n bɛ giala miɛ, bɛ̀ ka a dɔlɔ diɛ minin mìi ni, a da yaa ǹ nə́ ǹ sii baraa zɛnaa wa.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Matiə 9:13

Lawa pɛ a boo ne: «Man giɛ li ka makara bɔ minin ganaa, ma bie giɛ li ka *wúlu mànan kɔ ma la wa.» Ka woo ka n daraa bɛ ganaa, ka a giala ma. A giala, min mɛnɛn bɛ́ n dinin biɛ min peperen lɛa, ma bie má daa bɛn taman yii wa, min mɛnɛn bɛ́ n dinin doɛ̃ sii baraa- zɛnaalin lɛa, man má daa bɛn taman yii.

Luku 11:42

«Fariziɛ̃n lɛn, kaa wɔ n ka bɔ̀n nɛ. Ka n Lawa wɔ gii boe màn din tumaa nɛ, haalɛ dù tɔrɔ din tumaa. Sɛnɛ, ka n peperebaa laanka Lawa narɛɛ sii diɛ para li. Bɛ̀ ka doamaa nɛ ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Luku 18:12

Masɛ nə n lɛ soɛ lɛawaa paa piizii goon gɔ́ɔ̃ nɛ. Ma á màn woo màn yii, ma na a talɛɛ fùbaa ǹ wɔ koe Lawa la.»

Samayeli1 15:22

Samayeli pɛ: «Dɛnaa Lawa bɔlɔ si bɛ́ kɔɔ̃nɛ Dɛnaa Lawa ganaa lɔn, *wúlu màn tiɛ̃n laanka wúlu mànan tá kɔɔ̃nɛ a ganaa miɛ̃ ya? Haayii dɛ! Á ke, bɔlɔ si á soɛ wúlu màn nɛ, doree si á soɛ sère pian nyɔɔ nɛ.